Lukka 8:10 - NEAJEEDA EESH BEA BUUNEESSEAN

¹⁰ gwayeeshsha, “Agoogeeni simeayneegwa makcheameeda sugoochcheandumeeda Aseetta; nea aba fii suuk geaghus eegalla geat, aba gideaba eara iyang'wearda amayghwadaa, ama eara iyiiy amayghwanal gidawas.”

Bibliyeeda Ghaydit

¹⁰ gwayeesha, “Agoogeeni simeayneegwa makcheameeda sugoocheanduumeeda ASEETA; nea aba fih suuk geaghus eegala geat, aba gideaba eara iyang'wearda ea mayghwadaah, ama eara iiyiiy ea mayghwanal gidawas.

Lukka 8:10 Referans Kwoze

Marko 4:11

Ghwalamda Yeesu ak gwayeeshsha, “Agogeeni ghamneawa simeayneegwa makcheameeda Gheambalmeeda Aseetta. Amasunung' fugiga manda jedeaba gheambalmeeniin, saawa ng'asheega ijea erukkwiisa geaghus egalla geat.

Mattayo 11:25

Aba damandida gwayi Yeesu, “Geabadiischoweey ea Bwaabwa was Ng'uttamiida humng'eeda ea ng'eanyiida, aba gideaba gufnyi ng'asheesu fuga weaghoodi ea fuga mideawa fughareenga akkihiimsi diibiga manang'i;

Golosaayi 2:2

abeeda geemmajeek guroruunatka nyaawa, nea gaguuyi aba barinyeega, ak ghwanyas meanang'oochcheandumeeda sean bea huumwa, ak ghwanal makcheameetta bea Aseetta was Gristohiin,

Ruumi 16:25

Asi ghamneawa siitta ammu goomajeegeegwean, aba gitteascheetta sea giijasteanyu miy ea gissurukkwiideayda Yeesu Gristo, ak gwadeaschi sea gidaheachta makcheameetta ghayi funyaat ng'eada deaghayi bea garayiin,

Mattayo 16:17

Ghwasha Yeesu nea gwayeeshsha niny, “Ging'wani ang'iing'i, Simoneeda Bar-Yoona! Aba gideaba ng'asheanji moadaajiida saseeda ea foojeanda nii ghoahiimneey Bwaabwa mida humng'eeda.

1 Dimotteo 3:16

Ak ea huumwa gil gideaba makcheameeda baditta Aseetta ahaw. Aseetta geetaajiiti aba saseeda Ak doobiiwnataanyi ghoohiimu Guroorooda Ak ghwadaa giijasoochcheanda humng'eeda Ak geerukwiida iitaanyi aba jeeda emoojiga, Ak geamwas aba jeeda ng'eanyiida, Ak geeyaat humng'eeda heeda ghambiidaat.

1 Goriinto 12:11

Nea gadiyoojusu seaniin gwasin akkalealla aba Gurorootta assakkaleallaan, ak gwalakkiisa giliwassih nea gabwageaw gawuurji gitta gassiida ninyiin.

Yohaana 12:40

“Ninung' gang'owiidi gheanyanga nyaawa, nea gahang'onyiidi jeesinga nyaawa, adaghwadaa aba gheanyanga nyaawa, nea gwajeeng'u aba jeesinga nyaawa, ak gwayamu geat ak ghahaapchi.”

Marko 4:12

Ghoaw ramoraneeda ghayi sirukutta bea gideaba, ‘Fiisu gayghoang'wearda muuchchi, ak ea mayghwadaah gil, iidiga nyaawa gaygwayiing'shi muuchchi, ak ea manda gili jea gwajeeng'u. Ghang'wana gwachchi gwayamsa geat Aseetta ak gwasamsa ring'eega nyaawa.’”