Lukka 16:16 - NEAJEEDA EESH BEA BUUNEESSEAN

¹⁶ Deaweedajeega ea sibanga ea gagul Yohaana; hean geerukkwiida Giijaasta miy bea sugoochcheandumeeda Aseetta, nea gaba siisi abwasaay geaw.

Bibliyeeda Ghaydit

¹⁶ “Deaweedajeega ea sibanga ea gagul Yohana; hean geerukwiida Giijaasta miy bea sugoocheanduumeeda ASEETA, nea gaba siisi abwasaay geaw.

Lukka 16:16 Referans Kwoze

Mattayo 21:32

Aba gideaba Yohaana ghayi ghwaan heedeang'wa aba naweeda doabiiwaat ak ea moamwasi agooga, amaduw ghamwas fuga ang'ng'oonyi gwaadi ea fuga hiseada. Earappeadi noadaayi haleanjeeni seaniin ghanyea miyaduukkuunana ghana amwasa niny.

Yohaana 1:45

Filippo ghwadaa Nattanaeeli ak gwayeeshsha, “Sidaayi siida ghayi ng'waar Muusa ng'asheagaaschi aba jeeda deaweeda. Siisi ghayi ng'asheagaaschi ghang'waar sibanga. Yeesuuyda Nasareetti, was balleada Yoseefu.”

Lukka 16:31

Gwayeeshsha niny, ‘Iimealeeysiiniit Muusa ea sibanga, ea mayghamwas eara gabiiksa siida duunna miyeeda.’”

Mattayo 3:2

“Aduukkuunana, aba gideaba sugoochcheandumeeda humng'eeda nineekkiit.”

Gadiyeeda Giijasoodiga 3:18

Nea ng'asheanda ghayi bay ghwaramoar Aseetta aba ghuusiga sibangaaschi, nea gideaba Gristoheani gaygwasawana gil ak ea nisa.

Lukka 16:29

Gwayeeshsha Abrahaamu, ‘Gwandeawa Muusa ea sibanga, nung'waada goolleeysiit saawa.’

Lukka 10:11

‘eara birjeanda mujiineedeang'wa noas geashangaasa geelalaksi iheengeagwa; ak gobiissi anala gideaba sugoochcheandumeeda Aseetta nineekiit.’

Lukka 10:9

oahhaabwa fuga miyean mida jeedida nea goorukusi fugiga gideaba, ‘Sugoochcheandumeeda Aseetta nineekkiiseegwa.’

Mattayo 4:17

Ghang'eada damandida ghoang'eat Yeesu rukkwiideayeayda ng'asheega Aseetta nea gwayi, “Adukkuunana aba gideaba sugoochcheandumeeda humng'eeda nineekkiit.”

Lukka 9:2

Goojeakta gaweay gwarukkwiida sugoochcheandumeeda Aseetta, nea ghoahaap fuga miyeani.

Marko 1:14

Iiduw nea sijaksa Yohaana ghealooniga gawa Yeesu ng'eanyiida Galilaaya, nea gwarukkwiida Giijasta Miy bea Aseetta

Mattayo 10:7

Aba jeeda neayeedeang'wa arukkwiida gideaba, ‘Sugoochcheandumeeda humng'eeda nineekkiit.’

Yohaana 12:19

Ng'atta gaba Farisayajeanji eeshsha niirja, moadaahi gideaba moammuusi asna gil; oang'ng'wearda, ghwaat geeshta ng'eanyiida.

Yohaana 11:48

“Gajiiduw isunung'waadi gwasnu gayghamwas buuneessean, ak gayghapka fuga Ruumi gwanyarja horgeedeanya ghaydit ea emedeanya.”

Marko 1:45

Beawa hoowa Siidida gwarukusa siisi roonnyi sean, ea ghwayiiy gilinyoo ea siida gil. Iiduw Yeesu ea mudu ghwanung' ng'asheesu gabadaksa beatta jeeda mujiini. Gwajireada gawa hichpa geaw ak eara gwasa goremsiina Buuneeda meadajeega sean aba hoowa midean.

Mattayo 4:23

Gwaneayeewa jeeda ng'eanyiida sean bea Galilaaya, nea goonealshi aba jeeda ghoorajeega nyaawa siinnealshachcheewa, nea gwarukkwiida giijasta miy bea sugoochcheandumeeda, nea ghoahaap geeyoonung'weakka sean ea sawanaduutka mideawa buuneeda.

Mattayo 15:11

manda gichchea gwasik ghuut ak ghang'uda siida ririnnyeanda, geaghus gidarinna ghuutta, nii dea jea ghang'uda siida ririnnyeanda.”