Giidaheechta 13:14 - NEAJEEDA EESH BEA BUUNEESSEAN

¹⁴ nea aba gwadeagwajeega siittaw gwasin aba madeeda diyeaydean, hean gwareengani fukka mida ng'eanyiidean, ak ghwanung' gwasin giduurji diyeayda silasa bwaanga ak ea gudugwanda;

Bibliyeeda Ghaydit

¹⁴ nea aba gwadeagwajeega siitaw gwasin aba madeeda diyeaydean, hean gwareengani fugiga mida ng'eanyiidean, ak ghwanung' gwasin giduurji diyeayda silasa ng'uta ak ea gudugwanda;

Giidaheechta 13:14 Referans Kwoze

Giidaheechta 19:20

Hean geang'ng'waay diyeaydida, sea sibaneeda ng'uyyeega ghayi sina gwadeagwajeega ammadeadaannyi, ak gwareengani fukkeanji ghayi ning'ng'waay giirooraneedeaba diyeaydida ea fukka ghadoawan gidasirattiida ninyiin. Hean geejaksa suu assiyyeenyean jeeda basooda beasta nea majeekcheewi ak ghwaak beasta ea giikkayda.

Giidaheechta 12:9

Ak geejaksa ng'eanyi hararjootta haw was ichchiboodeaba garayiin, suguura Meang'nyeandeenda ea Shattaani, was dea reengani ng'eanyiisseaniin, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

Giidaheechta 13:8

nea haleanjeessean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gittaabooda eaweega bea Dayeenda Gisilleanda ghayi sinuus nea miyeebwat sindeetta ng'eanyiida.

Giidaheechta 20:10

ak geejaksa meang'nyeandida reengani saawaan jeeda basooda beasta ea giikkayda heeda mida diyeaydida ea sibaneeda ng'uyyeega, ak gajeesawan askweari ea eawa ea ghoaw damanda manda muudeanooda.

Giidaheechta 18:23

ak eara weeshinda gheaboong'nyeanda ea maygudu gabiikta ghoabwaay aba jeadaang'u earahay; ak eara ghuutta siida geeshshi ea dea gatmooda sighi maygudu ebiikta eyiing'sa jeadaang'u earahay; aba gideaba fiisu ikaagu ageakshiin ghayi saawa fuga hees bea ng'eanyiida gil, ak emoojiga sean easireengani aba beneetkweandumeadaang'u.

Giidaheechta 16:2

Gawa malaykajeanda madeeda ak ghoahiida gweeriidaannyi aba badayda ng'eanyiida, hean ghoaptu deanneaduuktka munyas bea ririnnyeanda mideawa giirooraneedeaba diyeadideani ak ghaghadoawan gitta sirattiida ninyiin.

Giidaheechta 15:2

Ghaadaayi giduurji basooda giyoo guuyi beasta, ak fukka joar diyeayda ea gissirattiidean ea monneeda gheawungaaschi, nea ghamiinaada aba murdeeda basoodida bea giyoohiin, nea gwandeawa gidondoorajeega Aseetta aba geattinga nyaawa.

Giidaheechta 14:11

Ak gwadiyeada aroosta sawanadeeda nyaawa eaghoaw gweannyeekka manda muudeanooda; ak ea mayghwanyas fuufta, askweari ghana eawa, nea fuga ghadoawan diyeanyi gil ea gissirattiida, ea giliwas siida wassean mideawa giirooraneeda gheawungaaschi.”

Giidaheechta 14:9

Gweadu geeshta nyaawa malaykajeanda nuut bea samwagu, nea gwayi aba ghuutta haw, “Giliwassean ighadoawan diyeanyi ea gissirattiida, ak ghwanyas giirooraneeda aba gheamamdaannyi ghana geattindaannyi,

Giidaheechta 13:15

ak geanung' gaguusa jeammeeda gidida uurji diyeaydean ak abeeda ghoammu gidida uurji diyeaydean gabalool, ak ghwanung' ealajaada gheatkweakka fuga mwaghadoawana gitta uurji diyeaydean.

2 Desaloniikke 2:4

diida heewachchiin ak goodiing'ng'u geaw appadayda giliwassean sugurriideawa aseetta ghana gilinyoo eebada, ea eeyi bwak ea gageanu horgeadaannyi aba jeeda gheeda sibatta Aseetta, ak ghoahiimu geaw gideaba niny Aseetta.

Giidaheechta 2:10

Asi adiiwali ng'asheega jea nyasa was sawanadeeda. Ng'ulla, meang'nyeandeenda niriikghta gwahisa buuneeda mwaatkwa mida jeedeang'wa ghealooniga, ak abeeda gesimsimeegwa, ak aba jeemba askweajooji damanamughuush gajanyasa sawanadeeda. Wosa doabiiwaat ea hitta miyeeda, ak gaydagoonnyi shiipka mideawa eaweega.’”

Giidaheechta 3:10

Aba gideaba ning'ng'waannyi ng'asheandeanyu bea milikghteayda nea gihang'waanyi, ak aniini gaydafurnyi, nea giritti aba damanda simsimda jea gwahissa ng'eanyiisean, ak gwasimsim fuga mida badayda ng'eanyiida.

Giidaheechta 13:1

Hean ghaadaayi diyeayda nea ghwadambiir aba jeeda basooda, nea gwandeawa gujaw damwanamughuush ea iheen ispwa, ak gwanda shiip damwanamughuush uhuuda gujakkaaschi ak gwandeawa gheawunga ging'weakka aba iheenga gujakkaaschi.

Giidaheechta 16:13

Ng'atta ghaadaayi, ng'asheega rinna ghuutta ichchibooda ea ghuutta diyeayda ea gea ghuusiga sibanga ng'uyyeega, ea guroruunat samwagu munyas uurji udagheambagajeamajeega;