Marko 2:16 - NEAJEEDA EESH BEA BUUNEESSEAN

¹⁶ Daa fuga mwaatkwa was Ginealshoodiga diineeda Yahuudi was Farisaayajeega gideaba Yeesu gombuuchchi fuga ring'eega geannyaash ginealanga gideaba, “Anda Yeesu ghwasaan inyas gombuuchchi sea fuga ring'eega ea gea ang'ng'oonyi gwaadi?”

Bibliyeeda Ghaydit

¹⁶ Daah fuga mwaatkwa was Giinealshoodiga diineeda Yahudi was Farisaayajeega gideaba Yesu goombuuchi fuga riing'eega geanyaash giinealanga gideaba, “Anda Yesu ghwasaan inyas goombuuchi sea fuga riing'eega ea gea ang'oonyi gwaadi?”

Marko 2:16 Referans Kwoze

Lukka 19:10

Aba gideaba Balleanda siida ghwahidu gagasa nea gwalealu diitta roadiin.”

Lukka 18:11

Ghang'eat Farisayajeanda ak ghamwaashtunu Aseetta aba jeadaannyi, ‘Ea Aseetta, geabadischoweey aba gideaba aniini meawurjeewani buuneeda suurja, fuga areedi buuneeda haleanjeeda, ea fuga miidoobiiweadi, ghana fuga mealuuli, nea meawuurjeewani eara siisi ang'ng'oonyi gwadiin.

1 Goriinto 2:15

Siida guroorooda iissa goorgweaksa haleanjeessean, nea niny ghanyea manda siida jea goorgweaksa.

Gadiyeeda Giijasoodiga 23:9

Hean ghoahaada giijuureanda; ak ghamiinaada ng'oorshoodiga mwaatka bea Farisayu ak ghoaniikgh nea gwayi, “Aseasa meadaahi gilimuy aba heedeaba siisi. Siisi ideeppa eaniibalool gurorooda ghana malaykajeanda abeeda gwanda naaha?”

Lukka 19:7

Iiduw nea ghwadaa ng'asheanji ghoaniikg sean nea gwayi, “Nuwa ghoaw rabascheanda aba gheeda siida ring'eeda.”

Ebraniya 12:3

Asi ng'ulla dea ahang'waay appadayda fuga ring'eega ea fuurjeeda appadaydaannyi, ak abeeda ea moahuuwi fuga bur ghana gea giyoonnyi.

Marko 2:7

“Assiisi gwarukutaydaan ng'asheesu? Nii gong'eawi Aseetta! Ghanyeamanda siisi ammu gwasamsa ring'eemba nuut, geaghus Aseetta akghwahit.”

Mattayo 18:17

Ama mealeysiniit saawa, abeeda girukusi ganiisa; ama mealeysiiniit ganiisa, abeeda ginung' ghoaw aba headaang'u siida Emoojiga ea dea ang'ng'waannyi gwaadi.”

Mattayo 9:11

Daa Farisayajeega, gwayeeshsha giinealangaaschi, “Anda giinealshoochcheandeang'wa goombuuchchi fuga ang'ng'oonyi gwaadi ea fuga riing'eega?”

Mattayo 5:46

Aba gideaba iyoabwariinyi gea bwariinyeagwa agooga, gajanyasa anagiimwaar? Neada eara fuga ang'ng'oonyi gwaadi saawa ea masinniidunu?

Marko 2:15

Iiduw nea gweagiischi Yeesu aba gheeh Laawi, goreemsa Fuga saang'a ang'ng'oonyi gwaadi ea fuga ring'eega, nea abeeda niny gweagiischi sea ginealangaaschi ea fuga mwaatkwa ghwanyawa eattu geashtaannyi.

Lukka 5:30

Hean goniiksa Farisayajeega ea ng'oorshoodiga nyaawa ginealangaaschi, nea gwayeeshsha, “Ghwasaan anda goyeagiischi nea goleeshi sea fuga ang'ng'oonyi gwaadi ea fuga ring'eega?”