Giidaheechta 3:18 - NEAJEEDA EESH BEA BUUNEESSEAN

¹⁸ Ak gaydayeeshshiineey, shaaha aba heedeanyu lagheanga meeng'meeng'i siihuuna beasta, ak abeeda gaywosa meanang'oochcheanda, nea giikwealli hang'weakka eashish, ak ea meadaaha baspaseega dawiishnattaang'u, ak gaynyasa meajooda jea eashana gheanyangaagu ak abeeda gingweardi.

Bibliyeeda Ghaydit

¹⁸ Ak gaydayeeshiineey, shaaha aba heedeanyu dahaabu siihuuna beasta, ak abeeda gaywoosa meanang'oocheanda, nea giikweali hang'weaka eashish, ak ea meadaaha baspaseega dawiishnataang'u, ak gaynyasa meajooda jea eashana gheanyangaagu ak abeeda giing'weardi.

Giidaheechta 3:18 Referans Kwoze

Giidaheechta 16:15

“Asi, gaydoanda mareanghweanda! Ghang'wana siida majeek, nea ghaghamwat hang'weakaaschi ak ea mawa nea dawiish ak geadaa baspaseagaaschi!”

1 Betro 1:7

ak abeeda aba simsimda masaweegeagwa miyaas ng'al lagheanga meangmeang'i jea gwarooda, earappeadi iissa geesim aba beasta, ak abeeda geadaah gideaba gwandeawa dumsiinda ea gharbeeda ea mureeda aba gidaheachta Yeesu Gristo.

Giidaheechta 19:8

ak ea sikwealsa hang'weakka miyaas bumbuni, meang'meang' nea miyaas,” aba gideaba hang'weakka miyaas sinaweega doabiiw bea fuga ghaydidi gil.

Giidaheechta 7:13

Hean gwayeeshshean gweargweenagi, “Fiisu akkeega, akkwa hang'weakka eashish gulng'eanyiin, nea fiisu gwaleabu yeenu?”

Mattayo 13:44

“Gichcha sugoochcheandumeeda humng'eeda gawuurji gheaseeda funyaat aba jeeda madamnyeanda, ama daa siida ghafuy; aba ng'weeloadaannyi gawa ak ghwashaayda haleanjeedaannyi sean mideawa ak ghwasha madamnyeandida.

Yakkobo 2:5

Oalleaydiit fuga eaduupcheewi abwariinyi. Heappi Aseetta ghayi mii ghwaloat fuga barbari bea muunda ng'eanyiida ak ghwanung' gabaruura masaweega nea gwahearan sugochcheandumeeda ghayi helleesa fuga bwariiyi?

Giidaheechta 3:17

Aba gideaba giyeeni aniini geawoschi meanang'oochcheanda ak ea neabaruurji, ak ea meagassi gil; ak ang'iing'i ea minali gideaba mindeawani uurda, nea guwosi bwarbwar, ak giwosi ng'oaw, nea guwosi dawiish.

Giidaheechta 2:9

Ghaanalli sawanadeadaang'u ea barbarandaang'u, (ak guwosi meanang'oochcheanda), ak ghaanalli eara ging'weakeaba fiisu eena geewochi fuga Yahuudi nea mawosean, nea saawa ea ghooriida sinnealshachcheewa bea Shattaani.

2 Goriinto 8:9

Aba gideaba noanalli dagheerjeandumeeda Ng'uttamiideanya was Yeesu Gristo, earappeadi baruuriin, hean ghabwarbwariit appadahuukkeagwa, ak abeeda aba barbarandaannyi ghoahuuyi baruurji.

2 Goriinto 5:3

nea abeeda isishshubeesa gajeadaheasa nea meewosi dawiiri.

Lukka 12:21

Asi nii giduurji siida adiiwwiisa geaw gheaseeda, “Nea meabarursiina gea Aseetta.”

Mattayo 25:9

Gwayeeshsha giikka mideawa weaghumeedean, ‘Manda mayghoahideasa aseasa ea agooga! Ghang'wana ghoang'ng'waanyi naweeda ak gooweesi fuga sheahida nagheeda ak ghoashaayi.’

1 Dimotteo 6:18

Dasna ng'asheega miyaas ak ghoaw meanang'oodiga aba sinooda gaamiyaas, ak ghoadayda haleanjeenyaawa nea gabareanyi sea buneesuurja aba jeeda miy,

Giidaheechta 4:4

Ak gwaneaweesa hoorgeedida bea gheambalmeedean hoorgaji diktam ea ang'wan bea gheambalmeeda, ak ghaadaayi gwearu diktam ea ang'wan, aba uhuudeaba hoorgajeegiga bea gheambalmeedean nea goobiitbiit, nea siikwealsa hang'weakka eashish, nea iheenga nyaawa gwanda shiipka lagheanga meeng'meeng'i.