Lukka 11:2 - NEAJEEDA EESH BEA BUUNEESSEAN

² Gwayeeshsha saawa, “Iyoamwaashchchi Aseetta goyeennyi, ‘Ghweandeanya gheawungaagu nung' eakghaambiida. Nung' ghwahidu sugoochcheandumeadaang'u.

Bibliyeeda Ghaydit

² Gwayeesha saawa, “Iyoamwaashchi ASEETA gooyeenyi, “Ghweandeanya gheawungaagu nung' eakghaambiida. Nung' ghwahidu sugoocheanduumeadaang'u.

Lukka 11:2 Referans Kwoze

Giidaheechta 15:4

Ngeaha gil deamoawalnyi ak ghoaghaambiit gheawungaagu, Ea Ng'uttamiida? Aba gideaba ang'iing'i guwasi ghaydit nea gibwageaw. Aba gideaba gayghapka emoojiga sean ak ghaghadoawannyi, aba gideaba girgweageadaang'u siittaajiit.”

Giidaheechta 20:4

Hean ghaadaayi hoorgajeega gheambalmeeda, nea goobiitbiida badahuukka fuga jea goorgweach. Ak ghaadaayi guroruunatka fuga ghayi silajaada gheatkweaka aba badayda muwunnooda Yeesu ea appadayda ng'asheanda Aseetta, ea giikka ghayi mii ghaghadoawan diyeaydideaniin ghana gitta sirattiidean nea miighwanyas giroraneadaannyi aba gheamamuuunatka nyaawa, ghana geattinga nyaawa. Ak gwaduuttu, ak goombaliischi sea Gristo gweannyeew sagalam.

1 Desaloniikke 1:3

nea ghapkachcheegwa aba madeeda Aseetteanya was Ghweanda, gadiyeedeang'wa bea masaweega ea bariinyeegeagwa gadiiyi ea milikghteaydeang'wa bea rarooda aba jeeda Ng'uttamiideanya was Yeesu Gristo.

Filippi 4:20

Asi eakghambiida Aseetta was Ghweandeanya, ea ghoaw damanda manda mudeanooda. Amin.

Filippi 1:2

Gagasa anyasa dagheerjeandumeeda ea hoyyooyda leabu heeda Aseetta was Ghweandeanya ea heeda Ng'uttamiida was Yeesu Gristo.

Efeeso 1:2

Gagasa gagooneegwa Aseetta dagheerjeandumeeda ea hoyyoo Aseetta was Ghweandeanya ea Ng'uttamiida was Yeesu Gristo.

2 Goriinto 1:2

Gagasa anyasa dagheerjeandumeeda ea weayda leabu heeda Aseetta was Ghweandeanya ea heeda Ng'uttamiida was Yeesu Gristo.

1 Goriinto 1:3

Gagasa andeawana dagheerjeandumeeda ea hooyyoo leabu heeda Aseetta was Ghweandeanya ea heeda Ng'uttamiida was Yeesu Gristo.

Giidaheechta 19:6

Hean ghaayiinyi ghuutta uurji dea emeetuw, ak ghwanyaashta ghuutta beega saang'a ak gabiissa ghwanyaashta dea gighweandandeeda haw nea gwayi, “Haleluuya! Aba gideaba Ng'uttamiida was Aseetteanya Hoauur nimbaliischi.

Giidaheechta 11:15

Ghaghuut durumbeatteadaannyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoochcheandumeeda ng'eanyiida goolla ghoaw sugoochcheandumeeda Ng'uttamiideanya ea dea Gristoydaannyi, ak gaygoombaliischi ea ghoaw damanda manda muudeanooda.”

1 Desaloniikke 1:1

Baulo, ea Silwaano, ea Dimotteo, Heeda ganiiseeda Desaloniikke mida heeda Aseetta was Bwaabwa ea heeda Ng'uttamiida was Yeesu Gristo: Gagasa anyasa dagheerjeandumeeda ea hoyyoo.

2 Desaloniikke 2:16

Nea abeeda Ng'uttamiideanya was Yeesu Gristo niny, ea Aseetta was Ghweandeanya, ghayi bwariinyeasa ak gageandeawaneasa salgheang'da ea ghoaw eaweega mammuudeana ea gidamiy sirarji aba jeeda dagheerjeandumeeda,

Golosaayi 1:2

Heeda Aseetta fuga ghaydidi doobiiweadi was oorjoogiyya aba jeeda Gristo Yeesu ida Golosaayi: Gagasa anyasa dagheerjeandumeeda ea hoyyoo jea gwaleabu heeda Aseetta was Ghweandeanya.

Ruumi 8:15

Aba gideaba ghayi meegoaneagwa gurorooda ging'ng'oonyaneandumeeda jea gweadu muuwda, ghayi geegooneegwa gurorooda jea ahuuweewana balloojiga. Nea geeyeawdi, “Bwaabwa! Bwaabwa!”

Mattayo 10:32

Siida mwasan aba madeeda buuneeda, abeeda earanini gaydamwas niny aba madeeda Bwaabwa mida humng'eeda;

Mattayo 5:16

Asi eara weeshindeang'wa gagasa ghoabwaay buuneessean, amaduw nea ghwadaa gadiyoojigeagwa miyaas ghoaghambiit Ghweandeang'wa mida humng'eeda.”

Mattayo 3:2

“Aduukkuunana, aba gideaba sugoochcheandumeeda humng'eeda nineekkiit.”

Galattiya 1:4

nea gabeagu geaw aba ring'eegaasa ak gwalealnaneasa aba jeeda seaygean bea ghamneawa munyasiin, gawurji gidagasiida Aseetta was Ghweanda;

Ruumi 1:7

aba fuga sean mida ng'eanyiida Ruumi, ghayi bwariiy Aseetta, suguursa ghoaw fuga ghaydidi: Gagasa anyasa dagheerjeandumeeda ea hoyyooyda leabu heeda Aseetta was Ghweandeanya, ea heeda Ng'uttamiida was Yeesu Gristo.

Lukka 11:1

Eaweechcha ghamwaash Yeesu Aseetta, ama ahiit goobearsa ginealaneanagi bea jeeda ginealangaaschi nea gwayeeshsha, “Ng'uttamiida, anaaleasa mooshta Aseetta gawuurji gidanaalda Yohaana ginealangaaschi.”