Lukka 10:11 - NEAJEEDA EESH BEA BUUNEESSEAN

¹¹ ‘eara birjeanda mujiineedeang'wa noas geashangaasa geelalaksi iheengeagwa; ak gobiissi anala gideaba sugoochcheandumeeda Aseetta nineekiit.’

Bibliyeeda Ghaydit

¹¹ ‘eara birjeanda mujiineedeang'wa noas geeshangaasa geelalaksi iheengeagwa; ak goobiissi anala gideaba sugoocheanduumeeda ASEETA nineekiit.’

Lukka 10:11 Referans Kwoze

Gadiyeeda Giijasoodiga 13:51

Ng'atta gabardeaysa birjeanda geeshanga nyaawa, ak gaweay ng'eanyiida Ikonio.

Lukka 10:9

oahhaabwa fuga miyean mida jeedida nea goorukusi fugiga gideaba, ‘Sugoochcheandumeeda Aseetta nineekkiiseegwa.’

Ebraniya 1:3

Aba gideaba niny ghoahiimu weeshinda gigheambiitta Aseetta nea gwandeawa girooraneeda ea seareedaannyi, ak ghwasar ng'eanyiida aba ng'asheandaannyi mideawa uurda. Iing'atta nea nisin gimmiinooda ring'eeda, hean gopteada aba meatkweeda geattinda dugwa bea Aseetta was Ng'uttamiida aba hoowa bea dadaliiliin,

Gadiyeeda Giijasoodiga 13:46

Gabalool Baulo ea Barnaba aba meaynatta nea gwayi, “Gammiisa gideaba gayghanyi erukuneegwa ammadeeda ng'asheanda Aseetta. Amaduw nea ghoaheawi ak gohindi geat gili mammiiseegwa eaweega manda muudeanooda, ang'ulla, gajeeyamsiina geat Emoojiga.

Gadiyeeda Giijasoodiga 13:40

Asi ashageada geat, adaghwanyaseagwa gea ghayi beangwargu subanga nea gwayi:

Gadiyeeda Giijasoodiga 13:26

“Fugeaduupcheewi, balloojiga dooshta Abrahaamu, ea buuneessean mida jeedeang'wa awali gheang'da Aseettean, giijasi bea lealnoodean siyanneasa.

Marko 6:11

Nea iyoahitti ng'eanyiida deeppa ea meadeaptaneegwa nea ghanyea mealeyseegwa eara iit, iyoabeawi ng'eang'da nyaawa alalakta birjeanda geeshangeagwa. Abeeda gajea gibuhanda nyaawa gil.”

Mattayo 10:14

Nea siida iimwadeataneegwa ghana ghaheawa gooleeysiit ng'asheegeagwa, iyooritteawi gheetta ghana mujiineedida, ghoalalakti birjeanda mida geeshangeagwa.

Ruumi 10:21

Nea aba heeda fuga Israeeli gwayi, “Askwearda sean ghaamiindi geattingeasu aba heeda fuga manda mureeda ea fuga was muranga.”

Ruumi 10:8

Neada gwayiin? Gwayi ng'asheanda eaneekeeweey, ak gabissa gwanda ghuuttaang'u ak gabissa gwanda guroroodaang'u, (nea ng'asheanda ghayi bea masaweega ghayi sirukkwiidi);

Mattayo 3:2

“Aduukkuunana, aba gideaba sugoochcheandumeeda humng'eeda nineekkiit.”

Mattayo 10:7

Aba jeeda neayeedeang'wa arukkwiida gideaba, ‘Sugoochcheandumeeda humng'eeda nineekkiit.’

Lukka 9:5

Nea iyoahitti heeda meegasseegwa, iyooritteawi mujiineedida ghoalalakti birjeanda mida geeshangeagwa ak gayghoaw muwwunooda appadahuukka nyaawa.”

Lukka 10:10

Nea aba mujiineeda oweayi sean ak ea mwadeaptaneegwa, goosikchi naweadingaschi nea gooyeennyi,