Giidaheechta 5:9 - NEAJEEDA EESH BEA BUUNEESSEAN

⁹ hean gwasarman sarmeedeesh, nea gwayi, “Gammiiseey ang'iing'i geannooda gittaabu ak giittin giiroorangaaschi, aba gideaba ghayi gealach ghaattaang'u nea aba foojandaang'u giidaydi leadeeda buuneeda aba heeda Aseetta aba giliwas eamwa ea iitta ea buuneeda ea ng'eanyiida,

Bibliyeeda Ghaydit

⁹ hean gwasarman sarmeedeesh, nea gwayi, “Gamiiseey ang'iing'i geanooda gitaabu ak giitin giiroorangaaschi, aba gideaba ghayi gealach gheataang'u nea aba foojeandaang'u giidaydi leadeeda buuneeda aba heeda ASEETA aba giliwas eamwa ea iita ea buuneeda ea ng'eanyiida,

Giidaheechta 5:9 Referans Kwoze

1 Yohaana 1:7

nea isineayeewi jeeda weeshinda, gawuurji gidamideatta niny jeeda weeshinda abeeda easibareannyi aseasa, ak foojeanda Yeesuuyda was Balleandaannyi gaygoohuun ring'eegaasa sean.

Mattayo 26:28

Aba gideaba suu foojeandeanyu bea neajeeda gil, ak geahiida appadahuukka fuga saang'a aba geandeayda ring'eeda.

Giidaheechta 14:6

Hean ghaadaayi malaykajeanda nuut nea ghang'eatta aba bugusta humng'eeda, nea gwandeawa giijasta miy manda muudeanooda jea gwarukwiisa fuga mida muunda ng'eanyiida, ea giliwas eamwa ea emeeda ea iitta ea buuneeda;

1 Goriinto 6:20

Agooga geashaheagwa. Asi, oakghambiida Aseetta aba sasanuukkeagwa.

Giidaheechta 5:12

nea geeyi aba ghuutta haw, “Gammiisa Dayeenda Gisilleanda ghayi silach gheatta, ghwanyas uurda ea meanang'oochcheandumeeda ea weaghumeeda ea hawunda ea mureeda ea gigheambiitta ea ghawooda!”

Giidaheechta 4:11

“Ng'uttamiideanya was Aseetta gammiiseey ang'iing'i gigheambiitta ea mureeda ea uurda, aba gideaba ghayi gisni haleanjeessean, nea aba gidigassiidi gisni ak goobiida.”

Gadiyeeda Giijasoodiga 20:28

was gea ghayi nung' Gurorooda Ghaydit ahuuwa fuga jea ghoahaaghwa, ak goong'ulayi ganiiseeda Aseetta ghayi nyas aba foojeanda Balleandaannyi bea saseadaannyi.

Mattayo 20:28

aba sareani eara Balleanda Siida mwoani egadiyeesa niny ghwaan gagadiyi, ak ghoadayda aweagaaschi ghoaw leadeeda fuga saang'a.”

Giidaheechta 5:6

Hean ghaadaayi aba dageascheeda hoorgeetta bea gheambalmeedean ea diyeangiga majeekcheewi assang'waniin ea bugusteaba gweargiga, ghamiinaada Dayeenda Gisilleanda, nea gawuurji gili silach gheatta, nea gaba gujaw ispwa ea gheanyan ispwa, nea Guroruunat ispwa bea Aseetta gil sichcheakta gaweay ng'eanyiissean;

Ditto 2:14

nea niny ghoadayda geaw appadahuukkaasa ak ghaweadaneasa ng'asheega munyas sean ak ghoammiidu fuga jea ghoaw gaaschi nea gamilmiliidi aba sinooda ng'asheega miyaas.

2 Betro 2:1

Ng'atta gwarina jeeda buuneeda sibanga ng'uyyeega earappeadi jea gwanda giinealshoodiga ng'uyyeega aba jeedeang'wa, fuga jea gweadu ginealshooda nyariida aba makcheameeda, ak ghwashaang' Siida haw ghayi shaang' saawa, ak gweassa geat nyariida.

Golosaayi 1:14

nea aba niny geendeawi lealeanooda nea ea samsiinda ring'eeda.

Efeeso 1:7

Aba niny geendeawi ghuhooda aba foojeandaannyi, was samsiinda ring'eeda, aba gitteenna dagheerjeandumeadaannyi.

1 Yohaana 2:2

nea niny ea siida jea ghoadayda leadeeda riing'eagaasa, ak ea meakghusa gaasa akghwahit eara riing'eega muunda ng'eanyiissean.

1 Goriinto 7:23

Agooga geashaheagwa aba sheayeeda haw; adeahuuyi ging'ng'oonyaneemba sih.

Giidaheechta 13:8

nea haleanjeessean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gittaabooda eaweega bea Dayeenda Gisilleanda ghayi sinuus nea miyeebwat sindeetta ng'eanyiida.

Giidaheechta 11:9

Aba eawooji samwagu ea gil gang'ula headiga buuneeda ea emoojiga ea iitta ea daroorakka gumgeenga nyaawa ak ghaheawa gideaba gajeebuy.

Ebraniya 11:14

Aba gideaba fuga rukku ng'asheesu ghoahiimu muuchchi gideaba saawa gagaseadayyi ng'eanyiida jea goobiida.

Golosaayi 1:23

Asi iyoppiidi jeeda masaweega, ak ghoomiinaadi nea noahang'waanyichchi, nea meayameagwa aba heeda giijasta miy oayiinyi, ghayi surukkwiisa haleanjeessean mida hiing'eadayda humng'eeda, nea aniini Baulo geawoschi siidaannyi bea gadiyeeda.

Efeeso 5:19

Oppaloolana geat ng'asheega nyiigheega ea duumjeenga guuskuseega ea sarmoojiga guroorooda, asarmasiina Ng'uttamiida nea ghoammiidu daghanuunatkeagwa aba jeesingeagwa sean,

Giidaheechta 10:11

Geyeeshinean, “Gammiiseey rukuta gichcha ramooranga appadayda fuga saang'a ea emoojiga ea iitta ea sugoodiga.”

Giidaheechta 13:7

Ak geesiksa gang'uchi sea fuga ghaydidi ak ghwajoar. Ak geattaw gheambalmeeda appadayda gilinyoo ea emoochean gil ea buuneeda ea iitta ea emoojiga,

Giidaheechta 15:3

Ak gwasarman duumda Muusa, was soomjeanda Aseetta, ea duumda Dayeenda Gisilleanda, nea geeyi, “Gadiyoojigaagu isinayi ea hees nea deamdeameadi, Ea Ng'uttamiida was Aseetta Hoauur! Naweadingaagu doobiiwnatta gil ea huumwa, Ea Sugoocheanda gweannyeekka sean!

Giidaheechta 17:15

Hean gwayeeshshinean, “Beegigeani idaahiin, bea heeda apteadawa hiseadaydideaniin, ada buuneeda gil ea emoojiga ea iidiga.