Marko 16:16 - NEAJEEDA EESH BEA BUUNEESSEAN

¹⁶ Nea siida mwas ak geppattiisan gayghaghu, nea siida mwamwasa gajergweaksa.

Bibliyeeda Ghaydit

¹⁶ Nea siida mwas ak geepaatiisan gayghaghu, nea siida mamwasa gajeergweaksa.

Marko 16:16 Referans Kwoze

Yohaana 3:36

Siida mwas Balleanda gwandeawa eaweega manda mudeanooda; nea siitta moawaala gheang'da Balleandean ea mayghwanyas eaweega, abeeda gaygwanda badaydannyi nyarasta Aseetta.

Gadiyeeda Giijasoodiga 2:38

Ghwalamda Betro ak gwayeeshsha, “Aduukkuunana, giliwas sih geeppaattiisananeegwa gheawunga Yeesu Gristo aba samsiinda ring'eegeagwa; ak gegooneegwa Gurorooda Ghaydit.

Yohaana 5:24

“Aba huumwa, aba huumwa, geayeeshshineegwa, siida iiy ng'asheanji itteanyuun, ak ghamwas siida ghayi ajeaknean, gwandeawa eaweega manda muudeanooda; nea majergweaksa eara hay aba gideaba ninaawa miyeeda ak gawa jeeda eaweega.

Yohaana 8:24

Geayeeshshnineegwa gideaba gajameewwiisiina jeeda ring'eegeagwa, aba gideaba gajameewwiisiina jeeda ring'eegeagwa ea eeghus amwasa gideaba siida aniini.”

Yohaana 6:29

Ghwashsha Yeesu nea gwayeeshsha, “Gadiyeeda Aseetta nihi, gideaba amwasa siida ajeagu niny.”

Yohaana 3:5

Ghwasha Yeesu ak gwayeeshsha, “Aba huumwa, aba huumwa, geayeeshshineey, siida imiyeejiilna beega ea Gurorooda ea mayghoammu gawa jeeda sugoochcheandumeeda Aseetta.

Gadiyeeda Giijasoodiga 10:43

Ghayi niny gabean gamuuwwu sibanga gideaba siida wassean nyoo ghamwas siisi gayghwanyas samsiinda ring'eagaaschi sean aba gheawungeaba siisi.”

Yohaana 20:31

suu geang'waar aba gideaba abeeda ghoamwaschi gideaba Yeesu Gristo gil, Balleanda Aseetta, amabeeda oamwaschi ghoanyaschi eaweega aba gheawungaaschi.

Giidaheechta 20:15

Ak gilwas sih iimiyeeng'oorsa gheawungaaschi jeeda gittaabooda eaweega, hean geejaksa jeedeaba basoodida bea beastean.

Yohaana 6:35

Gwayeeshsha Yeesu saawa, “Aniini geawoschi mukkatteyda eaweega; siida wuu heedeanyu mayghwayeachchih, nea siida mwasan ea mayghwaak muwoash eara hay.

1 Betro 3:21

Gibattiisanda deaschi sea ng'asheesu ghamneawa gwalealneegwa, nea mii gideaba gageandeawa saseeda ririnnyeanda gil geemus Aseetta aba fughareeda miy, aba duunnooda Yeesu Gristo,

Marko 1:15

nea gwayeenniisa, “Nugul damanda, nea gheambalmeeda Aseetta ea nineekkiit, Adukkuunana ring'oojiga ak ghoamwaschi Giijasta Miy.”

Gadiyeeda Giijasoodiga 22:16

Ghamneawa gimuughu naaha? Ng'eada eppattiisannyi, ak geehhuun ring'eegaagu, nea giguursi gheawungaaschi.’”

Yohaana 6:40

Aba gideaba gidagasa Bwaabwa nii gil, gideaba siida nyoo ghwadaa Balleanda ak ghamwas abeeda ghwanyas eaweega manda mudeanooda, ak gaydeaduudu eaweeda huydean.”

1 Betro 1:21

Nea appadaydaannyi gondeawi rarooda aba heeda Aseetta, ghayi aduunna niny jeeda miyeeda, ak ghoadaw giigheambiitta, ak eara masaweegeagwa ea raroodeang'wa gwanda heeda Aseetta.

Gadiyeeda Giijasoodiga 2:41

Hean fukka mwas ng'asheandaannyiin geeppattiisan, ak ghoahaada eaweettida fii sagalamnyooji samwagu.

Lukka 8:12

Giikka abitpissa naweedean fugiga ama iiyiin gil; hean ghwahidu meangeenda gageandeawa ng'asheandida guroruunatka nyaawa, aba gideaba adaghamwas ak gealealu.

Mattayo 28:19

Asi aweayeena ak ghoanung' ghoaw emoojiga sean giinealanga, nea gobattiisannyi saawa aba gheawunga Aseetta was Bwaabwa, ea gea Balleanda, ea gea Gurorooda Ghaydit.

Giidaheechta 21:8

Ak gea giyoonnyi, ea gea mandeawana masaweega, ea gea ririnnyeanda, ea gea nuusa buuneeda, ea gea hiseada, ea beeneediga, ea gea gadoowani gida mawosa aseetta, ea gea naba ng'uyyeega sean, heennyaawa jeeda basooda yeada beasta gil ea giikkayda, nea nii ea miyeedeaba iyyeenya.”

Gadiyeeda Giijasoodiga 13:39

ak aba niny siisi nyoo ghamwas gaygoobal geaw aba haleanjeessean gidagwachchi maygwasa aba deaweedeeda ghayi bea Muusa.

Ruumi 4:24

earaba aseasa. Gajeegoaneasa aseaseeda mideawa masaweega aba ninnyeeda ghayi aduunna Yeesuuyda was Ng'uttamiideanya jeeda miyeeda,

2 Desaloniikke 2:12

ak abeeda gergweaksa sean giikka mwamwasa huumeandean ak goohoosan geat aba jeeda ng'asheega munyasiin.

2 Desaloniikke 1:8

nea ghawalda mureandooda masissiina mureeda giijasta miy bea Ng'uttamiideanya was Yeesu.

Gadiyeeda Giijasoodiga 13:46

Gabalool Baulo ea Barnaba aba meaynatta nea gwayi, “Gammiisa gideaba gayghanyi erukuneegwa ammadeeda ng'asheanda Aseetta. Amaduw nea ghoaheawi ak gohindi geat gili mammiiseegwa eaweega manda muudeanooda, ang'ulla, gajeeyamsiina geat Emoojiga.

Ruumi 3:6

Manda! Aba dascheani gwachchi gay ghoammu Aseetta gorgweaksa ng'eanyiida nea ghoadoabiiw?