Marko 13:34 - NEAJEEDA EESH BEA BUUNEESSEAN

³⁴ Gawuurji Siisi ghayi wea bareannyeekka ak gwaruuda nea ghwanung'wa gheeda fuga gadiyeeda. Nea nigeanu ak gaba siisi adaw gichchea gwasin ak gageanu ghwayiin furiischochcheanda jea gafur dooshta nea gwayeeshsha milmiliida.

Bibliyeeda Ghaydit

³⁴ Gawuurji Siisi ghayi weah bareanyeeka ak gwaruuda nea ghwanung'wa gheeda fuga gadiyeeda. Nea nigeanu ak gaba siisi adaw gichea gwasin ak gageanu ghwayiin furiischoocheanda jea gafur dooshta nea gwayeesha milmiliida.

Marko 13:34 Referans Kwoze

Yohaana 10:3

Iissa gwajeassa furiischochcheanda gidaghuut; ak iissa ghwayiiy gisilga ghuuttaannyi, ak iissa gaguursa gisilgaaschi nea gaba niigursiina ghawungaaschi ak goruutta jarooda.

Golosaayi 3:24

Nea ghoanalli gideaba gaygagooneegwa Ng'uttamiida gidageattindeang'wa bea hearaniischooda, ak googadiyeesi Ng'uttamiida was Gristo.

1 Goriinto 15:58

Asi fuga eaduupcheewi abwariinnyi, andeawana alooheeda, ak ea adoabealbealli, ak goosinnyi galeagasean gadiyeeda Ng'uttamiida, ak ghoanalli gideaba gadiyeedeang'wa mii mwadaagha gil aba heeda Ng'uttamiida.

Mattayo 16:19

Ak aniini gaydagoonnyi gichchea attinana sugoochcheandumeeda humng'eeda, ak gidiradi aba hiji bea muunda ng'eanyiidean abeeda gajeasirat aba hoowa bea humng'eedean, ak gidawassean iittini aba hiji bea muunda ng'eanyiidean abeeda gajeettin aba hoowa bea humng'eedean.”

Giidaheechta 3:7

“Heeda malaykajeanda ganiiseeda Filadeelfiya ng'waara: ‘Suh ng'asheega siida ghaydit gil assakkalealla, bea huumwa, mideawa gissiittinna gidaghuutta sugoochcheandumeeda Dawdi, siida amattin ea manda siida ammu ghwarat, siida amarat ea manda siida jea goottin.’

Golosaayi 4:1

Fuga hees asissiina ging'ng'oomnyangeagwa ng'asheega miyaas doobiiweadi, ak ghoanalli gideaba eara agooga gondeawi Siida haw aba humng'eeda.

Ruumi 13:6

Aba sareani goottayyiidi gwaadi, aba gideaba fuga ambaliischi fuga gadiyeeda bea Aseetta, nea ghoashng'u aba jeedeaba gadiyeeni.