Lukka 23:2 - NEAJEEDA EESH BEA BUUNEESSEAN

² Geang'ng'eat giheakteayda nea geeyi, “Geadaayi siisi nea ghoaschoarda emeedeanya, aba gideaba ghoaghuumwaneesa ea meattai Gaysaari gwaadi nea gwayeena niny Gristoyda was sugoochcheanda gil.”

Bibliyeeda Ghaydit

² Geang'eat giihaakteayda nea geeyi, “Geadaayi siisi nea ghoaschoarda eemeedeanya, aba gideaba ghoaghuumwaneesa ea meatawi Gaysari gwaadi nea gwayeena niny Gristoyda was sugoocheanda gil.”

Lukka 23:2 Referans Kwoze

Yohaana 19:12

Ghang'eada damandida gagasa Bilatto gheatta gichchea gwasiksiinda niny, gojuur Fuga Yahuudi nea gwayeeshsha, “Iisiksi siisi eamuwosi siida duupchi Gaysaari, aba gideaba siida wassean gasa ghoaw sugoochcheanda gwanda washta Gaysaari.”

Lukka 23:14

ak gwayeeshsha saawa, “Siisi goyeadu heedeanyu nea goyeennyi nischoarda buuneeda. Iiduw nea geasikteawi ng'asheanji aba madeedeang'wa, ea mwaadaahi aba headaannyi gidinyeanda was sean oahaaktaawi;

Gadiyeeda Giijasoodiga 24:5

Aba gideaba sidaayi siisi gaba ng'ooweatta, siida ang'eedi giiheakteayda buuneeda aba jeeda fuga Yahuudi sean mida muunda ng'eanyiida, ak gabiissa ea siida mida madeeda fuga Nasarayo gil.

Yohaana 18:30

Ghwasha Saawa ak gwayeeshsha, “Siisi inyeetta ghwanyawa ea masinna ng'asheega munyas ea majeeyeanna headaang'u.”

Marko 12:17

Gwayeeshsha Yeesu saawa, “Oattawa Gaysaari gida was dea Gaysaari ak ghoattawji Aseetta gida was dea Aseetta.” Ghwanung' ghahamng'eanyi muuchchi buuneeda.

Mattayo 22:21

Geeyeeshsha, “Gaba Gaysaari.” Gwayeeshsha saawa, “Haleanjeeda Gaysaari oattawa Gaysaari, ak gea Aseetta ghoattawji Aseetta.”

Gadiyeeda Giijasoodiga 24:13

Ghana sikteawana ng'asheanda ahaaktaawanaan;

Lukka 23:5

Godiiktiiksa muuchchi nea gwayeenniisa, “Siisi ghoang'waal buuneeda aba ginealshoadaannyi aba ng'eanyiida Yahuudi sean, ghang'eada Galilaaya ea ghwahidu hiji.”

Mattayo 17:27

Ama abeeda iimajeannyareasa, guwi jeeda basooda ak giibuutti sidageeda ghwaraja ghaang' siing'ng'oonnya ghweayeega ak gigeanu ghweayeanda madeeda jea eang'ng'waay ak giijaadi ghuutta, ak gaynyasana shekkeli; gigeanu ak giidawi heedeanyu ea headaang'u.”

Mattayo 27:11

Geanung' ghaminaada Yeesu aba madeeda siida haw bea ng'eanyiitta. Hean ghoanyaash Siitta haw bea ng'eanyiidean nea gwayeeshsha, “Ang'iing'i guwosi sugoochcheanda fuga Yahuudi?” Gwayeeshsha Yeesu, “Girgu ang'iing'i.”

Marko 15:2

Ghoanyaash Bilatto Yeesu nea gwayeeshsha, “Assang'iing'i guwosi sugoochcheanda Yahuudi?” Ghwalamda Yeesu ak gwayeeshsha Bilatto, “Girgu ang'iing'i.”

Yohaana 18:29

Hean gawa Bilatto ghwanyasa saawa jarooda ak gwayeeshsha, “Gondeawi girgweageamba naaha appadaydeaba siisi?”

Ruumi 13:7

Oattawa buuneessean haleanjeeda doobiiwsa, siida gwaadi adawa gwaadi, nea siida gujaweeda adawa gujaweeda, siida haguuw gideaba gajeawal gheangda deattaw gheawalmeeda, nea siida haguuw mureeda deattawa mureeda.