Lukka 8:15 - NEAJEEDA EESH BEA BUUNEESSEAN

¹⁵ Nea giikka abitpissa jeeda sigeeda miyaasiin, giikka ama iiy ng'asheanda, gabay ghoang'ng'waay muuchchi aba gurorooda miyiini, ak gwaji haghweega aba milikghteayda.

Bibliyeeda Ghaydit

¹⁵ Nea giika abitpisa jeeda sigeeda miyaasiin, giika ama iiy ng'asheanda, gabay ghoang'waay muuchi aba guroorooda miyiin, ak gwaji haghweega aba milikghteayda.

Lukka 8:15 Referans Kwoze

Ebraniya 10:36

Asi gagasa andeawana riyeeng'deayda, ak abeeda goosinnyi gidagasa Aseetta ak ghoanyaschi gitta sihelleesean.

Lukka 6:45

Siida miy aba jeeda gheaseedaannyi miy bea guroroadaannyi goruuttu gea miyaas, nea siida muy aba jeeda gheaseedaannyi muy iissa goruuttu gea munyas; aba gideaba ghuutta gabaloolla gea nyiit jeeda jeeda guroroadaannyi.

1 Yohaana 2:3

Appdaydeaba nii abeeda geanalli gideaba geanalli niny, ising'ng'waanyi digheannyeekkaaschi.

Golosaayi 1:10

ak abeeda gajoommuusa oppideatta gidagasiida Ng'uttamiida nea goosinnyi gichchea goohoosan, ak gibindeang'wa gaygwaji haghweega aba gadiyoojiga miyaas neagoheettu aba fughareeda Aseetta.

Golosaayi 1:6

nea nihidu heedeang'wa, ea gidaguulleatta ng'eanyiissean gil, ak gwaji haghweega ak gwaheedu gawurji gidaheetteayda aba heedeang'wa, ghang'eada damanda ghayi oayinyi ak ghoanalli dagheerjeandumeeda Aseetta bea huumwa,

Yohaana 14:15

Iyoabwarinyaan gajoang'ng'waanya digheannyekkeasu.

Lukka 11:28

Hean gwayeeshsha, “Ghang'wana fukka iiy ng'asheega Aseetta nea ghoang'waayiin!”

Filippi 1:11

nea sinnyiideagwa haghweega doobiiwnatta leabu naweeda Yeesu Gristo, aba gigheambiitta nea geduumsheesa Aseetta.

Ruumi 7:4

Asi gwasnu ofuga eaduupcheewi, earagooga noomeewsi deaweeda, aba saseeda Gristo, ak ghoahuuyi haleanjeemba siinuut, siida ghayi duunna jeeda miyeeda ak abeeda geenyaksi Aseetta haghweega.

Ruumi 6:22

Ak ghamneawa iisinung' ooppala geat ak goosheagiidi ring'eeda ak geanung' ahuuwa ging'ng'oonyanga Aseetta, abeeda gichchea anyasa gimminnooda gil, ama aba huydeanda gajanyasa eaweega manda muudeanooda.

Yohaana 15:10

Iyoang'ng'waanyi digheannyekkeasu, gajoppiidana jeeda bariinyegeasu, ak gawuurji gidang'ng'waaydi digheannyeekka Bwaabwa nea geabiidi jeeda bariinyeegaaschi.

Mattayo 24:13

Abeeda siida jea ghamilikghta ea gammudean ada ea siida jea ghwalalaani.

Ebraniya 2:1

Asi gammiiseasa gideaba gajeeng'ulla muuchchi ng'asheega ghayi siyiinyi, ghana esheagiidana.

Efeeso 2:8

Aba dagheerjeandumeeda silealneegwa aba naweeda masaweega; ea masna milmilandeang'wa osinnyi, nii gagu Aseetta,

1 Goriinto 7:19

Beatta ghasmeahooda mii gili ak siida meayaada ghasmeahooda ea mii gili, geaghus ging'ng'ooyda digheanda Aseetta.

Ruumi 7:18

Asi ghaanalli gideaba jeedeanyu manda gidamiy, nii aba saseedeanyu. Iissa geagasayi dasin gil doabiiw, ak ea maydasin.

Ruumi 2:7

aba heeda fuga milikghta aba sinooda gadiyoojiga miyaasiin gagaseadayyi gigheambiitta ea mureeda ea ng'asheega maygameewa, gayghoadaw eaweega manda muudeanooda;

Yakkobo 1:4

Nea alooheeda gagasa gweadu gadiyeeda majeek nea gowoschi, hidaat nea mwashoadeeweegwa gil.

Lukka 8:14

Nea giikka abitpissa jeeda geediga halaghweengean, ea giikka ama iiy, iiduw nea gaweay ghwariis mittagheasta muunda ng'eanyiida bea gassooda barureega, ea haleanjeeda bwariiy sasanuuka nyaawa ak iiduw haghweagaaschi ea mwaheasa.

Lukka 8:16

“Manda siida jea ghoayeat gheaboong'nyeanda ak gwadukuteawa dahuuda, ghana ghwayiin uutta bulaliida, geaghus ghwayiin uhuuda ghamarda, abeeda ghwadaa fuga buwa gah weeshinda.

Ruumi 8:25

Ama sirarji gittta meadaahaan, abeeda geefurdi nea gearjeang'di.