Lukka 13:19 - NEAJEEDA EESH BEA BUUNEESSEAN

¹⁹ Gawuurji ghajilleanda geetta suguura haradaali geanu sih ak gwahista aba jeeda madamnyanndaanyi mwanang, ak gwardu ak gwaheedu ea ghoaw geetta, inyeessa gwasin damealga ea gwasissa dariidakka ghoorajeega nyaawa.”

Bibliyeeda Ghaydit

¹⁹ Gawuurji ghajiileanda geeta siguura haradaali geanu sih ak gwahista aba jeeda madamnyeandaanyi mwanang', ak gwardu ak gwaheedu ea ghoah geeta, inyeesa gwasin damealga ea gwasissa dariidaka ghoorajeega nyaawa.”

Lukka 13:19 Referans Kwoze

Gadiyeeda Giijasoodiga 4:4

Nea abeeda fukka saang'a iiy ng'asheesuun ghamwas; nea monneeda headiga ghwahitta sagalamnyooji muut.

Gadiyeeda Giijasoodiga 2:41

Hean fukka mwas ng'asheandaannyiin geeppattiisan, ak ghoahaada eaweettida fii sagalamnyooji samwagu.

Gadiyeeda Giijasoodiga 21:20

Siyiiy ng'asheesu, geekghambiit Aseetta. Ak geeyeeshsha niny, “Ea oorjeediyya, ghamneawa gidaahi gideaba gwanda fuga Yahuudi nyiit sagalamnyoojiga ak ghamneawa ea numwas; ak ghoang'ng'waay muuchchi ng'asheega deaweeda.

Mattayo 17:20

Gwayeeshsha Yeesu, “Gwasin gheashooyda masaweegeagwa. Geayeeshshineegwa aba huumwa, inyeeda goondeawi masaweega deenna ghajilleanda haradaali, gajoammusa ayeeshshiina giijeeni, ‘Loadadawana hiji ak guwi hoowa,’ ak gaygawa, ak ghannyi ea manda ng'asheanda hang'waay mwajoammuusa sinooda.

Giidaheechta 11:15

Ghaghuut durumbeatteadaannyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoochcheandumeeda ng'eanyiida goolla ghoaw sugoochcheandumeeda Ng'uttamiideanya ea dea Gristoydaannyi, ak gaygoombaliischi ea ghoaw damanda manda muudeanooda.”

Ruumi 15:19

aba uurda gwadeagooda ea ng'asheega deamdeameadi, aba uurda Gurorooda Ghaydit, nea gwaneayeewa ng'eanyiissean ghang'eada Yerusaleemu ea geeng'oojiga ea ghwahitta Ihiriko ak gearukkwiidi Giijasta miy bea Gristo,

Lukka 17:6

Gwayeeshsha Ng'uttamiida, “Inyeeda goondeawi masaweega deenna gheang'nyeanda geetta suguura haradaali, abeeda gajoammuusa ayeeshshiina meagheayeanda, ‘Loadaana ak geng'eapseey jeeda basooda,’ ak gayghoawal gheang'deang'wa.”

Marko 4:30

Iiduw gwayeeshsha Yeesu, “Ghamneawa Gheambalmeeda Aseetta gajeegala naaha? Iijea erukuna gajeegalana naaha?