Marko 8:35 - NEAJEEDA EESH BEA BUUNEESSEAN

³⁵ Aba gideaba siida gasa ghoaghu aweagaaschi gaygabeagu, amaduw siida beagu aweagaaschi appadaydeanyu ea badayda Giijasta miy gayghoaghu.

Bibliyeeda Ghaydit

³⁵ Aba gideaba siida gasa ghoaghu eaweagaaschi gaygabeagu, amadu siida beagu eaweagaaschi aba badaydeanyu ea badayda Giijasta miy gayghoaghu.

Marko 8:35 Referans Kwoze

1 Goriinto 9:23

Ak geasinyi haleanjeessean appadayda giijasta miy, ak abeeda geeppareanyi ghawooda sea buuneeda suurja.

2 Dimoteo 1:8

Adibwaspwasi aba muwunooda badayda Ng'uttamiideanya ak eara aniineani eandi ghealooniga appadaydaanyiin adibaspasseeweani, asi milighteaysiina ng'asheega munyasiin sea aniini appadayda Giijasta Miy aba uurda Aseetta.

Lukka 17:33

Siida wassean gasa ghoaghu aweagaaschi gaygahutta, nea dea hutteawi aweagaaschi gayghoaghu.

Mattayo 16:25

Aba gideaba siida gasa ghoaghu aweagaaschi gaygahutteawi, nea siida hutteawi aweagaaschi appadaydeanyu, gayghwadaah.

Mattayo 19:29

Nea giliwas sih nung'usa heeda gheeda ghana oorjeeda ghaamwat ghana haweega ghaamwat ghana ghwaan ghana ghamwaat ghana diibiga ghana madameega, appadayda gheawungeasu, gayghwanyas niba bughala ak gwahearan eaweega manda mudeanooda.

Mattayo 10:39

Siida agaba aweagaaschi gaygahutteawi, nea siida hutteawi aweagaschi appadaydeanyu gaygwalealu.”

2 Goriinto 12:10

Appadayda Gristo, asi, naahiichchi aba ng'arng'aranda, ea giing'weakka, ea sawanaduutka, ea ghabasta, ea habitkwajeega; aba gideaba damanda eawosi ng'arng'ar, hean geawoschi majeek.

Gadiyeeda Giijasoodiga 9:16

ak gaydaahiimsa ng'asheega saang'a jea ghwanyasa sawanadeeda aba gheawungeasu.”

Lukka 9:24

Aba gideaba siida wassean iigasa gwalealu eaweagaaschi gaygabeagu, nea siida hutteawi aweagaaschi aba badaydeanyu gaygwalealu.

Giidaheechta 12:11

Ak ghwajoar aba foojeanda Dayeenda Gisilleanda, ea aba ng'asheanda muwuunnooda nyaawa, ak ea mwabwariinya eaweega nyaawa eara gaweayi miyeeda.

Mattayo 10:22

Nea gayghwasteagwa buuneassean aba gheawungeasu. Nea siichchea ghamilikghta ea gammudean abeeda ea siichea eelealu.

Giidaheechta 2:10

Asi adiiwali ng'asheega jea nyasa was sawanadeeda. Ng'ulla, meang'nyeandeenda niriikghta gwahisa buuneeda mwaatkwa mida jeedeang'wa ghealooniga, ak abeeda gesimsimeegwa, ak aba jeemba askweajooji damanamughuush gajanyasa sawanadeeda. Wosa doabiiwaat ea hitta miyeeda, ak gaydagoonnyi shiipka mideawa eaweega.’”

Gadiyeeda Giijasoodiga 21:13

Ghwalamda Baulo ak gwayeeshsha, “Agooga goosinnyi naaha, shookka nea googasayi ang'udanaan guroroodeanyu muuwda? Aba gideaba meakghusa gideaba geerattean, geawoschi hidaat eara enuusan aba Yerusaleemu aba gheawunga Ng'uttamiida was Yeesu Gristo.”

Giidaheechta 7:14

Geayeeshshi niny, “Siida mureeda, ginali ang'iing'i.” Hean gwayeeshshean, “Suu fuga leabu jeedeaba sawanadeetta hawiini; ak eanihuun hang'weakka nyaawa geawwi ea ghwanung' gaweeriidi aba foojeanda Dayeenda Gisilleanda.

Ebraniya 11:35

Ghwanyas gadeemga fuga nyaawa duunna miyeeda. Mwaatkwa geesawan, nea ghaheawa ghamwas siksiinda, ak abeeda gwaduuttu gichcha ak ghwanyas eaweega miyaas.

Gadiyeeda Giijasoodiga 20:24

Ak ea mwanung' ghoaw eaweegeasu gil ghana danung' ghoaw gidaghaloamwaat, geagasayi ghanyi dahiit gadiyeedeanyu anyaschi aba heeda Ng'uttamiida was Yeesu, ak geammuuwwu iitta giijasta miy bea dagheerjeandumeeda Aseetta.

Marko 8:36

Heappi ghamneawa siida eara ghwanyas halanjeassean bea muunda ng'eanyiida gaygwaloossa naaha, ihutteawi aweagaaschi?