Giidaheechta 21:3 - NEAJEEDA EESH BEA BUUNEESSEAN

³ hean ghaayiinyi ghuutta haw nyaasha heeda hoorgeedida bea gheambalmeedean nea gwayi, “Ng'ulla, giibinda Aseetta gwandeayi sea buuneeda. Ak gaygwasin giibindaannyi sea saawa, ak gayghoaw fugaaschi ak Aseetta niny gaygwandeayi sea saawa;

Bibliyeeda Ghaydit

³ hean ghaayiinyi ghuuta haw nyaasha heeda hoorgeedida bea gheambalmeedean nea gwayi, “Ng'ula, giibinda ASEETA gwandeayi sea buuneeda. Ak gaygwasin giibindaanyi sea saawa, ak gayghoah fugaaschi ak ASEETA niny gaygwandeayi sea saawa;

Giidaheechta 21:3 Referans Kwoze

2 Goriinto 6:16

Neada gwanda neajeemba naaha dageascheeda gheada sibatta Aseetta sea gidamawosa Aseetta? Aba gideaba aseasa geewoschi gheeda sibatta Aseetta majeek; ak gawuurji ginnyaashta Aseetta nea gwayi, “Gaydeabiida jeannyaawa, nea gaydaneayeewa jeanyaawa, ak gaydoaw aniini Aseetta nyaawa, nea ghoaw saawa fugeasu.

Yohaana 14:23

Ghwasha Yeesu nea gwayeeshsha, “Siida ibwariinyan gayghoang'ng'waay ng'asheandeanyu, nea abeeda Bwaabwa gayghabwariiy siisi, ak gajeapkaana aseasa headaannyi ak geppiidi headaannyi.

Ebraniya 8:10

Nii neajeeda jea dasissa gheeh Israeeli iing'atta askwearjoojikka, aba ginnyaa Ng'uttamiida: Gaydayiin deaweedajeegeasu iheenga nyaawa, ak ghang'waarji aba jeesinga guroruunatka nyaawa, ak gaydoaw Aseetta nyaawa, ak gayghoaw fugeasu.

Ebraniya 11:16

Asi ghamneawa aba giduurji, gagaseadayyi ng'eanyiida miy, nea diitta bea humng'eedeani. Hean Aseetta ea moammu ghabwaspwas aba gideaba geguura Aseetta nyaawa, aba gideaba nisissa saawa mujiini.

Giidaheechta 7:15

Ak gwanda madeeda hoorgeeda gheambalmeeda Aseetta, nea gagadiiyeesa askweari ea eawa aba jeedeaba gheannyi sibatta Aseetta; ak ninyeeda apteada aba uhuuda hoorgeeda gheambalmeeda gaygookkwa saawa aba gideaba gwanda hiji.

2 Goriinto 6:18

Gaydoaw Bwaabwa aba heedeang'wa, ak gajahuuwa agooga balloojigeasu ea haweegeasu, gwargu Ng'uttamiida mideawa uurda.”

Giidaheechta 21:7

Nea dea jooriischi gaygwahearan haleanjeeni, ak gaydoaw Aseettaannyi nea niny gayghoaw balleandeanyu.

Yohaana 1:14

Ak iiduw ghoaw Ng'asheandida saseeda ak goobiida jeedeanya, niny ghwannyiit dagheerjeandumeeda ea humeanda ak ea sidaayi, gigheambiittaannyi, gigheambiitta uurji dea Balleanda was haghasheeda leabu heeda Bwaabwa.

Giidaheechta 12:10

Ak ghaayiinyi nyeashta haw nyaasha humng'eeda nea gwayi, “Ghamneawa lealeanooda ea uurda ea Sugoochcheandumeeda Aseetteanya ea gheambalmeeda Gristoydaanyi nihidu, aba gideaba sijaksa ng'eanyi dea aheakkiida fuga siduupcheewi, ninyeeda aheakkiida aba madeeda Aseetteanya askweari ea eawa.

Giidaheechta 10:8

Hean gabiikta goobaloolan ghuuttida gwachchi ayiinyi leabu humng'eedean nea gwayi, “Una, ak gigeandi gittaabootta giittineat mida geattindeaba malaykajeandida miinaada appadayda basooda ea badayda ng'eanyiidean.”

Giidaheechta 10:4

Ng'atta nyeashteaba gighweendannyeekiga assispwaan, abeeda ea neagasayi dang'waar, hean ghaayiinyi ghuutta leabu humng'eeda nea gwayi, “Aroora ng'asheesu rugu gighweendannyeekiga assispwaan, ak ea ading'waari.”

1 Desaloniikke 3:11

Asi Aseetteanya was Ghweandeanya sea Ng'uttamiideanya was Yeesu gagasa ghoadoabiiw naweedeanya ea eahinna heedeang'wa;

Ebraniya 8:2

niny siida gadiiy aba heeda ghaydit gil ea heeda maheemajeandida bea huumwaan ghayi masna siida gwasin Ng'uttamiidean.

Giidaheechta 22:3

Ak ea maygutgwanda gilinyoo ea moshteayda gil, nea hoorgeeda gheambalmeeda bea Aseetta ea dea Dayeenda Gisilleanda gaygwanda jeadaannyi, nea soomjoogaaschi gayghoaghadoawan niny,