Marko 16:17 - NEAJEEDA EESH BEA BUUNEESSEAN

¹⁷ Ak abeeda eara gwadeagooda gaygodeaydooschi Fukka mideawa masawegean, aba gheawungeasu gaygoruutta meangeeniga ak gaygabaloola iit nuut.

Bibliyeeda Ghaydit

¹⁷ Ak abeeda eara gwadeagooda gaygoodeaydooschi fugiga mideawa masaweegean, aba gheawungeasu gaygooruuta meangeeniga ak gaygabaloola iit nuut.

Marko 16:17 Referans Kwoze

Gadiyeeda Giijasoodiga 5:16

Ghabat geat fuga leabu mujiinajeega neaweesa Yerusaleemu, nea gweadu fuga miyeani ea fuga beardooschi meangeenda, ak geahaap sean.

1 Goriinto 12:28

Nea Aseetta ea niloat giijasoodiga madeeda aba jeeda ganiisa, deaba iyyeenya sibanga, geaba samwagu ea ginealshoodiga, ea fuga sina ng'asheega deamdeameadi, ea fuga aheabi buuneeda, ea weedanga, ea fuga ambaliischi, ea fuga baloolla ghuusiga emoojiga mwaatkwa.

1 Goriinto 12:10

nea nuut geattaw gadiyeeda jea gwasna ng'asheega deamdeameedi, nea nuut geattaw sibaneandumeeda, nea nuut gooheeldooschi gurooruunatka, nuut heeluutka ghuusiga emoojiga, nea nuut geattaw rooppiideayda ghuusiga emoojiga.

Gadiyeeda Giijasoodiga 8:7

Aba gideaba gwarinna meangeenda munyas jeeda fuga saang'a ghayi ninyas, ak goojuur aba ghuutta haw; ak eara fuga saang'a abiittu damealgean ghana fuga badoojiga geahhaap.

Lukka 10:17

Gabiigu Fuga alladam ea damanamughuush nea gahoosan, nea gwayeena, “Ng'uttamiida, eara meangeenda ghoawal ghaanyangaasa aba ghaawungaagu!”

Gadiyeeda Giijasoodiga 10:46

Aba gideaba geeyiiy nea gabaloola iitta emooji suuk nea geekghambiit Aseetta. Ak gwayi Betro,

Yohaana 14:12

Aba huumwa, aba huumwa, geayeeshshineegwa, siida mwasan gaygwasin gadiyoojusu easinnyi aniiniin; asi gaygwasin eara gadiyoojiga hees muuchchi, aba gideaba aniini geawi heeda Bwaabwa.

Gadiyeeda Giijasoodiga 19:6

Iiduw nea ghwayiin Baulo geattingaaschi iheenga nyaawa, gaba niishuubeesa Gurorooda Ghaydit; ghang'eat gaba niibaloola iit nuut nea gwaramoorani ng'asheega.

1 Goriinto 14:2

Aba gideaba siida baloola iitnuut meabaloola buuneeda goobalool Aseetta; aba gideaba manda siida nal ng'asheagaaschi, niny gwarukku makcheameeda funyaat aba jeeda Gurorooda.

1 Goriinto 12:30

Neada ea siittaw sean giheapta fuga miyeani? Neada gabaloolla sea iit muudi? Ak ghoammu sean rooppiideayda ng'asheega?

1 Goriinto 13:1

Eara dabaloola ghuusiga fuga muunda ng'eanyiida ea dea malaykajeega, nea meandeawani bariinyeega, abeeda anaahuuyi gharinnyeanda ajuuri ea deebajeanda was moonngeanda.

Gadiyeeda Giijasoodiga 16:18

Seareedida bea hudideani inyeesa gwasnu askwearjoojiga saang'a, gwaybwak ea ghwanyareas Baulo, ak gwayamsa geaw meang'nyeandida bea eendean ak gwayeeshsha, “Aba gheawunga Yeesu Gristo geayi ritteawana hudi.” Hean gwaritta aba geeshangiga.

Marko 9:38

Gwayeeshsha Yohaana Yeesu, “Ea Ginealshoochcheanda, sidaayi siida aruttiida meangeeniga aba gheawungaagu. Geyeeshshi nung'waada aba gideaba siidida mabwaheasa.”

Gadiyeeda Giijasoodiga 2:33

Nea geettiing'da ea ghwahitta meatkweeda geattinda dugwa bea Aseetta, iiduw nea ninyas aba heeda Bwaabwa helleesiinda Gurorooda Ghaydit, ng'atta goodalealsa gitta oadaayi nea ghoayiinnyiin.