Lukka 4:41 - NEAJEEDA EESH BEA BUUNEESSEAN

⁴¹ Gwaritteaysa fuga saang'a meangeenda nea gojuuri nea gwayi, “Ang'iing'i guwosi Balleanda Aseetta!” Gowoowusa saawa, ak ghwarat ghuusiga ea mabaloola aba gideaba eara saawa ghwanal niny Gristo gil.

Bibliyeeda Ghaydit

⁴¹ Gwariteaysa fuga saang'a meangeenda nea goojuuri nea gwayi, “Ang'iing'i guwoosi Orjeeda ASEETA!” Goowoowsa saawa, ak ghwarat ghuusiga ea mabaloola aba gideaba eara saawa ghwanal niny Gristo gil.

Lukka 4:41 Referans Kwoze

Marko 1:34

Ghoahaap Yeesu fuga saang'a bearji geyoonuung'weakka sean nea ghahoan meangeeniga saang'a, ak ea meanung' ghwanya ghuusiga meangeenda aba gideaba ghwanal niny siida was.

Yakkobo 2:19

Ang'iing'i gumwasi gideaba Aseetta aagi; gidoabiiwi. Eara meangeenda ghamwas nea ghabwaadani.

Yohaana 20:31

suu geang'waar aba gideaba abeeda ghoamwaschi gideaba Yeesu Gristo gil, Balleanda Aseetta, amabeeda oamwaschi ghoanyaschi eaweega aba gheawungaaschi.

Marko 3:11

Nea fuga bearji meang'nyeandeenda inyoo gwaroonnyi Yeesu, gobedeaysa madeadaannyi nea goojuur nea gwayeeshsha, “Ang'iing'i guwosi Balleanda Aseetta!”

Mattayo 4:3

Ghwahidu headaannyi gichchea gwasimsim ak gwayeeshsha, Iiwosa Balleanda Aseetta giyami lagheangsu ghoaw mukkatte.

Mattayo 26:63

Ghwasiinda Yeesu. Gwayeeshsha Ashoohoochcheanda haw, “Eaniyean aksiina Aseetta majeek habeawooda rukuneasa ang'iing'i ea guwosi Gristo, Balleanda Aseetta.”

Mattayo 8:29

Ng'ulla Goojuur nea gwayeena, “Geendeayeesi naaha sea ang'iing'i, Ea Balleanda Aseetta? Guwuni sawaneasa nea miighwahidu damandeanya?”

Marko 1:25

Gojuursa, Yeesu meang'nyeandeenda nea gwayeeshsha “Siinda! Ritteawana Siisi.”

Mattayo 8:4

“Adaaha, adiiduw giruksi sih gil; ng'eada una, ak gihimsi geaw ashoohoochcheanda, ak giidaydi haleanjeeda sisappa geadi bea ghadoweeda gawuurji gida ghayi rukuteayda Muusa, ak abeeda ghwanal buuneeda.”

Mattayo 8:16

Iiduw nea niiw shing'ada geeyeassa fuga saang'a bearji meangeenda; gooruutta meangeenda aba ng'asheanda, ak ghoahaap buuneessean miyeani.

Marko 1:32

Mikta Aseetta ghapka Buuneeda heeda Yeesu nea geyeassa fuga sean miyeani ea fuga bearji meangeeniga.

Lukka 4:39

Gawa heeda mida gheamattida ak ghamiinaada aba murdeadaannyi, ak goojursa sheagheeda, ak ghahabwa gheamatta sheagheadaannyi; deagheatta ghang'eat ghoang'aatta saawa.