Lukka 15:7 - NEAJEEDA EESH BEA BUUNEESSEAN

⁷ Asi gwasnu, ak geayeeshshineegwa, gaygwanda hooseaneega muuchchi aba humng'eada appadayda siyagi mideawa ring'eeda ak gwaduukkuna, maygawuurji fukka was seedam ea damwashshageesh doobiiweadi magassa duukkuunoodean.”

Bibliyeeda Ghaydit

⁷ Asi gwasunu, ak geayeeshiineegwa, gaygwanda hooseaneega muuchi aba humng'eeda aba badayda siyagi mideawa riing'eeda ak gwaduukuuna, maygawuurji fugiga was seedam ea damashageash doobiiweadi magassa duukuunoodean.

Lukka 15:7 Referans Kwoze

Lukka 5:32

Aniini mwaawuni daguursa fuga doobiiweadi, ghawunnyi daguursa fuga ring'eega gwadukkuuna ring'eega nyaawa.”

Lukka 15:10

Asi gwasnu, ak geayeeshshineegwa, gaygahoosan malaykajeega Aseetta appadayda siida assagi mideawa ring'eada iduukkuuna.”

Lukka 15:32

Ak gichcha iisihoosan ghwahit geeng'weala aba gideaba orjeeni bea geamaduun ghayi nimi, ak ghamneawa ea niduudu, ghayi niiroat, ak ea sinyas.’”

Mattayo 18:13

Amaduw nea ghwanyas, aba huumwa geayeeshshineegwa, gaygang'weeliisa nii muuchchi ea ghwalaabwa hoowa giikka asseedam ea damwashshageash maroottean.

Ruumi 7:9

Nea abeeda geawooschi majeek nea abeeda ea manda deaweeda, ammuchchu nea ghwahidu digheanda, gamajeegiit ring'eeda ak ghaameayi;

Lukka 16:15

Ng'atta gwayeeshsha saawa, “Agooga goohindi geat gili oowoschi miyaas aba madeeda buuneeda, nea Aseetta ghwanal guroruunatkeagwa; nea gilinyoo goodiing'u geaw aba madeeda buuneeda, gayghoanyarees Aseetta.

Lukka 15:29

ak ghwasha nea gwayeeshsha ghwaan, ‘Daa, aniini naaweachcheay gweannyeekka saang'a, nea mwoang'ng'wa danung'waada huumeandaang'u; nea migoonean eara dayeenda ak geahoosannyi sea fuga eaduupcheewi.

Mattayo 3:8

Asi ajiila haghweega miisa duukkuunooda,

Lukka 15:6

Amaduw nea ghwahitta gheannyi gaguursa fuga duupchi ea fuga ascheayi ak gwayeeshsha, ‘Ahoosaana sea aniini aba gideaba naanyaaschi gisilleandeanyu roat.’

Lukka 15:8

“Nii gajea ana gatmu, mideawa shiliingaji damanamughuush, amaroat akkalealla ea maygorabeat gheaboonyaneeda, ak goobuus gheeda ak gagasiischi muuchchi ea ghwaanyasi?