Marko 12:35 - NEAJEEDA EESH BEA BUUNEESSEAN

³⁵ Damanda anealsheewa Yeesu aba jeeda Gheeda Sibatta Aseettean, ghoanyaashta nea gwayeeshsha, “Ghwasaan anda ginealshoodiga Diineeda Yahuudi gwayeena Gristo Balleanda Dawdi gil?

Bibliyeeda Ghaydit

³⁵ Damanda anealsheewa Yesu aba jeeda gheeda sibata ASEETEAN, ghoanyaashta nea gwayeesha, “Ghwasaan anda giinealshoodiga Diineeda Yahudi gwayeena Gristo Orjeeda Dawdi gil?

Marko 12:35 Referans Kwoze

Mattayo 26:55

Damandida gwayeeshsha Yeesu emeeda, “Assagooga ghoapkaannyi oang'ng'wanyaan nea gooyeadu bwaangajeega ea gulupkeakka ghoanung' dawuurji mareanghweanda? Eawoojusu geabiitti gheeda sibatta Aseetta nea geanealshi ak ea moong'ng'oonnyean!

Yohaana 18:20

Ghwasha Yeesu nea gwayeeshsha, “Aniini eajusu iissa geabalolli ng'eanyiida aba eeshpwara; nea iissa geanealshi aba jeeda ghoorajeega sinnealshachcheewa ea jeeda gheeda sibatta Aseetta galeagassean, heeda roondooscheesa fuga Yahuudi sean; nea moang'ng'wa darukuta ng'asheanda wassean aba makcheameeda.

Yohaana 7:42

Neada ng'oruutka ea mayi, Gristo gaygwaleabu dooshta Dawdi, ak gwaleabu Betleheemu gharang'da abiitta Dawdi?”

Lukka 21:37

Inyeessa gonealshi askweari aba jeeda gheeda sibatta Aseetta, nea eawa gwaritteawa jeeda mujiini ak gawa gobiida uhuuda gijeeda suguura Masaytuni.

Lukka 20:1

Eaweechcha nea ghoonaal buuneeda aba jeeda gheeda sibatta Aseettean, nea gwarukwiida giijaasta miy, gaweay headaannyi ashoohoodiga hees ea ng'oorshoodiga ea gweargwa

Lukka 19:47

Inyeessa goonealshi galagasean aba jeeda gheeda sibatta Aseetta. Nea ashoohoodiga hees ea ng'oorshoodiga ea fuga hees was ashoohoodiga buuneeda ghamwaal gichchea gwanuusta niny;

Marko 11:27

Gaweay ea ghwahitta gichcha Yerusaleemu. Iiduw nea gwaneayeewa Yeesu jeedeaba Gheetta Sibatta Aseettean, gaweay headaannyi ashoohoodiga hees ea ginealshoodiga diineeda Yahuudi ea gweargwa.

Mattayo 9:27

Ghabeawa Yeesu hoowa nea damandida beawaan, ghwaat geeshta fii iyyeenya ng'oawwi, nea goojuur nea gwayeeshsha, “Balleanda Dawdi eaniyean bwaydaneasa.”

Marko 10:1

Hean ghabeawa Yeesu hoowa ak gawa ea gawa ng'eanyiida Yudeeya, ea ghwahitta gigheawda eenda suguura Yordaan. Goreemsa emeetuw headaannyi gichcha. Hean gabiissa goneali buuneeda ng'asheega gichcha gawuurji gideasuju sina.

Marko 14:49

Easuju nea geanealayi buuneeda aba jeeda Gheeda Sibatta Aseetta, anda mong'ng'onnyean. Ak gwasa ng'asheesu ghoaw gidanyaashta Ng'ooruutka Ghaydit.”