Marko 8:33 - NEAJEEDA EESH BEA BUUNEESSEAN

³³ Ghwasach ghaat Yeesu gong'weersa ginealangaaschi ama hit gowoowsa Betro nea gwayeeshsha, “Ng'amwana madedeanyu ang'iing'i guwosi Shattaani! Ng'asheesu bea jeeda uhuudang'uun ghanyea maleapna heeda Aseetta. Suh ng'asheega uhuuda siida gil.”

Bibliyeeda Ghaydit

³³ Ghwasach ghaat Yesu goong'weersa ginealangaaschi ama hit goowoowsa Betaro nea gwayeesha, “Ng'amwana madeedeanyu ang'iing'i guwoosi Shataani! Ng'asheesu bea jeeda uhuudaang'uuni ghanyea maleapna heeda ASEETA. Suh ng'asheega uhuuda siida gil.”

Marko 8:33 Referans Kwoze

Mattayo 4:10

Hean gwayeeshsha Yeesu, “Ng'amwana hiji Shattaani! aba gideaba geang'war, ‘Ghadoawana Ng'uttamiida was Aseattaang'u ak gibwadi niny nea gaba geaw.’”

1 Yohaana 2:15

Adoabwariinyi ng'eanyiida ea haleanjeeda mida muunda ng'eanyiida. Aba gideaba siida bwariiy ng'eanyiida, bariinyeekka bea Ghweandeen ea maygwanda jeadaannyi.

Filippi 3:19

Mudeanoodeaba fiisu nyariida gil, ak aseetta nyaawa ea jeeda gil, ak ng'asheega aghambiida geat ea gea baspaseega gil, mideawa fughareenga ng'asheega ng'eanyiida.

Giidaheechta 3:19

Fukkeanji abwariinyiin, inyeessa geawoowsi nea ghabwarji; asi milmiliida ak giduukkuuni.

1 Betro 4:1

Asi aba gideaba Gristo ghwanyas sawanadeeda saseadaannyi, eara agooga oang'ng'waanya dabitta ng'uchcheeda bea gassoodida, aba gideaba ninnyeeda sisawan saseeda niny ninung'waada ring'eeda,

1 Dimotteo 5:20

Fukka sina ring'eedean awoowsiina aba madeeda buuneessean, ak abeeda ghabeal suurja.

1 Goriinto 5:5

ak geattaw Shattaani siisi ak ghwanyas saseadaannyi lasooda, ak abeeda gelealu gurooroadaannyi aba eaweeda Ng'uttamiida was Yeesu.

Lukka 22:61

Ghwayam geaw Ng'uttamiida ak gang'ula Betro. Ghoapkaat Betro ng'asheanda Ng'uttamiida, gidaghayi rukusiinda gideaba, “Eannean heeda miigoguula nnghaghooda gajea niheawanaan niba samwagu.”

Marko 3:34

Gwasachsa ghaat fugiga ghwanyawa abiitpidiin ak gwayi, “Ang'ulla Iyya ea oorjooga iyya fiisu gil!

Marko 3:5

Hean ghoaduup ghaang' Yeesu buuneeda aba nyarasta ak ghang'ut giseaneega idaah hang'ooynachcheekka guroruunatkeaba fugiga. Gwayeeshsha siitta aptu geattindean, “Asi adoabiiwa gattindaang'u.” Ghoadoobiiw siidida geattindaannyi ak gabiikta geattinda gamajegiit.

Mattayo 15:23

Ea marukusiina eara ng'ashaan. Ng'atta ghwahidu heeda giinealangaaschi ak gamus niny nea gwayeeshsha, “Nung'waada gawa, aba gideaba goojuurra geeshteanya.”

Ditto 1:13

Muwwunoani huumwa gil. Asi awoowsiina saawa nea ging'waniidi, ak abeeda gamajeegiit aba jeeda masaweega,

Lukka 9:55

Gwayamsa geaw saawa ak gwareekusa.

Lukka 4:8

Ghwasha Yeesu nea gwayeeshsha, “Geang'waar gideaba, ‘Ghadoawana Ng'uttamiida was Aseetttaang'u, nea gigadiyeesi niny akghwahit.’”

Mattayo 16:23

Gwayamsa geaw ak gwayeeshsha, Betro, “Una badaydeanyu shattaani! Adirussean; aba gideaba mindani meatkweeda Aseetta, gindi dea buuneeda.”