Marko 8:17 - NEAJEEDA EESH BEA BUUNEESSEAN

¹⁷ Gabaygwajeeng'u Yeesu ak gwayeeshsha, “Anda agooga gosheang'nyeesi ng'asheega nyootta mukkatte? Asseara giloanalli ghana gili ojeeng'u mandana? Eara ihengeagwa mwariishta?

Bibliyeeda Ghaydit

¹⁷ Gabay gwajeeng'u Yesu ak gwayeesha, “Anda agooga goosheang'nyeesi ng'asheega nyoota mukaate? Asi eara giloanali ghana gili oojeeng'u mandana? Eara iheengeagwa mwariishta?

Marko 8:17 Referans Kwoze

Marko 6:52

Ghabeal muuchchi aba gideaba mwanala ng'asheega ghayi bea mukkatte. Nea gwasin hang'ooynachcheekka guroruunatka nyaawa.

Marko 2:8

Gwajeeng'u Yeesu ng'asheega baloola jeesinga nyaawa ak gwayeeshsha, “Ghamwach-mwach naaha jeesing'eagwa?

Marko 3:5

Hean ghoaduup ghaang' Yeesu buuneeda aba nyarasta ak ghang'ut giseaneega idaah hang'ooynachcheekka guroruunatkeaba fugiga. Gwayeeshsha siitta aptu geattindean, “Asi adoabiiwa gattindaang'u.” Ghoadoobiiw siidida geattindaannyi ak gabiikta geattinda gamajegiit.

Giidaheechta 2:23

ak gaydabwar diibigaaschi gameewa. Ak gayghwanal ganiisajeega sean gideaba aniini geawoschi siida sikkiideawa fughareenga ea guroruunatka, ak gaba siisi adawji aba jeedeang'wa gitteaschi sea gadiyoojigeagwa.”

Yohaana 21:17

Gabiikta ghoanyaash deaba samwagu, “Simon, balleanda Yohaana, gibwarinyaani?” Gagiisan Betro aba gideaba geannyaash deaba samwagu gideaba “Gibwariinyaani” Gwayeeshsha niny, “Eah, Ng'uttamiida; ang'iing'i ginali haleanjeessean, ang'iing'i ginali gideaba aniini ghabwarinyeay.” Gwayeeshsha Yeesu, “Ahaaghwana gisilgeasu.

Yohaana 16:30

Asi ghamneawa aseasa sinalli gideaba ang'iing'i ginali haleanjeessean, ak ghanyea mudugwanda siida jea ghoanyaashnyi gil, asi ghamneawa sumwaschi gideaba ang'iing'i gileabu heeda Aseetta.”

Lukka 24:25

Ng'atta gwayeeshsha saawa, “Ea fuga dasheahi, mideawa guroruunatka hang'oonyi ak amwamwasa eara ng'asheega ghayi rugu sibanga!

Marko 16:14

Iiduw aba huydeanda gohiimsa geaw Yeesu ginealan damwanagi hitta Yeesu nea gweagiischi. Gowoowsa Yeesu saawa muuchchi aba hang'ooynachcheekka iheenga nyaawa, ea gideaba mwamwasa ng'asheegiga bea fugeadu iitta dunnoadannyyin.

Mattayo 15:17

Miianala eara ghamneawa gideaba gidanyoo gwasik ghuutta siida iissa ghang'atta gawa jeeda, amaduw gwaritta jarooda?

Mattayo 12:15

Geeyi bwak ama jeeng'u Yeesu ng'asheanji ghabeawa hoowa. Ghwaat geashta fuga saang'a ak ghoahaap fuga miyeani sean,

Mattayo 16:7

Gwasheang'nyi saawa nea gabwa geat, nea gwayi, “Miyeeyeanna mukkattajeega.”

Marko 8:16

Iiy Ginealanga ng'asheesu gabiissa gwasheang'nyi sean nea gwayi, “Nii ghamneawa ghwanyaashtunu aba gideaba mekkari mukkatte aba hiji.”