Lukka 20:10 - NEAJEEDA EESH BEA BUUNEESSEAN

¹⁰ Godendeen ama gul damandida, gojeakta soomjeanda heeda fuga aragan madamnyeandean eattaw haghweega mwatkwa bea sabiibu; ng'atta ghabwar fukka aragan madamnyeandean ak geanung' gawa nea mwaada gil.

Bibliyeeda Ghaydit

¹⁰ Goodeendeen ama gul damandida, goojeakta soomjeanda heeda fuga aragan madamnyeandean eataw haghweega mwaatkwa bea sabiibu; ng'ata ghabwar fugiga aragan madamnyeandean ak geanung' gawa nea mwaada gil.

Lukka 20:10 Referans Kwoze

Ruumi 7:4

Asi gwasnu ofuga eaduupcheewi, earagooga noomeewsi deaweeda, aba saseeda Gristo, ak ghoahuuyi haleanjeemba siinuut, siida ghayi duunna jeeda miyeeda ak abeeda geenyaksi Aseetta haghweega.

Yohaana 15:16

Aniini moaloadaan agooga, ghaloachcheagwa aniini ak ghaanung' aweayeena ak gojiilli haghweega jea ghwashng'u; ak abeeda gagoneegwa Bwaabwa gidawassean iyoomuschi aba gheawungeasu.

Lukka 13:34

Ea Yerusaleemu, Yerusaleemu, gibarayi sibanga nea guftayi aba lagheanga fuga siichcheagu headaang'u! Neagasay niba hada damuughuushta diibigaagu gidamguurriida nghaghooda dayeagaaschi aba jeesinga meang'eagaaschi, ak ghoaheawi!”

Lukka 20:9

Hean ghoang'eat giibaloolda buuneeda nea gwarukusa galeesu, “Ghayi sii gang'eapsa sabiibu jeeda madamnyeandaannyi, hean gwanung'usa madamnyeandaannyi fuga jea gooragan, ak gawa daroorakka sheagi, goobiida hoowa ea gageawiit.

Lukka 20:11

Iiduw gojeakta siidida soomjeanda nuut; hitta earada geabwar ea eesawan ak geenung' gawa nea ghabwaspwasaada nea mwada gil.