Giidaheechta 14:13 - NEAJEEDA EESH BEA BUUNEESSEAN

¹³ Hean ghaayiinyi ghuutta nyaasha humng'eeda nea gwayi, “Ng'waara ng'asheesu: Ghang'wana siida meah ghamneawa meewsa heeda Ng'uttamiida. Ghang'wana huumwa, gwayi Gurorooda, ak gafuuf iing'atta gadiyeeda nyaawa, aba gideaba sinaweega nyaawa ghwaat geeshta!”

Bibliyeeda Ghaydit

¹³ Hean ghaayiinyi ghuuta nyaasha humng'eeda nea gwayi, “Ng'oara ng'asheesu: Ghang'wana siida meah ghamneawa meewsa heeda Ng'utamiida.” “Ghang'wana huumwa,” gwayi Guroorooda, “ak gafuuf iing'ata gadiyeeda nyaawa, aba gideaba sinaweega nyaawa ghwaat geeshta!”

Giidaheechta 14:13 Referans Kwoze

Giidaheechta 20:6

Ghang'wana nea ghaydit siida mida jeeda duunnooda madeeda! Appadahuukkeaba fiisu miyeedeaba iyyeenya manda uurda ak gayghoaw ashoohoodiga Aseetta ea gea Gristo, ak gaygoombaliischi sea niny gweannyeew sagalam.

1 Desaloniikke 5:10

dea ghayi meah appadahuukkaasa aba ising'eatng'eachchi ghana eella abeeda geendeayi sea niny.

1 Desaloniikke 4:16

Aba gideaba Ng'uttamiida gaygwashuubean niny nea gwaleabu humng'eeda ea shookcheanda haw mideawa digheanda, ea nyeashta malaykajeanda haw, sea nyeashta durumbeatteeda Aseetta. Ak abeeda fukka ghayi meewwiisa jeeda Gristohiin gajeshsheeda ettuuttu;

1 Goriinto 15:58

Asi fuga eaduupcheewi abwariinnyi, andeawana alooheeda, ak ea adoabealbealli, ak goosinnyi galeagasean gadiyeeda Ng'uttamiida, ak ghoanalli gideaba gadiyeedeang'wa mii mwadaagha gil aba heeda Ng'uttamiida.

Giidaheechta 19:9

Hean gwayeeshshean malaykajeanda, “Ng'waara ng'asheesu: Ghang'wana fukka suguursa hamitta geshshooda Dayeenda Gisilleandean.” Ak gwayeeshshinean, “Suu ng'asheega huumwa bea Aseetta.”

Giidaheechta 21:5

Ng'atta gwayi siitta apteada aba badayda hoorgeeda gheambalmeedean, “Ng'ulla, gaydanung'u gaweeriidi haleanjeessean.” Ak gwayi gichcha, “Ng'waara ng'asheesu, aba gideaba ng'asheesu doobiiwanatta gil ak ea huumwa.”

Giidaheechta 6:11

Ak gaba nii siittaw hang'deesh geaw nea geeyeeshsha anyoo ghanyi afuufa ea gameaji gageawiit, ea gwadeayi monneeda bareanda nyaawa was soomjooga ea fuga duupchi jea enuusta gidaghayi sinuusta saawa.

2 Goriinto 5:8

Asi edaruusiitta, ak abeeda ghang'wana geesheagiidi saseeda ak geppiidi ghoah sea Ng'uttamiida.

Giidaheechta 16:17

Gohiisa malaykajeandida bea ispwaan gweeriidaannyi humng'eeda, ak gwarinna nyeashta haw jeeda gheeda sibatta Aseetta, heeda hoorgeeda gheambalmeeda, nea gwayi, “Nigeawiit gwasa!”

1 Desaloniikke 4:14

Ghang'eada dea sumwaseewi gideaba Yeesu ghami ak gwaduudu gichcha, earagwasa, aba naweeda Yeesu, gaygweadu Aseetta sea niny fukka nililiin.

1 Goriinto 15:18

Gwasnu abeeda eara fukka sean ghayi meewa aba jeeda Gristohiin ea nirooda.

Ruumi 14:8

Aba gideaba iisiippiidi ng'eanyiida, geeppiidi appadayda Ng'uttamiida, amasimeewayi, geemeewayi appadayda Ng'uttamiida; asi, iisiippiidi ng'eanyiida ghana eemeewa, geewoschi fuga Ng'uttamiida.

Lukka 16:9

Asi geayeeshshineegwa, asissiina geat roroochcheeda aba meanang'oochcheandumeeda mwadoabiiwa, ama ashealaneegwa gil, ghwadeaptaneegwa aba jeeda giibiinda manda muudeanooda.

Mattayo 3:17

deagheatta, ghwanya ghuutta nyaasha humng'eeda nea gwayi, “Nii Balleandeanyu abwariinyi, ahoosanani.”

Giidaheechta 11:19

Ng'atta geettin Gheeda sibatta Aseetta mida humng'eeda, ak geadaah sandakwajeanda digheanda aba jeedeaba gheannyi sibatta Aseetta; abeeda gwanda dadamandeeda, ea nyeashta, ea gighweendandeeda humng'eeda, ea sawooda ng'eanyiida, ea roopta haw muuchchi bea lagheanga.

Giidaheechta 11:15

Ghaghuut durumbeatteadaannyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoochcheandumeeda ng'eanyiida goolla ghoaw sugoochcheandumeeda Ng'uttamiideanya ea dea Gristoydaannyi, ak gaygoombaliischi ea ghoaw damanda manda muudeanooda.”

Giidaheechta 10:4

Ng'atta nyeashteaba gighweendannyeekiga assispwaan, abeeda ea neagasayi dang'waar, hean ghaayiinyi ghuutta leabu humng'eeda nea gwayi, “Aroora ng'asheesu rugu gighweendannyeekiga assispwaan, ak ea ading'waari.”

Giidaheechta 2:1

“Heeda malaykajeanda ganiiseeda Efeeso ng'waara, ‘Ng'asheega ninyeeda mideawa miinga assispwa aba geattindaannyi bea dugwa nea gwaneayeewa dageascheeda hoorgaji ispwa bea gheaboonyanga meeng'meeng'i.

Filippi 2:17

Eara eayiinan uhuuda haleanjeeda sisappa geadi bea ghadooweeda appadayda masaweegeagwa, aniini geahoosannyi nea geang'weelayi sea agoogeeni seaniin.

Lukka 16:25

Gwayeeshsha Abrahaamu, ‘Balleandeanyu, apkaada gideaba ang'iing'i ninyasi haleanjeeda miyaas aba jeeda aweagaagu, nea Lasaaro ghwanyas gea munyas, ak ghamneawa niny geenung' ghahawda, nea ang'iing'i gindi jeeda hang'weanidooda.

Giidaheechta 1:11

“Ngoorsiina haleanjeeda idaahi jeeda gittaabu ak giyeassi ganiisajeega assispwa, dea Efeeso ea Smirna ea Bergamo ea Diyattira, ea Sardi ea Filadelfiya ea Laodekkiya.”

1 Goriinto 15:20

Ak aba huumwa Gristo ea nuduunna miyeeda, was haghweega madeeda aba jeeda fuga nimeewa.

1 Dimotteo 5:24

Ring'ega buuneeda mwaatkwa adaach ak ea nisheeda gaweay heeda girgweaksiinda nea suuk ring'eega nyaawa gaygweadu geeshta.

1 Dimotteo 5:25

Ak aba sareani sinooda ng'asheega miyaas aadaachi ak eara giikka miidaajiin ea mwajeamu eafuyi.

Giidaheechta 2:7

Gilinyoo googar iitta, dayiinya ng'asheanji rukusa Gurorooda ganiisajeegean. Nea dea jooriischi gaydanung' ghwaak haghweega geetta eaweega, mida jeeda madamnyeanda mwanang' bea Aseettean.’”

Giidaheechta 22:17

Ak gwayi Gurorooda ea Sibeeda, “Beenni.” Nea siida ing'shi dayi “Beenni.” Ak doani siida bearji muwooshta, nea dea gasa ea dageanda beega eaweega nea manda sheayeeda.