Marko 5:23 - NEAJEEDA EESH BEA BUUNEESSEAN

²³ “Jeebi itteanyu mwanang' bea haweega ghabwar miyeeda. Eeniyean beenni waasana geattingaagu ak abeeda gayghahaap.”

Bibliyeeda Ghaydit

²³ “Jeebi iteanyu mwanang' bea haweega ghabwar miyeeda. Eaniyean beeni waasana geatingaagu ak abeeda gayghahaap.”

Marko 5:23 Referans Kwoze

Lukka 13:13

Ghwayiin geattingaaschi uhuudeaba gatmoodida, deagheatta gwadiiw geaw ak gwaduumsheesha Aseetta.

Lukka 4:40

Damanda mikteawa aseetta, ghapka Buuneeda sean headaannyi nea gweadu fuga miyean bea siisi bearji geeyoadaannyi, ak ghwayiin geattingaaschi iheenga fuga miyeani ak gaheaba sean.

Marko 16:18

Nea eara ghoang'ng'waany ichchipkeega ghana eara eabiiw siida gichchea ghabwar, ea manda gili jea gwahissa. Nea inyeessa Gayghoang'ng'waay iheenga fuga miyeani ak gaheaba.”

Gadiyeeda Giijasoodiga 28:8

Abeeda ghamnyaan ghweanda Bubliyasi gabearji sheagheeda nea gabearji jeeda; hean gabareessa Baulo ak ghamwaash Aseetta amwahit ghwayiin geattingaaschi uhuuda siida miyaan ak ghahaap.

Lukka 4:38

Iiduw ghang'eat ak gwaritteawa jeeda ghooriida sinnealshachcheewa, ak gawa gheeh Simon. Nea abeeda gheamatta agweaji Simon ghamnyaan, gabearji sheagheeda ng'waan ak geemus ghoahap.

Marko 8:23

Ghoang'ng'waay Yeesu geattingeaba siitta ng'oawiin, gorutteawa jeeda ghooriida, ak gang'ushsha gheanyanga aba ng'usheega, ak ghwayiin geattingaaschi uhuuda ak gwayeeshsha, “Heappi gimmuusi daaha gili?”

Marko 7:32

Ghwahidu heeda Yeesu Fiisu eattu siisi miiy bissa ea manda ghuutta. Sihhiidu geyeeshsha Yeesu, aniyean mwasa ang'ng'waanya uhuudeaba siisi.

Lukka 7:12

Iiduw nea geneekkiissa ghuutta mujiini, hean geroonnyi sea sareenda eadu muspa balleanji was ghaamwat masiinung'weanda, ak ea balleanda ghus ghaamwat gil nea goodeana emeettuw bea mujiineetta.

Marko 6:13

Ng'atta goruutta meangeenda saang'a, ak ghwayeasha fuga miyeani nagheeda ak gaheaba.

Mattayo 8:3

Ghoahakta geadi ak ghawaasa nea gwayeeshsha, “Geagasayi; miinni.” Deagheatta ghahaabwa udamusuura.

Gadiyeeda Giijasoodiga 9:17

Iiduw gawa Anania ea gawa jeedeaba gheedida. Ak ghwayiin geattingaaschi uhuuda nea gwayeeshsha, “Oorijeediyya Sauli, Ng'uttamiida was Yeesu heetta iroonyeewi aba naweeda nea abeeda gigalu hiji, goojeakneani ghwajaada gheanyangaagu nea ginyasi uurda Gurorooda Ghaydit.”

Gadiyeeda Giijasoodiga 6:6

Ng'atta geayaat fiisu madeeda giijasoodiga, ak ghamwaash Aseetta nea ghwayiin geattinga nyaawa iheenga nyaawa.

Yohaana 11:3

Hean gojeaksa Haweega ghaamwat nea geyeeshsha, “Ng'uttamiida, siida ibwariinyi ghamnyaan.”

Marko 5:24

Ghang'eat Yeesu godeayi siidida. Ghabwang'aada emeettuw gamaseaw nea geasaabwan.

Gadiyeeda Giijasoodiga 8:17

Ng'atta ghwayiin geattinga nyaawa iheengeaba fukkeanji ak ghwanyas Gurorooda Ghaydit.

Gadiyeeda Giijasoodiga 9:12

Ghamneawa anidaah siisi suguura Anania nea ghwahidu gah ak ghwayiin geattingaaschi uhuudaannyi ak abeeda ghwajaada gheanyangaaschi.”