Giidaheechta 18:16 - NEAJEEDA EESH BEA BUUNEESSEAN

¹⁶ “Dashageada, dashageada, mujiineetta hawiin siikwealsa hang'da bumbun miyiin, ea hang'weakka omng'i ea gea areeriin, nea geetaamdaam aba lagheanga meeng'meeng'i, ea lagheanga sheayeeda haw, ea sageekka!

Bibliyeeda Ghaydit

¹⁶ “Dashageada, dashageada, mujiineedida hawiin siikwealsa hang'da bumbun miyiin, ea hang'weaka oomng'i ea gea areeriin, nea geetaamdaam aba dahaabu, ea lagheanga sheayeeda haw, ea sageeka!

Giidaheechta 18:16 Referans Kwoze

Giidaheechta 17:4

Ak gatmoodida ea niikwa hang'da oomu ea dea areara, nea siittaamdaamwa lagheanga meeng'meeng'i ea gea haw sheayeat ea sageekka, ak gwanda geattindaannyi bayookta mida lagheanga meeng'meeng'i biissa ghwanyiit ng'asheega munyas ea ririnyeanda hiseadayeandumeadaannyi;

Giidaheechta 18:19

Hean gwajaksa iheenga nyaawa birjeanda, ak gooyeawda nea gagiisan, hean gooyeawda nea gwayi, “Dashageada, dashageada, mujiineetta hawiin nea gea mideawa maleambajeega hees aba jeeda basooda ghwanyas baruureega aba meanang'oochcheandumeadaannyi! Ak aba jeemba aseadeanagi ea sijakta.

Giidaheechta 17:3

Hean ghwaadan aba jeeda Gurorooda ea dawa dareapcheeda, ak ghaadaayi gatmooda nea goopteada aba badayda diyeayda areara nea ghwannyiit saseeda gheawunga ging'weakka, nea gwandeawa iheen ispwa ea gujaw damwanamughuush.

Giidaheechta 18:18

gooyeawda iidaa aroosta beasta sighwardaawa niny, “Ana mujiinajaan gil uurji mujiineani hawiin?”