Marko 10:30 - NEAJEEDA EESH BEA BUUNEESSEAN

³⁰ aba damani bea ghamneawean, gajeattaw niba bughala, ea ghwanaawa damani bea ghamneawean gheeda, ea oorjooga ghaamwat, haweega ghaamwat, ghaamwat, diibiga, ea madameega ea sawanadeeda ama damanda jea ghwahidu gayghwanyas eaweega manda mudeanooda.

Bibliyeeda Ghaydit

³⁰ aba damani bea ghamneawean, gajeataw niba bughala, ea ghwanaawa damani bea ghamneawean gheeda, ea orjooga ghaamwat, haweega ghaamwat, ghaamwat, diibiga, ea madameega ea sawanadeeda ama damanda jea ghwahidu gayghwanyas eaweega manda muudeanooda.

Marko 10:30 Referans Kwoze

Filippi 3:8

Aba huumwa ghaanung' ghoaw haleanjeesean gil nirooda aba gitta naawda aba nalooda Gristo Yeesu was Ng'uttamiideanyuun. Appadaydaannyi naanung' gwarooda haleanjeessean, ak ghanung' ghoaw haleanjeeda mwadaagha, ak abeeda ghaanyaschi Gristo

Lukka 18:30

siisi mwanyasa gasaang'a aba damani bea ghamneawean nea iiduw aba damandida jea ghwahiduun, gayghwanyas eaweega manda muudeanooda.”

2 Goriinto 6:10

geewuurjeewi fuga giisan, nea ghana gehoosannyi galeagasean; nea geewuurjeewi fuga barbari, nea ghana geepparuurji fuga saang'a; geewuurjeewi fuga mandeawana gil, nea ghana geendeawi haleanjeessean.

Yakkobo 1:12

Ng'wanaweagaaschi siida riyeeng'da iisimsim, aba gideaba iing'atta nea nijoar simsimda gayghwanyas shiipka eaweega mammuudeana ghayi bay gwahelleesa Aseetta fukka bwariiy ninyiin.

Yakkobo 5:11

Ang'ulla, geguuri fiisu fuga mideawa ng'wanaweega aba gideaba ghamilikghta. Ak ea noayiinyi iitta milikghteayda Ayuubu, ak ea noadaayi gidabaysiina Ng'uttamiida gwandeawa baydeayda nea garbabu.

Giidaheechta 3:18

Ak gaydayeeshshiineey, shaaha aba heedeanyu lagheanga meeng'meeng'i siihuuna beasta, ak abeeda gaywosa meanang'oochcheanda, nea giikwealli hang'weakka eashish, ak ea meadaaha baspaseega dawiishnattaang'u, ak gaynyasa meajooda jea eashana gheanyangaagu ak abeeda gingweardi.

1 Dimotteo 6:6

Nea baditta Aseetta ea rearnatta meanang'oochcheandumeeda haw gil.

Gadiyeeda Giijasoodiga 5:41

Gwaritta ak ghang'amwa madeeda girgweageeda, nea gahoosan aba gideaba gamiissa sawanadeeda aba gheawunga Yeesu.

1 Yohaana 3:1

Ang'ulla nii bariinyeega uurjiin gil gooneasa Ghweanda, bea gideaba egureewaneasa diibiga Aseetta, ak ea gidasuwuurjeewi gil. Ak abeeda ghoaw gidamwanalaneasa ng'eanyiida ak ea mwanala niny.

2 Desaloniikke 2:16

Nea abeeda Ng'uttamiideanya was Yeesu Gristo niny, ea Aseetta was Ghweandeanya, ghayi bwariinyeasa ak gageandeawaneasa salgheang'da ea ghoaw eaweega mammuudeana ea gidamiy sirarji aba jeeda dagheerjeandumeeda,

Ruumi 6:23

Aba gideaba mushaahareeda ring'eeda miyeeda gil, nea gichchea gagu Aseetta mwadaagha ea eaweega manda mudeanooda gil aba jeeda Gristo Yeesu Ng'uttamiideanya.

Ruumi 5:3

Ameakghusa nii, aseasa geehoosannyi aba jeeda sawanaduutkaasa, nea geanalli gideaba sawanadeeda iissa gweadu milikghteayda,

Gadiyeeda Giijasoodiga 16:25

Hitta bugusta eaweeda abeeda Baulo ea Sila ghamwaash Aseetta nea gwasarman sarmeeda gigheambiitta Aseetta, nea gooleeysiit buneesuurja bea ghealooniga,

Yohaana 10:23

nea abeeda damandida ea damanda gorogeeda, nea eara Yeesu abeeda gwaneayeewa jeeda gheeda sibatta Aseetta heeda was dodooda Sulemaani.

Mattayo 12:32

Amaduw gichcha siida jea gwarukuna ng'asheanda muy badayda Balleanda Siida gajeesamsa, dukku siitta jea gwargu ng'asheanda muy badayda Gurorooda Ghaydidiin, ea majeesamsa aba jeedeaba ng'eanyiini, ghana earaba ng'eanyiitta jea ghwahiiduunu.

Mattayo 6:33

Anyoo ghannyi oshsheeda agassa sugoochcheandumeadaannyi ea doobiiwnattaannyi, ak abeeda gajeehheaneegwa haleanjeeni seaniin gajea geagwa.

Giidaheechta 2:9

Ghaanalli sawanadeadaang'u ea barbarandaang'u, (ak guwosi meanang'oochcheanda), ak ghaanalli eara ging'weakeaba fiisu eena geewochi fuga Yahuudi nea mawosean, nea saawa ea ghooriida sinnealshachcheewa bea Shattaani.

1 Yohaana 2:25

Nea nii ea heelleeda ghayi rukuneasa gil, nea ea eaweega manda mudeanooda.

Mattayo 13:8

Suuk goobitpissa heeda mida sigeeda miyaas, gwardu ak gwaji akkalealla bughala, gwaji niirja laadam, gwaji niirja diktam ea damanamughuush.

Gadiyeeda Giijasoodiga 14:22

hean goomajeek guroruunatka ginealanga, nea gobaloola gideaba oppiidana jeeda masaweega, ak gwayeeshsha gajeanyasa sawanaduutka saang'a ijea eweaya jeeda sugoochcheandumeeda Aseetta.

1 Dimotteo 4:8

Aba gideaba deangheeda nung ghwanyas saseeda uurda ghwahit gilmwanang', ak baditta Aseetta ghwahit aba haleanjeesean, aba gideaba gindeawi heelleeda eaweegeaba ghamneawa ea diitta iiduw jea ghwahiduun.