Giidaheechta 13:12 - NEAJEEDA EESH BEA BUUNEESSEAN

¹² Ak gagadiyeatta gheambalmeedeaba diyeaydida bea madeedean iisidaah, ak ghwanung' ghoaghadoawan ng'eanyiida ea fuga mida jeeda diyeaydida bea madeedean, nea dearjoadaannyi bea miyeeda ea nihaap.

Bibliyeeda Ghaydit

¹² Ak gagadiyeata gheambalmeedeaba diyeaydida bea madeedean iisidaah, ak ghwanung' ghoaghadoawan ng'eanyiida ea fuga mida jeeda diyeaydida bea madeedean, nea dearjoadaanyi bea miyeeda ea nihaap.

Giidaheechta 13:12 Referans Kwoze

Giidaheechta 19:20

Hean geang'ng'waay diyeaydida, sea sibaneeda ng'uyyeega ghayi sina gwadeagwajeega ammadeadaannyi, ak gwareengani fukkeanji ghayi ning'ng'waay giirooraneedeaba diyeaydida ea fukka ghadoawan gidasirattiida ninyiin. Hean geejaksa suu assiyyeenyean jeeda basooda beasta nea majeekcheewi ak ghwaak beasta ea giikkayda.

Giidaheechta 14:11

Ak gwadiyeada aroosta sawanadeeda nyaawa eaghoaw gweannyeekka manda muudeanooda; ak ea mayghwanyas fuufta, askweari ghana eawa, nea fuga ghadoawan diyeanyi gil ea gissirattiida, ea giliwas siida wassean mideawa giirooraneeda gheawungaaschi.”

Giidaheechta 14:9

Gweadu geeshta nyaawa malaykajeanda nuut bea samwagu, nea gwayi aba ghuutta haw, “Giliwassean ighadoawan diyeanyi ea gissirattiida, ak ghwanyas giirooraneeda aba gheamamdaannyi ghana geattindaannyi,

2 Desaloniikke 2:4

diida heewachchiin ak goodiing'ng'u geaw appadayda giliwassean sugurriideawa aseetta ghana gilinyoo eebada, ea eeyi bwak ea gageanu horgeadaannyi aba jeeda gheeda sibatta Aseetta, ak ghoahiimu geaw gideaba niny Aseetta.

Giidaheechta 13:2

Nea diyeaydida adaayiin gawuurji mariirda, nea geeshangaaschi gawuurji idamooda, ak ghuuttaannyi gawuurji ghuutta ng'adiida. Ak ghoadaw hararjooda diyeayda uurdaannyi ea hoorgeadaannyi bea sugoochcheandumeeda ea gheambalmeeda haw.

Giidaheechta 13:8

nea haleanjeessean mida muunda ng'eanyiida gayghaghadoawan niny, giliwas sih miyeeng'oorsa gheawungaaschi jeeda gittaabooda eaweega bea Dayeenda Gisilleanda ghayi sinuus nea miyeebwat sindeetta ng'eanyiida.

Giidaheechta 16:2

Gawa malaykajeanda madeeda ak ghoahiida gweeriidaannyi aba badayda ng'eanyiida, hean ghoaptu deanneaduuktka munyas bea ririnnyeanda mideawa giirooraneedeaba diyeadideani ak ghaghadoawan gitta sirattiida ninyiin.

Giidaheechta 17:8

Diyeaydideani idaahiin abeeda gwanda, ak ea mandana, ak gaygwadiyeanna uutta shoomanda mammudeana ak gawa heeda ng'asheega munyas. Ak fuga mida badayda ng'eanyiida miyeeng'oorsa gheawunga nyaawa jeeda gittaabooda eaweega dea sibwada sindeetta ng'eanyiida, gayghahamng'eanyi idaa diyeaydida. Aba gideaba gwanda, ak ea mandana ak gayghwahidu.

Giidaheechta 20:4

Hean ghaadaayi hoorgajeega gheambalmeeda, nea goobiitbiida badahuukka fuga jea goorgweach. Ak ghaadaayi guroruunatka fuga ghayi silajaada gheatkweaka aba badayda muwunnooda Yeesu ea appadayda ng'asheanda Aseetta, ea giikka ghayi mii ghaghadoawan diyeaydideaniin ghana gitta sirattiidean nea miighwanyas giroraneadaannyi aba gheamamuuunatka nyaawa, ghana geattinga nyaawa. Ak gwaduuttu, ak goombaliischi sea Gristo gweannyeew sagalam.