Giidaheechta 13:10 - NEAJEEDA EESH BEA BUUNEESSEAN

¹⁰ Siida wassean iijea gawa ghealooniga, gaygawa ghealooniga; siida wassean iilach gheatteaba niirja aba bwaanga, eara niny gajealach gheatta aba bwaanga. Nii heeda mida gihang'ooyda ea doobiiwnatta fuga ghaydidi.

Bibliyeeda Ghaydit

¹⁰ Siida wassean iijea gawa ghealooniga, gaygawa ghealooniga; siida wassean iilach gheateaba niirja aba ng'uta, eara niny gajealach gheata aba ng'uta. Nih heeda mida giihang'ooyda ea doobiiwnata fuga ghaydidi.

Giidaheechta 13:10 Referans Kwoze

Giidaheechta 14:12

Hiji heeda mida gihang'ooyda fuga ghaydidi gil, nea fuga ang'ng'waay digheanyeekka Aseetta gil ea masaweega Yeesu.

Giidaheechta 3:10

Aba gideaba ning'ng'waannyi ng'asheandeanyu bea milikghteayda nea gihang'waanyi, ak aniini gaydafurnyi, nea giritti aba damanda simsimda jea gwahissa ng'eanyiisean, ak gwasimsim fuga mida badayda ng'eanyiida.

Lukka 21:19

Ak agooga aba milikghteaydeang'wa gajookghuuha eaweegeagwa.

Ebraniya 6:12

ak abeeda ea mwang'udeagwa ghaleehooda, ak gowoschi fuga jea goomaseaw geat fukka aba naweeda masaweega ea milikghteayda ak gohearannyi gidaghayi sihelleesa.

Giidaheechta 2:2

Aniini ghaanalli gadiyoojigaagu, ea sawanadeadaang'u ea milikghteaydaang'u nea giihang'waanyi, ea gidamiimmuustani milikghta fuga munyas iissa ginyoo ghanyi sima fukka guura geat giijasoodiga nea mawosean, ak gidaahi gideaba gaba ng'uyya;

Mattayo 26:52

Gwayeeshsha Yeesu niny, “Adealda bwaangeadang'u jeeda labaldaannyi, aba gideaba siida bwarda bwaanga, eara niny gajeabwara bwaanga.

Giidaheechta 16:6

Aba gideaba buuneeda niihiida foojeanda fuga ghaydidi ea gea Sibanga, ak anidawi saawa foojeanda ghwali. Ak ea gidamiisa!”

Giidaheechta 1:9

Aniini geawoschi Yohaana, oorjeeda giyeang'wa deaghayi oppareannyeewi sawanadeeda ea sugoochcheandumeeda ea milikghteayda nea ghoahhangng'waanyi, nea gwanda ng'eanyiida neaweesa beega suguura Batmo appadayda ng'asheanda Aseetta ea muwuunooda ng'asheega Yeesu.

Giidaheechta 3:3

Asi apkaada gidaghayi inyasi ea gidaghayi iyiinyi; asi ang'ng'waanya gidida, ak giduukkuuni. Ak iming'wearni gaydahittaayda mareanghweanda, ak ea mwaynala damanda jea dahinna headaang'u.

Giidaheechta 2:19

Ghaanalli gadiyoojigaagu, ea bariinyeegaagu ea masaweegaagu ea gidigadiyeatti ea milikghteaydaang'u nea giihang'waanyi, ak gichcha gadiyoojigaagu huydean ghangal gea ghayi bea madeeda.

Golosaayi 1:11

Gagasa gagooneegwa gimusta sean bea uurdaannyi gheambiidaat, jea oammuusa nea ghoammuughu haleanjeesean nea goobeayi hoseaneega,

Mattayo 7:2

Aba gideaba gidoorgweakkisiindi buuneeda, abeeda gajeergweaksiinduneegwa agooga, ak gidoottenniidi agooga eara agooga gajeetteeneegwa.

Giidaheechta 11:18

Ak gwanyareesi emoojiga, ak ghwahidu nyarastaang'u, nea ghwahidu damanda jea ergweaksiina fuga nimeewa, nea geammwaar soomjoogaagu was sibanga ea gea ghaydidi, ea fukka awali gheawungaaguun, was gea manang'i ea gea hees, ak geedatas suu datas ng'eanyiidean.”

Giidaheechta 17:8

Diyeaydideani idaahiin abeeda gwanda, ak ea mandana, ak gaygwadiyeanna uutta shoomanda mammudeana ak gawa heeda ng'asheega munyas. Ak fuga mida badayda ng'eanyiida miyeeng'oorsa gheawunga nyaawa jeeda gittaabooda eaweega dea sibwada sindeetta ng'eanyiida, gayghahamng'eanyi idaa diyeaydida. Aba gideaba gwanda, ak ea mandana ak gayghwahidu.

Giidaheechta 17:11

Nea diyeaydida mida ak ea mandanean, niny deaba sissi ak niny gaba jeedeaba giikka assispwaan, ak niny gawa jeeda ng'asheega munyas.