Giidaheechta 20:12 - NEAJEEDA EESH BEA BUUNEESSEAN

¹² Hean ghaadaayi fuga nimeewa, gea hees ea gea manang'i, nea ghamiinaada aba madeeda hoorgeeda gheambalmeeda, hean geettin gittaabwajeega. Ak geettin gittaabwajeanda nuut, nea gittaabooda eaweega gil. Ak geergweaksa fukka nimeewean aba ng'asheega sing'oorsa jeedeaba gittaabajeekka, giduurji gidaghayi nisin.

Bibliyeeda Ghaydit

¹² Hean ghaadaayi fuga nimeewa, gea hees ea gea manang'i, nea ghamiinaada aba madeeda hoorgeeda gheambalmeeda, hean geetin gitaabwajeega. Ak geetin gitaabwajeanda nuut, nea gitaabooda eaweega gil. Ak geergweaksa fugiga nimeewean aba ng'asheega sing'oorsa jeedeaba gitaabwajeegiga, giduurji gidaghayi nisin.

Giidaheechta 20:12 Referans Kwoze

2 Goriinto 5:10

Aba gideaba gajeahitta eesasean madeeda hoorgeeda girgweageeda Gristo, ak abeeda gaba siisi nyas gidamiy ghanea gidamuyi, gawuurji gitta ghayi sin aba saseedean.

Mattayo 16:27

Aba gideaba Balleanda Siida gayghoana gigheambiitta Ghwaan nea goodeana malaykajeega ak abeeda gayghoadaw gilinyoo asihi gidageattindaannyi aba sinaweagaaschi.

Giidaheechta 22:12

Ng'ulla, ghaawunnyi nea ghaalamwajaanyi, nea geayeadu gichchea daadaw siida, ak ghaadawji giliwas sii giduurji gidaghayi sin.

Giidaheechta 2:23

ak gaydabwar diibigaaschi gameewa. Ak gayghwanal ganiisajeega sean gideaba aniini geawoschi siida sikkiideawa fughareenga ea guroruunatka, ak gaba siisi adawji aba jeedeang'wa gitteaschi sea gadiyoojigeagwa.”

Giidaheechta 11:18

Ak gwanyareesi emoojiga, ak ghwahidu nyarastaang'u, nea ghwahidu damanda jea ergweaksiina fuga nimeewa, nea geammwaar soomjoogaagu was sibanga ea gea ghaydidi, ea fukka awali gheawungaaguun, was gea manang'i ea gea hees, ak geedatas suu datas ng'eanyiidean.”

Giidaheechta 3:5

“Nea siida jooriischi gajeekwealsa hang'weakka eeshish, ak ea maydeabuus ghawungaaschi aba jeeda gittaabwajeanda eaweega; ak gaydamwas gheawungaaschi aba madeeda Bwaabwa, ea madeeda malaykajeagaaschi.

Giidaheechta 20:13

Gooruudu basooda fuga nimeewa mida jeadaannyi, ak gooruudu miyeeda ea Gheeda maloonghajeega fuga nimeewa mida jeadaannyi, ak geergweaksiina sean gidaghayi nisin.

Giidaheechta 21:27

Nea jeadaannyi ghanyea maygawa gidamuy, ghana deasina ng'asheega munyas ghana gea ng'uyyeega, geaghus giikka sing'oorsa jeeda gittaabooda eaweega bea Dayeenda Gisilleandean.

Gadiyeeda Giijasoodiga 24:15

nea ghaaghuschi Aseetta, ak eara saawa ghamwas ng'asheanji, bea gideaba gaygwanda duunooda aba heeda fuga doobiiweadi ea gea mii doobiiweadi.

Giidaheechta 20:11

Hean ghaadaayi hoorgeeda haw eesh bea gheambalmeeda ea siida apteadawa uhuuda; nea madeadaannyi gamng'aw ng'eanyiida ea humng'eeda, ak ea meadaaha heeda jea goobiida.

Giidaheechta 19:5

Hean gwarinna ghuutta nyaasha jeedeaba hoorgeetta bea gheambalmeedean nea gwayi, “Edumsheesiina Aseetteanya, agoogeani sean owaschi soomjoagaaschiin, agoogeeni owalli gheang'daanyiin, was gea manang'i ea gea hees.”

Filippi 4:3

Ak geamuscheey earang'iing'i, siideanyu bea huumwa eaduupchcheewi, aniyean weada gadeemsu, aba gideaba gagadiyi sea aniini aba iitta giijasta miy sea Glemeenti sea fugeasu mwaatkwa eaweechcheewi, mida gheawunga nyaawa jeeda gittabooda eaweega.

Lukka 10:20

Asi adiidu gohoosannyi aba gidawalda gheang'deagwa meangeenda, ahoosana aba gideaba sung'waar gheawungeagwa aba humng'eeda.”

Giidaheechta 13:8

nea haleanjeessean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gittaabooda eaweega bea Dayeenda Gisilleanda ghayi sinuus nea miyeebwat sindeetta ng'eanyiida.

Ruumi 2:6

Imuchchu ghoadaw giliwas siida gitteenna seang'ayda ng'asheega nisin:

Giidaheechta 17:8

Diyeaydideani idaahiin abeeda gwanda, ak ea mandana, ak gaygwadiyeanna uutta shoomanda mammudeana ak gawa heeda ng'asheega munyas. Ak fuga mida badayda ng'eanyiida miyeeng'oorsa gheawunga nyaawa jeeda gittaabooda eaweega dea sibwada sindeetta ng'eanyiida, gayghahamng'eanyi idaa diyeaydida. Aba gideaba gwanda, ak ea mandana ak gayghwahidu.

1 Goriinto 4:5

Asi iissa ea adoorgweaksi ng'asheanda nea miighwahitta damanda nea miighwahidu Ng'uttamiida. Jea ghoabwaay haleanjeeda funyaat mida jeeda misaneeda, ak ghoadahaach ng'asheega mida jeeda guroorooda. Abeeda giliwas sih gay ghwanyas gwarsiinda aba heeda Aseetta.

Mattayo 11:22

Asi geayeeshshineagwa, gajeawussus gideaba gayghamilikghta ghoorjooda nyaawa Diro ea Sidooni ea ghwalaabwaneegwa hoowa.

Giidaheechta 20:15

Ak gilwas sih iimiyeeng'oorsa gheawungaaschi jeeda gittaabooda eaweega, hean geejaksa jeedeaba basoodida bea beastean.