Lukka 8:41 - NEAJEEDA EESH BEA BUUNEESSEAN

⁴¹ Iiduw ghwahidu heeda siisi suguura Yayro, nea abeeda ghoahaaghwa ghoriida sinnealshachcheewa; hidu gobedeaysa geeshanga Yeesu ak gamearmearani goodeayi gheannyi,

Bibliyeeda Ghaydit

⁴¹ Iidu ghwahidu heeda siisi siguura Yayro, nea abeeda ghoahaaghwa ghooriida siinealshacheewa; hidu goobeedeaysa geeshanga Yesu ak gamearmearani goodeayi gheanyi,

Lukka 8:41 Referans Kwoze

Gadiyeeda Giijasoodiga 18:8

Nea Grispayda was siida ahaaghwa ghooriida sinnealshachcheewa, ghamwas Ng'uttamiida, sea fugeaba gheanyi sean; nea eara fuga Goriinto iiy gidabaloolda Baulo ghamwas ak geppattiisan.

Gadiyeeda Giijasoodiga 13:15

Iing'atta nea nihit giissoomanda digheanda ea gittaabooda deayeega Muusa ea gea ng'ooruutka sibanga, hean ghang'eat fuga hees bea ghooriida sinealshachcheewa ak geechcheaksa nea geeyeeshsha, “Fuga siduupcheewi, iyoondeawi ng'asheanda ogasayi amusa appadahuukkeaba fiisu ak goomajeek goorugu.”

Lukka 13:14

Ghwanyareas siida haw ahaaghwa ghooriida sinnealshachcheewa aba gideaba Yeesu ghoahaap siida eaweeda Sabatto, hean gwayeeshsha buuneeda, “Gondeawi eawooji laah jea asnana gadiyeeda, asi apkaani eahhabeagwa askwearjoojusu, ak ea adoapkaannyi eaweeda Sabatto.”

Lukka 8:49

Damani duuw gabaloolean, ghwahidu siida leabu gheeda siida haw ahaaghwa gheeda sinnealshachcheewa ak geeyeeshsha, “Hudaang'u niibitta; adagudideawiidi Ginealshochcheanda.”

Giidaheechta 5:8

Hean nea gageanu gittaabu ghoabeada diyeangiga assang'wan majeekcheewiin sea gweargiga attiktam ea ang'waniin aba madeeda Dayeenda Gisilleanda, ak gaba nii ang'ng'waay gidondooriida, ea gweeriida sisna lagheanga meeng'meeng'i nea ghwannyiit hideeda ng'andit, was mooshta Aseetta bea fuga ghaydidi;

Gadiyeeda Giijasoodiga 18:17

Hean geeng'eessa sean ak geeng'ng'waay Sostene, was siida ambal ghooriida sinnealshachcheewa, ak geebarsa madeeda girgweageeda. Nea Galiyo gang'ula nea maduupeewana gil ng'asheanji.

Gadiyeeda Giijasoodiga 9:38

Abeeda Liida eaneekkeewa Yoppa, ghwayiiy ginealanga gideaba Betro gwanda hoowa, geechcheakta fii iyyeenya headaannyi eemus gideaba, “Asi geemuscheey beenni heedeanya nea adishing'di.”

Lukka 17:16

gobeedeaysa Siidida geeshanga Yeesu ak gabadischeesa. Nea siidida gaba emeeda Samariya.

Lukka 5:8

Daa Simon Betro ng'asheanji, gobeedeaysa madeeda Yeesu nea gwayeeshsha, “Ea Ng'uttamiida, asiipteawana heedeanyu, aba gideaba geabea riing'a.”

Yohaana 11:21

Gwayeeshsha Marta Yeesu, “Ng'uttamiida inyeeda heetta gindi hiji ghwanyawa oorjeeda giyeanya gajea miighami.

Lukka 8:42

nea abeeda hudaannyi was haghasheeda, bea gweannyeew damaniyyeenya, ghabwar miyeeda. Damani weewean ghwariis Buuneeda Yeesu aba murdajeega sean.