Marko 16:14 - NEAJEEDA EESH BEA BUUNEESSEAN

¹⁴ Iiduw aba huydeanda gohiimsa geaw Yeesu ginealan damwanagi hitta Yeesu nea gweagiischi. Gowoowsa Yeesu saawa muuchchi aba hang'ooynachcheekka iheenga nyaawa, ea gideaba mwamwasa ng'asheegiga bea fugeadu iitta dunnoadannyyin.

Bibliyeeda Ghaydit

¹⁴ Iidu aba huuydeanda goohiimsa geaw Yesu giinealan damwanagi hita Yesu nea gweagiischi. Goowoowsa Yesu saawa muuchi aba hang'ooynacheeka iheenga nyaawa, ea gideaba mamwasa ng'asheegiga bea fuga eadu iita duunoadaanyiin.

Marko 16:14 Referans Kwoze

1 Goriinto 15:5

ea gideaba nibussiinnyi sea Geefa, ea biissa ginealangiga attamaniyyeenyean.

Giidaheechta 3:19

Fukkeanji abwariinyiin, inyeessa geawoowsi nea ghabwarji; asi milmiliida ak giduukkuuni.

Yohaana 20:27

Ng'atta gwayeeshsha Domaso, “Goona monneadaang'u iina hiji, ak gung'ulayi geattingeasu; ak gugooni gattindaang'u ak ging'ng'waanyi gisheajeegeasu; ak ea aduwosi siida mwamwasa, huwa siida mwas.”

Mattayo 11:20

Iimuchchu goojuursa mujiinajeegiga ghayi sissa niny ng'asheega deamdeameadi ak ea madukkuunana riing'eega nyawaan.

Lukka 24:25

Ng'atta gwayeeshsha saawa, “Ea fuga dasheahi, mideawa guroruunatka hang'oonyi ak amwamwasa eara ng'asheega ghayi rugu sibanga!

Marko 7:18

Gwayeeshsha Yeesu, “Asseara agooga moanali? Moanali gideaba gidawea jeessiida leabu jarooda, mwoammu ghang'uda siida ririnnyeanda,

Mattayo 17:20

Gwayeeshsha Yeesu, “Gwasin gheashooyda masaweegeagwa. Geayeeshshineegwa aba huumwa, inyeeda goondeawi masaweega deenna ghajilleanda haradaali, gajoammusa ayeeshshiina giijeeni, ‘Loadadawana hiji ak guwi hoowa,’ ak gaygawa, ak ghannyi ea manda ng'asheanda hang'waay mwajoammuusa sinooda.

Mattayo 28:17

Hean daa ghaghadoawan, nea mwaatkwa ghamwachmwach jeesinga nyaawa.

Lukka 24:11

gawuurji ng'asheesu aba heannyaawa duguuga mwadagha, ak ghanyea meamwasa.

Yohaana 20:25

Hean gwayeeshsha Ginealanga suurja niny, “Sidaayi Ng'uttamiida.” Gwayeshsha niny saawa, “Imeadeaksiini geattingaaschi ghuusiga musumwaarajeega ak ghang'ng'waanyi monneedeanyu heeda haabwa deanneaduutka musumwaarajeega nea ghayiinnyi monneedeanyu gisheajeegaaschi ea maydamwas.”

Yohaana 20:26

Muchchu nea ning'atta eawoji sis gabiikta gichcha gabassa geat ginealanga jeeda ghooriida nea abeeda eara Domaso gwanda hiji. Abeeda gidaghuudajeega sirat, deagheatta ghwahidu Yeesu ak ghaminaada aba jeannyaawa ak gwayeeshsha, “Abeaha hoyyoo.”

Yohaana 21:1

Iing'atta hiji gabiikta Yeesu gohiimsa geaw ginealangaaschi aba ghuutta basooda Diberiya, ak gohiimsiindunu geaw.

Yohaana 21:14

Nii deaba samwagu gil aba gihiimsinda ahiimsa geaw Yeesu ginealangaaschi aba iing'atta dunnooda duunna miyeeda.

Gadiyeeda Giijasoodiga 1:3

Ak goohiimsa geaw saawa iing'atta miyeeda nea majeek ing'atta sawanadeeda nea ghoahiimda geaw aba gwadeagwajeega saang'a, ak gabussa saawa iing'atta askwearjooji haradam, nea gabaloola iitta sugoochcheandumeeda Aseetta.