Giidaheechta 11:18 - NEAJEEDA EESH BEA BUUNEESSEAN

¹⁸ Ak gwanyareesi emoojiga, ak ghwahidu nyarastaang'u, nea ghwahidu damanda jea ergweaksiina fuga nimeewa, nea geammwaar soomjoogaagu was sibanga ea gea ghaydidi, ea fukka awali gheawungaaguun, was gea manang'i ea gea hees, ak geedatas suu datas ng'eanyiidean.”

Bibliyeeda Ghaydit

¹⁸ Ak gwanyareesi eemoojiga, ak ghwahidu nyarastaang'u, nea ghwahidu damanda jea eergweaksiina fuga nimeewa, nea geamwaar soomjoagaagu was sibanga ea gea ghaydidi, ea fugiga awali gheawungaaguun, was gea manang'i ea gea hees, ak geedatas suh datas ng'eanyiidean.”

Giidaheechta 11:18 Referans Kwoze

Giidaheechta 20:12

Hean ghaadaayi fuga nimeewa, gea hees ea gea manang'i, nea ghamiinaada aba madeeda hoorgeeda gheambalmeeda, hean geettin gittaabwajeega. Ak geettin gittaabwajeanda nuut, nea gittaabooda eaweega gil. Ak geergweaksa fukka nimeewean aba ng'asheega sing'oorsa jeedeaba gittaabajeekka, giduurji gidaghayi nisin.

Giidaheechta 19:5

Hean gwarinna ghuutta nyaasha jeedeaba hoorgeetta bea gheambalmeedean nea gwayi, “Edumsheesiina Aseetteanya, agoogeani sean owaschi soomjoagaaschiin, agoogeeni owalli gheang'daanyiin, was gea manang'i ea gea hees.”

Giidaheechta 13:10

Siida wassean iijea gawa ghealooniga, gaygawa ghealooniga; siida wassean iilach gheatteaba niirja aba bwaanga, eara niny gajealach gheatta aba bwaanga. Nii heeda mida gihang'ooyda ea doobiiwnatta fuga ghaydidi.

Giidaheechta 22:12

Ng'ulla, ghaawunnyi nea ghaalamwajaanyi, nea geayeadu gichchea daadaw siida, ak ghaadawji giliwas sii giduurji gidaghayi sin.

Giidaheechta 15:7

Hean gageanu akkalealla aba jeedeaba diyeangiga assang'wan majeekcheewiin ak ghoadaw malaykajeekka assispwaan gweeraji ispwa sisna lagheanga meeng'meeng'i nea ghwanyiit nyarasta Aseetta majeek ea ghoaw damanda manda muudeanooda;

Giidaheechta 15:1

Hean ghaadaayi gwadeagooda nuut aba humng'eeda, nea ahaw ak daamdaamwaat, malaykaji ispwa mideawa sawanaduut ispwa was gea huydean, aba gideaba appadaydeaba suuh niduulean nyarasta Aseetta.

Giidaheechta 14:10

eara niny gayghwali difaayeeda nyarasta Aseetta, sisin nea meekkuuyi gil aba jeeda bayookta nyarastaannyi, anniny gajeesawan aba beasta ea giikkayda aba madeeda malaykajeega ghaydidi, ea madeeda Dayeenda Gisilleanda.

Ebraniya 9:27

Hean gawuurji gidaghayi siittawuda siida miyeeda nibwagi, amang'atta ghwahidu girgweaksiinda,

Lukka 1:50

Nea baydeaydaannyi gwanda heeda buuneessean awal gheang'daannyi ghang'eada jeachcheenga ea gagul jeachcheenga.

Mattayo 5:12

Ahoosana nea goong'weelayi, aba gideaba gimeardeeng'wa ahaw aba humng'eeda, nii gidaghayi bay gwasawanda buuneeda sibanga ashooynaneegwa.”

Giidaheechta 20:15

Ak gilwas sih iimiyeeng'oorsa gheawungaaschi jeeda gittaabooda eaweega, hean geejaksa jeedeaba basoodida bea beastean.

Giidaheechta 18:6

Oattawa siida gidagoneegwa niny, ak ghoattawji niny niba iyyeenya aba sinaweagaaschi; Okkuuyeena nibiyyeenya aba badaydeaba niny aba jeeda bayookta aguuyeesa niny.

Giidaheechta 11:2

ak ea adiideeni bugharjeanda mida bwadaw bea Aseetta; dakta bwadaw, aba gideeda siittaw daroorakka, ak gayghwadattas mujiineeda ghaydit sheeh haradam ea iyyeenya.

Giidaheechta 19:15

Ak gwarinna bwaangeeda ng'aniip ghuuttaannyi jea ghabwara emoojiga, ak gayghoahaaghwiida saawa bileangida gharinyeanda; nea niny ghoallapta ng'eanyi shoomanda difaayeeda bea nyarasta haw bea Aseetta Hoauur.

Giidaheechta 10:7

geaghus aba askwearjoojiga jea ghaghuuda durumbeatti malaykajeandeaba ispwa, abeeda makcheameeda Aseetta aba heeda soomjoagaaschi was sibanga gaygamajeegiit.

Giidaheechta 13:16

Hit gageanu sean fuga manang'i ea gea hees, fuga sean was meanang'oodiga ea gea barbari, sean fuga abal geat ea ging'ng'oonyanga, ak geayiin giirooranga geattinda dugwa ghana gheamamuunatka,

Giidaheechta 19:18

ak ghoayaaji sasanuukka sugoodiga, ea sasanuukka shirikkaarajeega hees, ea sasanuukka fuga mideawa uurjeenga, ea sasanuukka farasajeega ea gea fuga ding'da, ea sasanuukka buuneessean, sea siida abal geaw ea ging'ng'oonyaneeda, dea mwanang' ea dea haw.”