Lukka 10:2 - NEAJEEDA EESH BEA BUUNEESSEAN

² Gwayeeshsha saawa, “Booga asaang'a ak ea ng'ay fuga gadiyeeda, amwaasha Ng'uttamiida bea booga goojeakta buuneeda jea ghwalach boagaaschi.

Bibliyeeda Ghaydit

² Gwayeesha saawa, “Booga aasaang'a ak ea ng'ay fuga gadiyeeda, amwaasha Ng'utamiida bea booga goojeakta buuneeda jea ghwalach boagaaschi.

Lukka 10:2 Referans Kwoze

1 Desaloniikke 5:12

Fuga eaduupcheewi, geemuscheegwa gideaba, asissiina mureeda fuga sin gadiyeeda aba jeedeang'wa ak gabiissa gwanda madeedeang'wa aba jeeda Ng'uttamiida nea geewwoowseegwa,

Marko 16:15

Hean gabiissa Gwayeeshsha, “Aweayeena ng'eanyiissean ak gorukkwiidi Giijasta Miy aba heeda buneassean.

2 Dimoteo 4:5

Asi ang'iing'i mideawana gheadeenda aba haleanjeessean, milighteaysiina gea munyas sina gadiyeeda rukwiideayda giijasta miy ahiida gadiyeedaang'u nea gidoobiiw.

2 Desaloniikke 3:1

Asi huydeanda fuga eaduupcheewi, amwaasha Aseetta appadahuukkaasa, ak abeeda gawa ng'asheanda Ng'uttamiida mwadi aba hooseaneega, gawuurji giduurji aba heedeang'wa,

Marko 13:34

Gawuurji Siisi ghayi wea bareannyeekka ak gwaruuda nea ghwanung'wa gheeda fuga gadiyeeda. Nea nigeanu ak gaba siisi adaw gichchea gwasin ak gageanu ghwayiin furiischochcheanda jea gafur dooshta nea gwayeeshsha milmiliida.

1 Dimotteo 4:10

Aba gideaba ghoaw gidaghamna adeawiideasa ea gidasigadiyeatti muuchchi appadaydeaba gili. aba gideaba aseasa geeghuschi Aseetta majeek was lealnoochcheanda buuneessean, ghwaraanya gea mwas niny.

Gadiyeeda Giijasoodiga 22:21

Ak gwayeeshshinean, ‘Una aba gideaba gaydeajeaktaneey heeda sheagi was ng'eanyiida Emoojiga.’”

Gadiyeeda Giijasoodiga 20:28

was gea ghayi nung' Gurorooda Ghaydit ahuuwa fuga jea ghoahaaghwa, ak goong'ulayi ganiiseeda Aseetta ghayi nyas aba foojeanda Balleandaannyi bea saseadaannyi.

Gadiyeeda Giijasoodiga 13:4

Hean iiduw ea niijeakta Gurorooda Ghaydit, ghwararang'aada ea ghwahitta ng'eanyiida Seleugiya; ak geeng'eada hoowa ak gwading'da maleambooda haw ea ghwahitta ng'eanyiida Saypras.

Gadiyeeda Giijasoodiga 13:2

Ghayi eaweechcha nea ghabwat Ng'uttamiida, nea ghwarat jalooda, hean gwayeeshsha Gurorooda Ghaydit, “Aloada Barnaba ea Saulo gwasin gadiyeeda eaguursi gwasin.”

Gadiyeeda Giijasoodiga 11:19

Hean fukka ghayi darda aba sawanadeeda bunu appadayda Stefanohiin gaweay ea gwasheagiidi ea ghwahitta ng'eanyiida Foinikke ea Saypras ea Antiyokkiya, nea gwarukkiida ng'asheanda aba heeda fuga Yahuudi.

Gadiyeeda Giijasoodiga 8:4

Iiduw fukkeanji dardaawaadiin gaweay gwarukwiida ng'asheanda.

Lukka 9:1

Hean gaguursa ginealangaaschi attamaniyyeenya ak ghoadaw uurda ea gheambalmeeda jea goobala meangeenda sean ea giheapta geyoonung'weakka,

Marko 16:20

Hean gaweay Ginealanga ng'eanyiissean nea gwarukkwiida Giijasta Miy. Gwasin Ng'uttamiida gadiyeeda sea saawa ak gomajeek Giijasi aba gwadeagooda adeaydooschi saawa.]

Mattayo 20:1

“Aba gideaba sugoochcheandumeeda humng'eeda gawuurji siida bea gheeda ritteawa sakteayda duw ak gagasa fuga jea ghabwar ng'eanyi aba jeeda madamnyeandaannyi bea misabiibu.

Filippi 2:25

Geagasayi deajeagu heedeang'wa Epafraditto, was oorjeediyya, easnudayeewi gadiyeeda, was shirikkarajeanda uurjeewean, nea giijasoochcheandeang'wa gil, nea weedaneeda gil aba haleandeanyu eagasayi.

Filippi 2:21

Saawa gaba siisi ng'ula gidabwariiy, nea mii fukka bea Yeesu Gristohiini.

1 Goriinto 12:28

Nea Aseetta ea niloat giijasoodiga madeeda aba jeeda ganiisa, deaba iyyeenya sibanga, geaba samwagu ea ginealshoodiga, ea fuga sina ng'asheega deamdeameadi, ea fuga aheabi buuneeda, ea weedanga, ea fuga ambaliischi, ea fuga baloolla ghuusiga emoojiga mwaatkwa.

Golosaayi 1:29

Nea geasawannyi geaw aba nii, nea geamajeekchi aba uurda sinoodeaba gadiyeeni iin jeedeanyuun.

Filippi 2:30

aba gideaba gwaramagu ghami aba gadiyeeda Gristo, nea gwaramagu gabeagu eaweegaaschi ak ghoahiit gadiyeedeang'wa aba heedeanyu.

Ebraniya 3:6

nea Gristo ea doabiiwaat aba jeeda gheeda Aseetta nea gawuurji balleanda. Ak geewoschi gheannyi ising'ng'waanyi muuchchi gitta sisikteawiin nea geaghwarji gitta sirarjiin.

1 Desaloniikke 2:9

Ak ghoapkaachchi gissuburdi ea gissisawaneatti, fuga eaduupcheewi; aba gideaba iissa geegadiyi eawa ea askweari, ak ea meesawani siida wassean aba jeedeang'wa, nea geerukkuneegwa giijasta miy bea Aseetta.

Golosaayi 4:12

Epafrayda was siida jeedeang'wa was soomjeanda Gristo Yeesu, ghoaghadeagwa nea goopkeatteegwa galeagasean nea gwasin badiida aba moashtaannyi bea Aseetta, ak ghoamiinaadi nea sumwaseagwa aba haleanjeetta gasa Aseettean.

2 Goriinto 6:1

Nea aseasa iisisinnyi gadiyeeda sea niny, hean geemuscheegwa gideaba adiiduw ghoanyaschi dagheerjeandumeeda Aseetta mwadaagha.

1 Goriinto 15:10

Iiduu aba dagheerjeandumeeda Aseetta anaahuuyi gideawuurjeewi bea ghamneawa, nea dagheerjeameadaannyi aba heedeanyu ea maba mwadaagha. Aba meatkweeda niirja ghaaraanyi muuchchi aba sinooda gadiyeeda ea dalaabwa hoowa siida wassean aba saawa, nea mii aniini gil, nii gwasin dagheerjeandumeeda Aseetta mida heedeanyu.

Filimoon 1:1

Baulo siida ghealooniga appadayda Gristo Yeesu, ea Dimotteo oorjeeda giyeanya, heeda Filimooneeda was siideanya subwariinyi suweechcheewi aba gadiyeeda

Giidaheechta 2:1

“Heeda malaykajeanda ganiiseeda Efeeso ng'waara, ‘Ng'asheega ninyeeda mideawa miinga assispwa aba geattindaannyi bea dugwa nea gwaneayeewa dageascheeda hoorgaji ispwa bea gheaboonyanga meeng'meeng'i.