Giidaheechta 7:2 - NEAJEEDA EESH BEA BUUNEESSEAN

² Ghadaayi malaykajeanda nuut nea gwascheang'na heeda arearuuna aseetta, nea gwandeawa giirooraneeda Aseetta majeek, hean gaguurda aba ghuutta haw ak gaguursa malaykajeegiga assang'wan ghayi siittaw uurda jea gwasawana ng'eanyiida ea basoodean,

Bibliyeeda Ghaydit

² Ghaadaayi malaykajeanda nuut nea gwascheeng'na heeda arearuuna aseeta, nea gwandeawa giirooraneeda ASEETA majeek, hean gaguurda aba ghuuta haw ak gaguursa malaykajeegiga asang'wan ghayi siitaw uurda jea gwasawana ng'eanyiida ea basoodean,

Giidaheechta 7:2 Referans Kwoze

Efeeso 4:30

Ak ea adoong'udi gurheamiida Gurorooda Ghaydit bea Aseetta, aba headaannyi sirrooreegwa aba eaweeda ghuhooda.

2 Goriinto 1:22

nea niny ea siida ghayi arooreasa gil, ak gagoaneasa Guroroodaannyi ak ghwayiin jeesinga guroruunatkaasa ak gawuurji raduutka.

Giidaheechta 9:4

ak geeyeeshsha adoosawannyi nyeega mida ng'eanyiida ghana gilwassean nyawiish, ghana giliwas geetta geaghus fukka mandeawana giirooraneeda Aseetta aba gheamanuunatka nyaawaan;

2 Dimoteo 2:19

Ak sindeetta ghayi inni Aseetta ea nimiinaada nea majeek, nea uhuudaanyi geengoorsa ng'asheesu, “Ng'uttamiida ghwanal gea was gaaschi.” Ak gicha gilinyoo gwarukku gheawunga Ng'uttamiida adanung'waada ng'asheega munyas.

Efeeso 1:13

Ak agooga aba jeedeaba niny noayiinyi ng'asheanda huumwa, nea giijasta miy bea lealeanoodeang'wa, ak ea noamwaschi niny, nea gorooreegwa heelleeda Gurorooda Ghaydit,

Giidaheechta 5:2

ghaadaayi malayakajeanda mideawa uurda nea gwarukkwiida ng'asheega aba ghuutta haw, nea gwayi, “Gammiisa ng'eaha gideaba gaygoottin gittaabu ak gwanyarjeaweeda giiroorangaaschi?”

Yohaana 6:27

Adiiduw godeawiichchi aba hamitta jea gabay gammudean, adeawissiina hamitta jea gwanyagu eaweega manda mudeanooda, jea gagooneegwa Balleanda Siida; aba gideaba nigeawiit goroor Aseetta was Ghwaan.”

Giidaheechta 1:3

Ghang'wana siida assoamwa aba ghuutta haw ng'asheega was ramoorangeasu, ak ghang'wana fukka iiyiin, ea dea ang'ng'waay ng'asheega sung'oorsa jeedean; aba gideaba damanda nineekiit.

Giidaheechta 10:4

Ng'atta nyeashteaba gighweendannyeekiga assispwaan, abeeda ea neagasayi dang'waar, hean ghaayiinyi ghuutta leabu humng'eeda nea gwayi, “Aroora ng'asheesu rugu gighweendannyeekiga assispwaan, ak ea ading'waari.”

Giidaheechta 10:1

Ng'atta ghaadaayi malaykajeanda nuut mideawa uurda nea ghwararang'aana humng'eeda, nea sikwealsa shamooghooda, nea uhuudaannyi gwanda gidaghuweang'da sheagitka, nea gheamamdaannyi ghawaar aseetta, nea geeshangaaschi gawuurji daranajeega beasta.

Giidaheechta 8:3

Hean ghwahidu malaykajeanda nuut ak ghamiinaada heeda wagiida, nea gwandeawa dabichcheanda sisna lagheanga meeng'meeng'i simmikkisiinda, ak geattaw hideeda ng'andit saang'a ak googuuyi sea mwoshta Aseetta bea fuga sean ghaydidi appadayda heeda wagiida eyda sisna lagheanga meeng'meeng'i mida madeeda hoorgeeda gheambalmeeda;

Ebraniya 12:22

Ak ea noapkaannyi Giijeeda Sayuuni ea mujiineeda Aseetta majeek, Yerusaleemooda humng'eeda, ea heeda malaykajeega saang'a, bwat geat aba ghweelmeeda,

1 Desaloniikke 1:9

Aba gideaba saawa nea gaba geat gwarukkwiida iitteanya gidaoadeaptaydaneasa aba jeedeang'wa, ea gidooyamsiindi geat Aseetta nea ghoanung'waadi haleanjeeda mawosa Aseetta ak googadiyeesi dea mideawa eaweega ea Aseetta huumwa,

Mattayo 26:63

Ghwasiinda Yeesu. Gwayeeshsha Ashoohoochcheanda haw, “Eaniyean aksiina Aseetta majeek habeawooda rukuneasa ang'iing'i ea guwosi Gristo, Balleanda Aseetta.”

Mattayo 16:16

Ghwasha Simoneeda was Betro nea gwayeeshsha, “Ang'iing'i guwosi Gristo, Balleanda Aseetta majeek.”

Giidaheechta 9:14

nea gwayeeshsha malaykajeandeaba lah mideawa durumbeattiin, “Siksiina malaykajeekka asang'wan sirassa jeedeenda haw suguura Furatiin.”

Giidaheechta 16:12

Gohiisa malaykajeandida bea lahiin gweeriidaannyi jeeda eenda haw suguura Efrattiin, hean ghwajaam beagaaschi, ak geesissin naweeda sugoodiga leabu heeda ghayeawa.