Marko 16:19 - NEAJEEDA EESH BEA BUUNEESSEAN

¹⁹ Iiduw Ng'uttamiida was Yeesu gobalool saawa amahit, geanung' gawa humng'eeda gobiida meatkweeda geattinda dugwa bea Aseetta.

Bibliyeeda Ghaydit

¹⁹ Iidu Ng'utamiida was Yesu goobalool saawa amahit, geanung' gawa humng'eeda goobiida meatkweeda geatinda dugwa bea ASEETA.

Marko 16:19 Referans Kwoze

1 Betro 3:22

nea niny eanuwa humng'eeda ak gwanda meatkweeda geattinda dugwa bea Aseetta, sea malaykajeega, ea gheambalmeeda, ea uurda ak gagadiyeesa niny.

Ebraniya 1:3

Aba gideaba niny ghoahiimu weeshinda gigheambiitta Aseetta nea gwandeawa girooraneeda ea seareedaannyi, ak ghwasar ng'eanyiida aba ng'asheandaannyi mideawa uurda. Iing'atta nea nisin gimmiinooda ring'eeda, hean gopteada aba meatkweeda geattinda dugwa bea Aseetta was Ng'uttamiida aba hoowa bea dadaliiliin,

Ebraniya 12:2

nea geeng'ulayi Yeesuuyda asheeda was dea amajeek masaweagaasa, was dea aba hooseaneega siyiin madeadaannyi ghoahang'waay aba beehiida, ak gafool baspaseega, ak goopteada aba meatkweeda geattinda dugwa bea hoorgeeda gheambalmeeda Aseetta.

Ruumi 8:34

gaygoorgweakseegwa ng'eaha? Gristo Yeesu gil, ghayi meah, huumwa, ak gwaduunna miyeeda, ak gwanda geattinda dugwa bea Aseetta, amaduw gamusiischoaweasa?

Gadiyeeda Giijasoodiga 2:33

Nea geettiing'da ea ghwahitta meatkweeda geattinda dugwa bea Aseetta, iiduw nea ninyas aba heeda Bwaabwa helleesiinda Gurorooda Ghaydit, ng'atta goodalealsa gitta oadaayi nea ghoayiinnyiin.

Ebraniya 8:1

Asi ghamneawa huumeanda surgu nihi: geendeawi ashoohoochcheanda haw uurjunu, siida apteada aba meatkweeda geattinda dugwa bea hoorgeeda sugoochcheandumeeda Aseetta was Ng'uttamiida aba humng'eeda,

Golosaayi 3:1

Asi agooga isittunneegwa sea Gristo, asi agassa haleanjeeda mida humng'eeda hooweanji mida Gristoohiin, niny nipteada aba geattinda dugwa bea Aseetta.

Yohaana 20:17

Gwayeeshsha Yeesu niny, “Ading'ng'wanyaan, aba gideaba mii dawa heeda Bwaabwa; asi ng'eada una heeda oorjooga iyya ak giyeeshshi saawa, aniini nascheang'di dawa heeda Bwaabwa nea Ghweandeang'wa gil, heeda Aseetteanyu nea Aseetteang'wa.”

Ebraniya 6:20

heeda weah Yeesu nea gawuurji siida galleada aba hoorgeedeanya, ak ea niiw ashoohoochcheanda haw manda mudeanooda nea gawuurji Melkisedeki.

1 Dimotteo 3:16

Ak ea huumwa gil gideaba makcheameeda baditta Aseetta ahaw. Aseetta geetaajiiti aba saseeda Ak doobiiwnataanyi ghoohiimu Guroorooda Ak ghwadaa giijasoochcheanda humng'eeda Ak geerukwiida iitaanyi aba jeeda emoojiga, Ak geamwas aba jeeda ng'eanyiida, Ak geeyaat humng'eeda heeda ghambiidaat.

Yohaana 6:62

Abeeda gaygawurjiin iyoadaayi Balleanda Siida nea ghwascheang'da gawa heeda ghayi mida bea amwadi?

Lukka 9:51

Iiduw nea nineekkiit eawoojiga jea ghabeawa humng'eeda hean gamanya beatta Yerusaleemu.

Ebraniya 9:24

Aba gideaba Gristo nuwa jeeda, mii gideaba gawa heeda ghaydit sisna geattinga gil, niny gawuurji sea diitta bea huumwaan, niny gawa humng'eeda huumwa, ak ghamneawa ghwahidu nea gawuurji Aseetta appadahuukkaasa.

Ebraniya 7:26

Asi ghwahit gideaba gajeendeawana ashoohoochcheanda haw uurji nii, ghaydit, meerukunana badayda ng'asheega munyas nyah siirja, sihheelli sea fuga ring'eega, sittiing'da ea ghwalaabwa hoow humng'eeda.

Ebraniya 4:14

Ghang'eada damandida geendeawi ashoohoochcheanda haw ambal sean ghayi sik bugusta humng'eeda, nea Yeesu, Balleanda Aseetta, asi eangn'ng'waanya muuchchi gitta sumwaschiin.

Gadiyeeda Giijasoodiga 3:21

was dea gasa goobiida humng'eeda ea ghwahitta damanda jea eang'ng'eada ng'asheega sean ghayi rugu Aseetta aba ghuusiga sibangaaschi ghaydidi ghang'eada dea waas.

Yohaana 21:22

Gwayeeshsha Yeesu niny, “Iyeagasayi gobiida badayda ng'eanyiida ea dabiigu gwasawannyi naaha? Ang'iing'i eanni geeshteanyu!”

Yohaana 21:15

Iing'atta nea nijaat ghuusiga ghoanyaash Yeesu Simon Betro nea gwayeeshsha, “Simon, balleanda Yohaana, gibwarinyaan ea laabwana hoowa orjoosu?” Gwayeeshsha niny, “Eah, Ng'uttamiida; ginali gideaba aniini ghaabwariinyeay.” Gwayeeshsha, “Ahaaghwana gisilgeasu.”

Yohaana 17:13

Asi ghamneawa ghawunnyi headaang'u; ak ea nearukuti ng'asheesu aba jeeda ng'eanyiida, ak abeeda ghwanyas hooseaneegeasu muuchchi aba jeesinga nyaawa.

Yohaana 16:28

Aniini gealeabu heeda Bwaabwa, ak ghaawuunnyi jeeda ng'eanyiida; gichcha, ak ghamneawa ghabeawi ng'eanyiida ak geawi heeda Bwaabwa.”

Yohaana 13:1

Hean nea mii ghwahidu ghwelmeeda Basakka nea ninal Yeesu gideaba damandaannyi jea ghabeawa ng'eanyiida gawa heeda Bwaabwa nihidu, niny nea ghabwariiy fugaaschi mida jeeda ng'eanyiida, ahuumwa gil ghabwariiy ea ghwanaawda.

Marko 16:20

Hean gaweay Ginealanga ng'eanyiissean nea gwarukkwiida Giijasta Miy. Gwasin Ng'uttamiida gadiyeeda sea saawa ak gomajeek Giijasi aba gwadeagooda adeaydooschi saawa.]

Lukka 22:69

Nea gidang'eada ghamneawa Balleanda Siida gaygoopteada aba meatkweeda geattinda dugwa bea Aseetta hoauur.”

Gadiyeeda Giijasoodiga 1:22

ghang'eada gibattiisanda Yohaana ea gagul eaweetta ghayi siyaada humng'eeda nea ghabeawa heedeanya nea siyagi aba jeedeaba fiisu geaghus eetteayeena ghoaw muushoochcheanda aba duunnoadaannyi.”