Marko 14:36 - NEAJEEDA EESH BEA BUUNEESSEAN

³⁶ Ghamwaash Aseetta nea gwayeeshsha, “Ea Bwaabwa, Bwaabwa, ang'iing'i manda gida miimmuusi. Aniyean gischoarjaan bayookcheanji bea sawanadedean. Nea adaghoaw humeandeanyu, nung' ghoaw daang'u.”

Bibliyeeda Ghaydit

³⁶ Ghamwaash ASEETA nea gwayeesha, “Ea Bwaabwa, Bwaabwa, ang'iing'i manda gida miimuusi. Eaniyean giischoarjaan bayoogi bea sawanadeedean. Nea adaghoah huumeandeanyu, nung' ghoah daang'u.”

Marko 14:36 Referans Kwoze

Galattiya 4:6

Iiduw inoawoschi balloojigaaschi hean goojeagu Aseetta Gurorooda Balleandaannyi jeesingaasa, ayeawda nea gwayeena, “Aba! nea gideaba Bwaabwa gil!”

Yohaana 5:30

“Aniini mwammuusi dasin gil aba gheambalmeedeanyu nea geabwageaw; aniini geargweakkiisi buuneeda aba gidayiinyi, nea girgweageedeanyu adoabiiwaat, aba gideaba meagassi dasin gideagasayi aniini geaghus dasin gidagasa siitta ghayi ajeakneaniin.

2 Dimoteo 2:13

Nea aseasa imeawasi doobiiweadi, ninyi doobiiwnattaanyi ea maygoosha. Aba gideaba ninyi mwayghaheawa geaw.”

Yohaana 12:27

“Ghamneawa guroroodeanyu nung'ut muuwda. Ak gaydayiin? ‘Bwaabwa, lealnean aba damani?’ Manda, appadaydeaba ng'asheanji naahidu damani.

Ditto 1:2

Aba jeeda rarooda eaweega manda mudeanooda, aba heeda Aseetta moammu gwanaba ng'uyyeega, sibean eheelleesa gweannyeekka goolla ghang'tta

Filippi 2:8

Iiduw nea geadaah nea gawuurji siida, ghwaat geaw ng'eanyi nea gwasin mureeda ea ghwahitta miyeeda, eara miyeeda uhuuda beehiida.

Yohaana 18:11

Gwayeeshsha Yeesu Betro, “Adealda bwangeadaang'u jeeda labaldaannyi; heappi, gajamwaleaydani bayookta ghayi goonan Bwaabwa?”

Marko 10:27

Gwayeeshsha Yeesu saawa nea gang'ula gheanyanga nyaawa, “Huumwa gil aba siida mwadaagha ng'asheanji maygwaroochchi. Nea aba Aseetta nii ea miigili. Aseetta manda gichchea gwadilna.”

Yohaana 4:34

Gwayeeshsha Yeesu saawa, “Hamitteanyu sinooda gidabwariiy siida ghayi ajeaknean gil, ak ghahiichchi gadiyeadaannyi.

Mattayo 26:39

Hean gawa mwadi gilimwanang' ak gwatkuy ak gakkula gheamamdaannyi ng'eanyi ak ghamwaash Aseetta nea, gwayi Ea Bwaabwa, iimmuusi ginung' ghwasajaadawanaan bayoogi, ea adaghoaw gideagassiidi aniini, nung' ghoaw gidigassiidi ang'iing'i.”

Mattayo 6:9

Asi amwaashtunu Aseetta: Ghweandeanya mida humng'eeda, Ghaawungaagu eakghambiida.

Ebraniya 6:18

asi aba jeemba haleanji iyyeenya moammu ghwayamwa, nea aba jeedeaba suu ea moammu gwargu Aseetta ng'uyyeega, aseaseeda mang'aw gasa heechchea gamng'awusa abeeda ghwanyas gimajeekta ak ghwanyas rarooda ghayi siyiin madeedeanya.

Mattayo 26:42

Gabiikta deabiyyeenya ak ghamwaash Aseetta nea gwayi, ea Bwaabwa, iimay ghwasajaadawanaan bayoogi ea eeghus daleayda nung'waanda gwasa gidigassiidi ang'iing'i.”

Marko 14:37

Iiduw nea Gabiikta hoowa ghwahitta nea ginealangiga assamwaguun ea nilil. Ghoanyaash Betro, “Ea Simon, Annilli? Mimmuussi ang'wearni eara gheadi nuwaasi?”

Marko 10:39

Gwayeeshsha Saawa Yeesu, “Ea geammuuschi.” Gwayeeshsha Yeesu, “Huumwa gil bayookta jea daleayda eara agooga ghoammuschi gideaba gajaleayda Eara gibattisandida jea eppattisananiin gajeeppattisananeegwa eara agooga.