Marko 6:41 - NEAJEEDA EESH BEA BUUNEESSEAN

⁴¹ Ngatta gageanu Yeesu mukkattajeekka ghwanyawa ammuudiin ea ghweayeekka ghwanyawa assiyyenyean ak gong'weersa humng'eeda ak gabadiischeesa Aseetta. Gageanu mukkattajeega ghwanyawa ak ghabwanajaada aba geattingaaschi ak ghoadaw ginealangaaschi gwalakkiisa buuneeda. Eara ghweayeega ghwanyawa assiyyeenya ghwanung' goguulli buuneessean.

Bibliyeeda Ghaydit

⁴¹ Ng'ata gageanu Yesu mukaatajeegiga ghwanyawa amuudiin ea ghweayeegiga ghwanyawa asiyeenyean ak goong'weersa humng'eeda ak gabadiischeesa ASEETA. Gageanu mukaatajeega ghwanyawa ak ghabwanajaada aba geatingaaschi ak ghoadaw ginealangaaschi gwalakiisa buuneeda. Eara ghweayeega ghwanyawa asiyeenya ghwanung' googuuli buuneesean.

Marko 6:41 Referans Kwoze

Mattayo 14:19

Gwayeeshsha anung' goobiitpiit emeeda aba heeda mida nyeega; ng'atta gageanu mukkattajeekka ammudiin ea ghweayeekka assiyyeenyean ak gang'ula humng'eeda, ak gang'ushsha, ng'atta ghabwanajaada mukkattajeegiga ak ghoadaw giinealangaaschi, amahit ghoadaw giinealanga emeeda.

Marko 7:34

Hean gong'weersa Yeesu humng'eeda, amahit gosiima, ak gwayeeshsha siida ghwanyawa miyaan, “Efwatta!” Nea gideaba, “Jaadana.”

Lukka 24:30

Damandida mideayeewa aba agiischoodean gageanu mukkatte ak gang'ushsha ak ghabwanach ak ghoadaw saawa.

Lukka 9:16

Ng'atta gageanu mukkattajeekka ghwanyawa ammuudiin ea ghweayeekka ghwanyawa assiyyeenyean ak gagatgat gheanyangaaschi gogeal humng'eeda, ak gabadiischeesa ak ghabanajaada, ak ghoadaw ginealangaaschi ghoang'attaawa emeeda.

1 Goriinto 10:31

Asi iyooyeagiischi ghana iyooleeshi, ghana iyoosinnyi ng'asheanda wassean, asna sean aba gigheambiitta Aseetta.

Yohaana 17:1

Iiduw nea niihiit Yeesu rukunoodeaba ng'asheesu, gong'weersa humng'eeda ak gwayi, “Bwaabwa, nugul damanda; aghambiida Balleandaang'u, ak abeeda eara Balleanda ghoaghambiinnyi ang'iing'i,

Yohaana 11:41

Hean gegeanda lagheaneetta. Ng'atta gong'weersa Yeesu humng'eeda ak gwayi, “Geabadischoweey Bwaabwa aba gideaba iissa giyiinyi gideargu.

Marko 14:22

Iiduw nea geyeagiischi ghwasng'u Yeesu mukkatte ak ghamwaash ghawooda. Hit gageanu gwalakkiisa ginealangaaschi nea gwayeeshsha, “Oang'ng'waanya ayaaga nii saseedeanyu gil.”

Golosaayi 3:17

Nea gilwassean osinyi, aba ng'asheanda ghana sinooda, asna sean aba gheawunga Ng'uttamiida was Yeesu, nea goobadischeesi Aseetta was Gheanda aba naweedeaba niny.

Ruumi 14:6

Siida ng'ulla askwearjeanda, iissa gang'ulla aba sinooda mureeda aba heeda Ng'uttamiida. Gwasnu eara siida iyak gida, ghwaak aba sinooda mureeda aba heeda Ng'uttamiida, nea gabadiischeesa Aseetta; nea siida nung'waada, ghwanung'waadawa mureeda aba heeda Ng'uttamiida ak gabadiischeesa Aseetta.

Yohaana 6:23

Nea abeeda ea nihidu maleambajeega leabu ng'eanyiida Diberiya ea ghwahitta heeda neekkeewa heeda aksa buuneeda mukkatte, heeda ghayi moasha Ng'uttamiida ghawooda.

Yohaana 6:11

Gageanu Yeesu mukkattajeekka ama ng'atta gabadiischeesa Aseetta ak gwalakkiisa fuga abitpiit; gwahindunu eara ghweayeekka, akkaba siisi siittaw gidagassiida.

Mattayo 26:26

Damanda agiischooda gageanu Yeesu mukkatte ak gang'ushsha, ak ghabwanach, ak ghoadaw giinealangaaschi nea gwayeeshsha “Oang'ng'waanya ak ghooyaaji, nii sasedeanyu gil.”

Mattayo 15:36

gageanu mukkattajeekka as ispwaan ea ghweayeekka, ak ghamwaash ghawooda ak ghabwanajaada ak ghoadaw giinealanga, ak ghoadaw giinealanga emeeda.

Gadiyeeda Giijasoodiga 27:35

Iiduw nea ghoahiit balooli, hean gageanu mukkatte ak gabadiischeesa Aseetta aba madeennyaawa hean ghabwanach ak ghwaak.

Marko 6:40

Hean Geanung' gobiitpiit buuneeda nea geanung' gwsna gharmuchcheekka eatta fii bughala ea gea eatta fii haradam ea damanamughuush.

Marko 6:42

Gweagiischi fugiga seaniin ea gwalang'u.

Marko 8:19

eaweeda ghayi ealakkisiini mukkattaji muut fuga ghayi as sagalamnyooji muudi? Heappi isiwweamu lajanga ghwannyiit soscheew hada?” Geyeeshsha, “Ghwannyiit soscheew damaniyyeenya.”