Giidaheechta 8:3 - NEAJEEDA EESH BEA BUUNEESSEAN

³ Hean ghwahidu malaykajeanda nuut ak ghamiinaada heeda wagiida, nea gwandeawa dabichcheanda sisna lagheanga meeng'meeng'i simmikkisiinda, ak geattaw hideeda ng'andit saang'a ak googuuyi sea mwoshta Aseetta bea fuga sean ghaydidi appadayda heeda wagiida eyda sisna lagheanga meeng'meeng'i mida madeeda hoorgeeda gheambalmeeda;

Bibliyeeda Ghaydit

³ Hean ghwahidu malaykajeanda nuut ak ghamiinaada heeda wagiida, nea gwandeawa dabicheanda sisna dahaabu siimiikiisiinda, ak geataw hideeda ng'andit saang'a ak googuuyi sea mooshta ASEETA bea fuga sean ghaydidi aba badayda heeda wagiida sisina dahaabu mida madeeda hoorgeeda gheambalmeeda;

Giidaheechta 8:3 Referans Kwoze

Giidaheechta 5:8

Hean nea gageanu gittaabu ghoabeada diyeangiga assang'wan majeekcheewiin sea gweargiga attiktam ea ang'waniin aba madeeda Dayeenda Gisilleanda, ak gaba nii ang'ng'waay gidondooriida, ea gweeriida sisna lagheanga meeng'meeng'i nea ghwannyiit hideeda ng'andit, was mooshta Aseetta bea fuga ghaydidi;

Giidaheechta 8:4

ng'atta gwadiyeada aroosteaba hideetta ng'andidiin sea mooshta Aseetta bea fuga ghaydidiin aba geattinda malaykajeanda ea ghwahitta madeeda Aseetta.

Lukka 1:10

Nea aba damani sing'ng'andiida gheedean abeeda gwanda Emeessean daghatta gheeda ghamwaash Aseetta.

Giidaheechta 9:13

Hean ghaghuut malaykajeandeaba lah durumbeatteadaannyi, ak ghaayiinyi ghuutta nyaasha jeedeaba gujakkiga assang'wan bea heeda wagiida eyda meang'meang' mida madeeda Aseettean,

Ebraniya 9:4

nea gwandeawa heeda wagiida eyda meang'meang' mideawa shearooda ng'andit ea sandakkwajeanda mida jeeda neajeeda nea sikkwealsa meadajeega sean aba lagheanga meeng'meeng'i nea gwandeawa bayookta meang'meang' mida hamitta suguura maana, ea bileangida Haruuni aruudu damealga, ea measeeda neajeeda;

Ebraniya 7:25

Nea giduurji sean ghoammu aba damannyoojiga sean gwalealu fukka neekkiissa Aseetta aba ninyiin, nea niny gwanda galeagasean nea goduupchi saawa.

Ruumi 8:34

gaygoorgweakseegwa ng'eaha? Gristo Yeesu gil, ghayi meah, huumwa, ak gwaduunna miyeeda, ak gwanda geattinda dugwa bea Aseetta, amaduw gamusiischoaweasa?

Giidaheechta 7:2

Ghadaayi malaykajeanda nuut nea gwascheang'na heeda arearuuna aseetta, nea gwandeawa giirooraneeda Aseetta majeek, hean gaguurda aba ghuutta haw ak gaguursa malaykajeegiga assang'wan ghayi siittaw uurda jea gwasawana ng'eanyiida ea basoodean,

Giidaheechta 6:9

Iiduw nea goottin giirooraneedeaba muut, hean ghaadaayi aba jeeda heeda wagiida guroruunatka fukghayi silajada gheatkweakka appadayda Ng'asheanda Aseetta, ak gamuuwwu ng'asheesu;

Giidaheechta 10:1

Ng'atta ghaadaayi malaykajeanda nuut mideawa uurda nea ghwararang'aana humng'eeda, nea sikwealsa shamooghooda, nea uhuudaannyi gwanda gidaghuweang'da sheagitka, nea gheamamdaannyi ghawaar aseetta, nea geeshangaaschi gawuurji daranajeega beasta.

Giidaheechta 8:5

Iiduw gageanu malaykajeanda dabichcheandida ak ghoannyiit beasta leabu heeda wagiida, ak gwajaksa badayda ng'eanyiida; hean ghwanya nyeashta ea gighweandandeeda humng'eeda, ea nyeashta nea ghoabwaay dadamandeeda, ea sawooda ng'eanyiida.

Giidaheechta 14:18

Ak gwarinna malaykajeanda nuut heeda wagiida, nea dea burdeawa uurda beasta gil, ak gaguursa dea mideawa bardida ng'aniibiin aba ghuutta haw nea gwayeeshsha, “Geanni bardida ittaang'u ng'aniibiin ak gibinni dayeega msabiibooda ng'eanyiida, aba gideaba haghweagaaschi niheas.”