Lukka 8:21 - NEAJEEDA EESH BEA BUUNEESSEAN

²¹ Ak gwayeeshsha Yeesu saawa, “Iiyya ea oorjooga iyya gea iiy ng'asheanda Aseetta ak gwasiniini.”

Bibliyeeda Ghaydit

²¹ Ak gwayeesha Yesu saawa, “Iiya ea orjooga iyya gea iiy ng'asheanda ASEETA ak gwasiniin.”

Lukka 8:21 Referans Kwoze

Yakkobo 1:22

Nea gagasa ahuuwa fuga sina ng'asheanda, adoobeachcheewi iing'da akghwahit, nea goreenganayi geat.

Yohaana 13:17

Asi iyoonalli ng'asheesu abeeda ghang'wana iyoosinnyi.

3 Yohaana 1:11

Fugeabwariinyi, adoogali sinooda ng'asheega munyas, anala geaw alooheeda. Siida sina alooheeda siisi gaba Aseetta; ak dea sina ng'asheega munyas ea mii ghwadaa Aseetta.

1 Yohaana 2:29

Iyoanalli gideaba niny ea doabiiwaat, abeeda ghoanalli gideaba siida sina ng'asheega doobiiweadi gwajiilu niny.

2 Goriinto 6:18

Gaydoaw Bwaabwa aba heedeang'wa, ak gajahuuwa agooga balloojigeasu ea haweegeasu, gwargu Ng'uttamiida mideawa uurda.”

Lukka 8:15

Nea giikka abitpissa jeeda sigeeda miyaasiin, giikka ama iiy ng'asheanda, gabay ghoang'ng'waay muuchchi aba gurorooda miyiini, ak gwaji haghweega aba milikghteayda.

2 Goriinto 5:16

Ghang'eada ghamneawa, asi aseasa meesissiini siida wassean mureeda aba ng'asheega saseeda; earappeadi aseasa sinalli Gristo gideaba siida gil, amaduw ghamneawa ea mudea gissinaldi.

Yohaana 20:17

Gwayeeshsha Yeesu niny, “Ading'ng'wanyaan, aba gideaba mii dawa heeda Bwaabwa; asi ng'eada una heeda oorjooga iyya ak giyeeshshi saawa, aniini nascheang'di dawa heeda Bwaabwa nea Ghweandeang'wa gil, heeda Aseetteanyu nea Aseetteang'wa.”

Mattayo 25:40

Ghwasha Sugoochcheanda nea gwayeeshsha, ‘Aba huumwa gaydayeeshineegwa, gili wassean noosissi siyagi aba jeedeaba orjoosu bea giyeanya manang'iin goosinnean aniini.’

Mattayo 17:5

Damani duu gabalolean deagheatta ghwahidu shamoghooda eesh ak gwadukta, ak ghwanyaasha ghuutta jeeda shamoghooda nea gwayi, “Nii Balleandeanyu abwariinyi ahoosanani, olleeysiina iit niny.”

Mattayo 28:10

Ng'atta gwayeeshsha Yeesu saawa, “Adoabealli! Aweayeena ak goorukusi oorjoogiyya gaweay Galilaaya amahitta hoowa gayaghwadaahan.”

Mattayo 25:45

Ak gaygwayeeshsha niny, gaydayeeshshineegwa, ‘Aba huumwa, ghayi iissa iyoaheawi asissiina ng'asheesu siyagi aba jeedeaba orjoosu manang'iin, abeeda ghoaheawi asinnean aniini.’

Lukka 8:20

Geerukusa nea geeyeeshsha, “Geamadu ea oorjooga geamadu ghamiinaada aba jarooda, nea gagasseey.”