Lukka 18:12 - NEAJEEDA EESH BEA BUUNEESSEAN

¹² Aniini inyeessa gealuuldi geaw nibiyyeenya aba jeemba eawooji ispwa, ak aba jeeda gilattamanamughuush bea haleanjeedeanyu, iissa ghaadaydi akkalealla.’

Bibliyeeda Ghaydit

¹² Aniini inyeesa gealuuldi geaw nibiyeenya aba jeemba eawooji ispwa, ak aba jeeda gilatamanamughuush bea haleanjeedeanyu, iissa ghaadaydi akaleala.’

Lukka 18:12 Referans Kwoze

Lukka 11:42

Asi Farisayajeega ashageada! Agooga aba gideaba ghoattaydi aba jeeda gilattamanamughuush bea haleanjeedeang'wa iissa ghoattaydi akkaleala, aba seenga hamuumayga ea sooktayda ea seenga suuk bea nyeanyiida, nea ghoanung'waadi ng'asheega doobiiweadi ea bariinyeega Aseetta; ng'asheesu gammiiseegwa sinooda, nea maroosseegwa ng'asheega suurja.

Mattayo 9:14

Hean gaweay heeda Yeesu Giinealanga Yohaana ak gwayeeshsha, “Ghwasaan anda aseasa ea Farisaayajeega geeradayi jalooda, nea giinealangaagu ea maratta jalooda?”

Lukka 17:10

Eara agooga gidowuurjeewi gil, iyoasinnyi gidasiyeeshshineegwa asna, gooyeeshshi geat, ‘Aseasa geewoschi soomjooga marachchi gil, geesinnyi gidamiseasa sinooda.’”

1 Dimotteo 4:8

Aba gideaba deangheeda nung ghwanyas saseeda uurda ghwahit gilmwanang', ak baditta Aseetta ghwahit aba haleanjeesean, aba gideaba gindeawi heelleeda eaweegeaba ghamneawa ea diitta iiduw jea ghwahiduun.

Mattayo 6:1

“Ashageada adiidu goosinnyi alooheedeang'wa aba madeeda buuneeda nea goobaysiini ghwadaheagwa saawa, aba gideaba iyosinindunu ea mwajanyasa giimearda aba heeda Ghweandeang'wa mida humng'eeda.

Efeeso 2:9

ak ea mii gisin siida, asi gilinyoo ea sih gil adaghaghwar geaw.

Galattiya 1:14

ak geandi mwadi aba ng'asheega dineeda Yahuudi ea dadaraam fuga seaygeedeanyu aba jeeda buuneedeanyu, al geabiissi dawos ng'waan aba searoojiga ghweanigaasa.

1 Goriinto 1:29

ak ea manda siida jea ghoammu ghaghwar geaw aba madeeda Aseetta.

Ruumi 3:27

Asi gwandeenu ghwaroadeaba geaw? Sirassa jarooda. Aba deaweedeeda uurjiin? Aba deaweedeeda jea eesini? Manda! Geaghus deaweedeeda mideawa masaweega.

Mattayo 6:16

“Gichcha iyoolluuldi geat, ea adoowuurjeewi fuga ammittu geat, saawa iissa gookkaroomnyi gheamamuunatka nyaawa ghoahiimu geat ghwadaa buuneeda gideaba niluudi geaw. Aba gideaba geayeeshshineegwa suuh ninyas giimearda nyaawa.

Mattayo 6:5

“Asi iyoamwaashchi Aseetta, ea adoowurjeewi fugiga ammiittu geadiin; saawa ghabwariiy ghamwaash Aseetta nea ghaminaada aba jeesinga ghorajeega siinnealshachcheewa ea ghuusiga naweadinga, ghwadaa buuneeda. Aba huumwa, geayeeshshineegwa, nigeawiit ghwanyas gimearda nyaawa.

Mattayo 5:20

Aba gideaba geayeeshshiineegwa, doobiiwnatteang'wa iimaburdeawana dea ng'oorshoodiga ea dea Farisayajeega, majaghannyi aweayeena jeeda sugoochcheandumeeda humng'eeda.”