Marko 14:49 - NEAJEEDA EESH BEA BUUNEESSEAN

⁴⁹ Easuju nea geanealayi buuneeda aba jeeda Gheeda Sibatta Aseetta, anda mong'ng'onnyean. Ak gwasa ng'asheesu ghoaw gidanyaashta Ng'ooruutka Ghaydit.”

Bibliyeeda Ghaydit

⁴⁹ Eawoojisu nea geanealayi buuneeda aba jeeda gheeda sibata ASEETA, anda moong'oanyean. Ak gwasa ng'asheesu ghoah gidanyaashta Ng'ooruutka Ghaydit.”

Marko 14:49 Referans Kwoze

Yohaana 18:20

Ghwasha Yeesu nea gwayeeshsha, “Aniini eajusu iissa geabalolli ng'eanyiida aba eeshpwara; nea iissa geanealshi aba jeeda ghoorajeega sinnealshachcheewa ea jeeda gheeda sibatta Aseetta galeagassean, heeda roondooscheesa fuga Yahuudi sean; nea moang'ng'wa darukuta ng'asheanda wassean aba makcheameeda.

Yohaana 8:2

Iimuchchu nea ghaghar gayeew sakteayda gabiikta jeeda gheeda sibatta Aseetta; gaweay headaannyi buuneessean ak gopteada ak gonealshi.

Lukka 22:37

“Aba gideaba geayeeshshineegwa ng'ooruussu majaghanyi ea meahhiida aba badaydeanyu, ‘Aba gideaba geegalageat sea fuga munyas,’ aba gideaba gissung'waar appadaydeanyu gwanda mudeanoadaannyi.”

Marko 12:35

Damanda anealsheewa Yeesu aba jeeda Gheeda Sibatta Aseettean, ghoanyaashta nea gwayeeshsha, “Ghwasaan anda ginealshoodiga Diineeda Yahuudi gwayeena Gristo Balleanda Dawdi gil?

Mattayo 26:56

Ghamneawa eanisa ng'asheesu seaniin gwasa Ng'ooruutka ghayi bea sibaneeda.” Iiduw gwanung'usa heeda giinealanga ak gwasalda.

Mattayo 26:54

Abeeda gaygwasamwattaan Ng'ooruutka ayi nii gidamiisa ghoawda baloolda gil?”

Mattayo 1:22

Ghwahitu ng'asheesu seanin goomajeek ng'asheanda Ng'uttamiida rukuna ghuutta sibaneeda nea gwayi:

Yohaana 10:23

nea abeeda damandida ea damanda gorogeeda, nea eara Yeesu abeeda gwaneayeewa jeeda gheeda sibatta Aseetta heeda was dodooda Sulemaani.

Yohaana 8:12

Gabiikta Yeesu gichcha gobalool saawa nea gwayeeshsha, “Aniini geawoschi weeshinda ng'eanyiida; siida eadu geeshteanyu maygwaneayeewa jeeda misaneeda, niny abeeda gaygwandeawa weeshinda eaweega.”

Yohaana 7:37

Eaweetta huydean asheala ghwelmeeda eaweechcheanda haw gil, ghaminaada Yeesu ak gwargu aba ghuutta haw nea gwayi, “Siida bearji muwooshta, doani heedeanyu ghwaleayda.

Lukka 19:47

Inyeessa goonealshi galagasean aba jeeda gheeda sibatta Aseetta. Nea ashoohoodiga hees ea ng'oorshoodiga ea fuga hees was ashoohoodiga buuneeda ghamwaal gichchea gwanuusta niny;

Marko 11:27

Gaweay ea ghwahitta gichcha Yerusaleemu. Iiduw nea gwaneayeewa Yeesu jeedeaba Gheetta Sibatta Aseettean, gaweay headaannyi ashoohoodiga hees ea ginealshoodiga diineeda Yahuudi ea gweargwa.

Mattayo 26:55

Damandida gwayeeshsha Yeesu emeeda, “Assagooga ghoapkaannyi oang'ng'wanyaan nea gooyeadu bwaangajeega ea gulupkeakka ghoanung' dawuurji mareanghweanda? Eawoojusu geabiitti gheeda sibatta Aseetta nea geanealshi ak ea moong'ng'oonnyean!

Marko 10:1

Hean ghabeawa Yeesu hoowa ak gawa ea gawa ng'eanyiida Yudeeya, ea ghwahitta gigheawda eenda suguura Yordaan. Goreemsa emeetuw headaannyi gichcha. Hean gabiissa goneali buuneeda ng'asheega gichcha gawuurji gideasuju sina.

Marko 14:48

Hean gwayeeshsha Yeesu fugiga, “Ghamneawa goyeadu bwangajeega ea gulupkeakka aba ging'ng'ooydeanyu neada ghoanung' dawuurji mareanghweanda?

Marko 14:50

Gamng'aw Ginealangaaschi sean ak gwasalda gwanung'usa heeda.