Marko 5:35 - NEAJEEDA EESH BEA BUUNEESSEAN

³⁵ Duuw gabalool Yeesu gatmoodida deagheatta ea sichcheagu fiisu leabu gheeh Yayro ak gwayeeshsha, “Yeeptaang'u nimi. Ghwasaan andagideawiidi ginealshoochcheanda?”

Bibliyeeda Ghaydit

³⁵ Duu goobalool Yesu gatmoodida deagheata ea siicheagu fiisu leabu gheeh Yayro ak gwayeesha, “Jeeptaang'u nimi. Ghwasaan anda giideawiidi giinealshoocheanda?”

Marko 5:35 Referans Kwoze

Lukka 8:49

Damani duuw gabaloolean, ghwahidu siida leabu gheeda siida haw ahaaghwa gheeda sinnealshachcheewa ak geeyeeshsha, “Hudaang'u niibitta; adagudideawiidi Ginealshochcheanda.”

Yohaana 11:39

Gwayeeshsha Yeesu, “Ageanda lagheaneeda.” Ghwasha Martaayda was huda gheamatta siida heetta meahiin ak gwayeeshsha niny, “Ng'uttamiida, gajeanimealu aba gideaba nii eaweedeaba ang'wani aba miyeeda.”

Yohaana 11:28

Iing'atta rukunoodeaba ng'asheanji, gawa ak gaguursa huda ghaamwat suguura Mariya, ak gameang'sheesha nea gwayeeshsha, “Nukkwa Ginealshoochcheanda gwanda hiji nea gaguuru.”

Yohaana 5:25

Aba huumwa, aba huumwa, geayeeshshineegwa, ghwaan damanda ak ghamneawa gwanda, ak gaygabiissa ghwayiiy fuga nimeewa ghuutta Balleanda Aseetta, amaduw fukka jeagwayiing'shiin gayghwanyas eaweega.

Marko 10:17

Ng'eat Yeesu nea gaygawa bareannyeakkaaschi, gafaju sih ama hidu gwatkuy aba madeadaannyi ak gwayeeshsha, “Ea Ginealshoochcheanda waam, akkaydasin naaha ijadanyas eaweega manda mudeanooda?”

Marko 5:22

Iiduw ghwahidu heeda siisi suguura Yayro siisi abeeda gaba fuga hees ahaaghwa ghoriida fuga Yahuudi sinnealshachcheewa. Hitta Siisi gobedeaysa madeeda Yeesu nea gwayeeshsha,

Yohaana 11:32

Hitta Mariya heeda mida Yeesu ghwadaa ak gwatkuy aba madeadaannyi ak gwayeeshsha, “Ng'uttamiida, heetta inyeeda gindi hiji orjeediyya gajea mii ghami.”

Yohaana 11:25

Ghwalamda Yeesu ak gwayeeshsha niny, “Aniini geawoschi dunnooda ea eaweega; siida iimwasan eara ghami gajeamajeek,

Yohaana 11:21

Gwayeeshsha Marta Yeesu, “Ng'uttamiida inyeeda heetta gindi hiji ghwanyawa oorjeeda giyeanya gajea miighami.

Mattayo 26:18

Gwayeeshsha Niny, “Aweayeena mujiini gheappa sih ak gooyeeshshi, ‘Gwayi Ginealshoochcheanda, nigul damandeanyu ak geagasayi daak hamitta Basakka sea giinealangeasu aba jeedeaba gheang'u.’”

Mattayo 9:18

Damandida rukuna ng'asheesuun, ghwahidu siisi haw bea emeeda Yahuudi ak gwatkuyi aba madeadaannyi ak gwayeeshsha, “Nimi hudeanyu ghamneawa. Beenni eweaya iina geattindaagu uhuudaannyi ak gaygwaduudu.”

Mattayo 26:10

Gwajeeng'u Yeesu gidabaloola jeesinga nyaawa ak gwayeeshsha, “Ghwasaan andagootteawiichi gatmooda? Niny gwasinnean ng'asheanda miy.