Lukka 4:23 - NEAJEEDA EESH BEA BUUNEESSEAN

²³ Gwayeeshsha saawa, “Geasikteawi gideaba gajoorukuneani ghwasildeanga gideaba, ‘Bwanamwagaanga, ahaabwa geaw'; ng'asheega siyiinyi ghayi isni aba Gapernaumu, sina earaba ng'eanyiidaang'u.’”

Bibliyeeda Ghaydit

²³ Gwayeesha saawa, “Geasikteawi gideaba gajoorukuneani ghwasiildeanga gideaba, ‘Meang'nyeanda, ahaabwa geaw’; ng'asheega siyiinyi ghayi iisini aba Gapernaumu, sina eara aba ng'eanyiidaang'u.’”

Lukka 4:23 Referans Kwoze

Marko 6:1

Ghabeawa Yeesu hoowa ak gawa ea gawa ng'eang'da nyaawa nea godeayi ginealangaaschi.

Mattayo 4:13

ghabeawa Nasareetti ak gawa goobiida Gapernaumu mida ghuutta basooda, mida ng'eanyiida Sablon ea Naftaali,

2 Goriinto 5:16

Ghang'eada ghamneawa, asi aseasa meesissiini siida wassean mureeda aba ng'asheega saseeda; earappeadi aseasa sinalli Gristo gideaba siida gil, amaduw ghamneawa ea mudea gissinaldi.

Yohaana 4:28

Gwanung'usa Gatmoodida sirbiidaannyi heeda ak gawa mujiini amahitta gwarukusa buuneeda gideaba,

Lukka 6:42

Ak gajammuustaan eshshiina oorjeeda geamadu, ‘Oorjeeda iyya, nung' dageanu hararooyeanda mida gheang'daang'u,’ nea midaahi geetta mida gheang'daangu ang'iing'i. Siida ammiittu geaw, nyoo ghanyi geanda geetta mida ghang'daang'u, abeeda gaydaaha muuchchi gichchea geandeayda hararooyeanda mida gheang'da oorjeeda geamadu.”

Lukka 4:16

Iiduw ghwahidu Nasareetti, heeda ghayi hissiina heeda, ak gawa jeeda ghooriida sinnealshachcheewa, gawuurji gideajusu bea geallaan, aba eaweeda sabatto. Ghamiinaada ak ghoassoamwa;

Mattayo 13:54

gawa ng'eang'da nyaawa hitta hoowa goonealshi aba jeeda ghooriida nyaawa siinnealshachcheewa, ak goonealshi ea ghahamng'eanyi buuneeda nea gwayi, “Siisi ghwanyasa yeenu weaghumeeni ea ng'asheesu deamdeameadiin?

Mattayo 4:23

Gwaneayeewa jeeda ng'eanyiida sean bea Galilaaya, nea goonealshi aba jeeda ghoorajeega nyaawa siinnealshachcheewa, nea gwarukkwiida giijasta miy bea sugoochcheandumeeda, nea ghoahaap geeyoonung'weakka sean ea sawanaduutka mideawa buuneeda.

Lukka 2:39

Iiduw nea nihiit sinooda ng'asheega sean gawuurji ginnyaashta deaweedeeda Ng'uttamiida, gabiikta Galilaaya, mujiineeda gheannyawa was Nasareetti.

Lukka 2:51

Ghwararang'aada godeayi ea ghwahitta Nasareetti, nea gwasissa mureada; nea ghaamwat ghwayiin jeedaanyi ng'asheesu seaniin.

Lukka 4:31

Ak ghwararang'aada gawa Gapernaumu, was mujiineeda Galilaaya. Ak ghoanaal saawa eaweeda Sabatto;

Lukka 4:35

Goojuursa Yeesu niny nea gwayeeshsha, “Siinda, ak giritteawi siisi!” Ghwanung' Meangeenda ghoabeada siida aba bugusta buuneeda, ak gwaritteaysa siidida nea mii gwasawan.