Marko 6:33 - NEAJEEDA EESH BEA BUUNEESSEAN

³³ Ghwadahaada Fuga saang'a gidabeada ak geanal gideaba saawa gil. Gwasalda buuneeda gosheeda aba geeshanga ghwalach mujiinajeega sean ea ghwanyoaha ng'eanyi saawa.

Bibliyeeda Ghaydit

³³ Ghwadahaada fuga saang'a gidabeada ak geanal gideaba saawa gil. Gwasalda buuneeda goosheeda aba geeshanga ghwalach mujiinajeega sean ea ghwanyoaha ng'eanyi saawa.

Marko 6:33 Referans Kwoze

Yakkobo 1:19

Hean nea ghoanalli ng'asheesu, fuga eaduupcheewi abwariinyi. Asi daba siisi wassean lamajeesa iing'da ng'asheanda, nea goojiileesa baloolda, ak ea miiassas nyaras,

Yohaana 6:2

Ghwaat geeshta emeeda aba gideaba saawa nidaah gwadeagwajeega sissa fuga miyeani.

Marko 6:32

Iiduw Gaweay saawa nea gaba geat jeeda maleambooda nyaawa ak gosiipta gaweay hichpa geat.

Marko 6:34

Duughwahitta ghuutta basooda ghoang'wearda Yeesu ak ghwadaa emeettuw ak ghabwayda aba gideaba inyeessa buuneeda ea nuwuurji gisilga nyaah haghweadochchean. Hean gabiissa Yeesu ghoanaal ng'asheega saang'a.