Marko 8:22 - NEAJEEDA EESH BEA BUUNEESSEAN

²² Ghwahitta Yeesu ng'eanyiida Betsayda nea godeayi ginealangaaschi. Hean gweadu Buuneeda siisi ng'oaw ak geemus Yeesu gideaba waasana geattingaagu.

Bibliyeeda Ghaydit

²² Ghwahita Yesu ng'eanyiida Betsayda nea goodeayi ginealangaaschi. Hean gweadu buuneeda siisi ng'oaw ak geemus Yesu gideaba waasana geatingaagu.

Marko 8:22 Referans Kwoze

Mattayo 11:21

“Eamuy deang'wa Gurasiini! Eamuy deang'wa Betsayda! Aba gideaba ng'asheakka ghayi deamdeameadi sisissa jeadeang'wean, inyeada ghayi geasissa mujiineada Diro ea Sidooni, gajeenigeawiit gwadukkuuna ng'asheaga munyas ak ghwayeashta deareada nea gookkwa guniyajeaga.

Marko 6:45

Deagheatta ghwanung' Yeesu gaweay ginealangaaschi jeeda maleambooda nea gwayeeshsha, oshsheeda oakghaawana basooda aweayeena hoowa bea ng'eanyiida Betsaydaan. Aniini gaghanyi dahuuydean daheelli emeeda.

Lukka 10:13

“Shageada, Gorasiini! Shageada, Betsayda! Aba gideaba deamdeamanga ghayi sisin aba heedeang'wa inyeeda ghayi geesin aba Diro ea Sidon, gajea goolla gwaduukkuuna nea gookkwa guniyajeega ak goobiitpiida deareeda.

Yohaana 12:21

Gaweay Fiisu heeda Filippoyda leabu Betsaydeeda Galilaaya ak gwayeeshsha niny, “Siida mureeda, geegasayi eadaaha Yeesu.”

Yohaana 1:44

Filippo niny siida leabu Betsayda gil, mujiineeda geaba Andreya ea Betro.

Marko 2:3

Iiduw ghwahidu Fii ang'wan nea gwasareennu siisi miyaan bearji gibittunooda damealga

Mattayo 8:15

ghawaasa Yeesu geattindaannyi, ak goosha sheagheeda, ak ghang'eat gagadiyeesa.

Mattayo 9:29

Hean ghawaas gheanyanga nyaawa nea gwayeeshsha, “Aba gitteenna masaweegeagwa gagasa anyasa.”

Mattayo 8:3

Ghoahakta geadi ak ghawaasa nea gwayeeshsha, “Geagasayi; miinni.” Deagheatta ghahaabwa udamusuura.

Lukka 9:10

Muchchu ea nibiigu Giijasoodigaaschi gwarukusa iitta ginnisin. Ghwaat saawa ea ghwahitta mujiineeda suguura Betsayda.

Mattayo 14:36

geemearmearani niny eawaas earea wileeda hang'daannyi gil akghwahit; nea fukka sean waas weeleadaannyiin geahhaap.

Marko 3:10

Abeada nihaap fuga saang'a, ghapka Fuga geyoonung'weakka nea gagasa ghanyi ghawaas Yeesu.