Giidaheechta 22:3 - NEAJEEDA EESH BEA BUUNEESSEAN

³ Ak ea maygutgwanda gilinyoo ea moshteayda gil, nea hoorgeeda gheambalmeeda bea Aseetta ea dea Dayeenda Gisilleanda gaygwanda jeadaannyi, nea soomjoogaaschi gayghoaghadoawan niny,

Bibliyeeda Ghaydit

³ Ak ea maygudugwanda gilinyoo ea mooshteayda gil, nea hoorgeeda gheambalmeeda bea ASEETA ea dea Dayeenda Gisilleanda gaygwanda jeadaanyi, nea soomjoagaaschi gayghoaghadoawan niny,

Giidaheechta 22:3 Referans Kwoze

Mattayo 25:21

Gwayeeshsha siitta hawiin, Ghwadoabiiw soomjeanda miy doabiiwaat; nuwosi doabiwaat aba haleanjeeda ng'ayi, gajambala gasaang'a, benni apteada nea gihoosani sea siida haw.

Yohaana 12:26

Siida jea gwasinnean gadiyeeda geaghus gweadu geeshtteanyu; ak abeeda heeda eandi aniini eara soomjeadeanyu gaygwanda eara niny; siida jea gwasinnean gadiyeeda abeeda gaygwasissa Bwaabwa mureeda.

Yohaana 14:3

Nea iyeawi ak geasinneegwa hoorgeedeang'wa, gaydabiigu gichcha ak ghayachcheagwa heedeandi, abeeda heedeandi aniini eara agooga gajandana.

Mattayo 25:41

“Iiduw gaygwayeeshsha fukka mida meatkweadaannyi bea geattinda ghadaamiin, ‘Oang'amwana madeedeanyu, fukghayi sumwaashta, aweayeena jeeda beasta manda mudeanooda ghayi sibay eerarsa Meang'nyeandeenda ea malaykajeegaaschi;

Yohaana 17:24

Bwaabwa, suu ghayi igonnyeaniin geagasayi dandeawa galeagasean aba hiji eandi sean, ak abeeda ghwadaa gigheambiitteanyu ghayi igonnyean, aba bwariinyeegaagu nea miyeabwat sindeetta ng'eanyiida.

Giidaheechta 7:9

Iing'atta ng'asheesu ghaang'weardi, ak ging'ulayi, ghaadaayi, emeeda saang'a manda siida ammu gwayiida, fuga leabu giliwas daroar ea emoojiga sean ea buuneeda ea iitta nea ghamiinaada aba madeedeaba hoorgeetta bea gheambalmeedean, ea madeeda Dayeenda Gisilleanda, nea gookkwa hang'weakka eashish, nea ghoang'ng'waay damealga milayga aba geattinga nyaawa,

Giidaheechta 7:10

nea goyeawda aba ghuutta haw nea geeyi, “Lealeanooda gaba Aseetteanya apteada aba uhuuda hoorgeeda gheambalmeeda, ea heeda Dayeenda Gisilleanda!”

Yohaana 13:32

Abeeda isikghambiit Aseetta aba jeadaannyi, abeeda gayghoaghambiit niny aba jeadaannyi, ak gaybay ghoaghambiit.