Galattiya 6:3 - NEAJEEDA EESH BEA BUUNEESSEAN

³ Ak siida iiyeeshsha geaw guwosi gil, nea mii gili, adagwareengani geaw.

Bibliyeeda Ghaydit

³ Ak siida iiyeesha geaw guwoosi gil, nea mii gili, adagwareengani geaw.

Galattiya 6:3 Referans Kwoze

1 Goriinto 3:18

Siida adagwareengani geaw. Siida idaah geaw, gideaba gwandeawa weaghuumeeda aba jeedeang'wa aba gweannyeeksu adadashahiida ak abeeda ghwanyas weaghuumeeda.

1 Goriinto 8:2

Siida iighay gili nal ng'asheanda, siisi mwanala eara gil eara ghamneawa, mwanalda gidagwachchi haguuw ghwanalda.

Ruumi 12:3

Aba gideaba dagheerjeandumeeda sugoonan gearukusi giliwassih aba jeedeang'wa ea mang'ulla geaw ea ghwanaawa damanda hit, gidabal gwandeawa gassooda nea gorgweaksa geaw, aba haleanjeeda nea goodeen, gawuurji gidadawda Aseetta giliwassih aba masaweega nea goodeen.

2 Goriinto 3:5

Mii gideaba geahhiichchi geat aseasa gil aba gipkeatta ng'asheanda wassean gideaba gwaleabu heedeanya aseasa; hidoodeanyu gwaleabu heeda Aseetta,

1 Goriinto 13:2

Nea eara dandeawa uurda sibaneandumeeda, ak ghaanalli makcheamuutka sean bea fughareeda, ak geandeawi masaweega sean, ammu goobaleak giijeega, ak ea meandeawani bariinyeega, meawosi gil.

1 Yohaana 1:8

Isiyeeshshi geat meendeawani ring'eeda, gereenganayi geat, nea ea manda humeanda jeedeanya.

Ruumi 12:16

Gagasa andeawana iitteaba geat agooga; adoaghwarji geat muuchchi aba gassooda ng'asheega hees, agassa ng'asheega manang'i. Adoahuuyi fuga jea ghaghuuda geat fughareeda.

Lukka 18:11

Ghang'eat Farisayajeanda ak ghamwaashtunu Aseetta aba jeadaannyi, ‘Ea Aseetta, geabadischoweey aba gideaba aniini meawurjeewani buuneeda suurja, fuga areedi buuneeda haleanjeeda, ea fuga miidoobiiweadi, ghana fuga mealuuli, nea meawuurjeewani eara siisi ang'ng'oonyi gwadiin.

Yakkobo 1:22

Nea gagasa ahuuwa fuga sina ng'asheanda, adoobeachcheewi iing'da akghwahit, nea goreenganayi geat.

Yakkobo 1:26

Siida iyeeshsha geaw gideaba gwandeawa diini, nea mwarada ng'ushaptaannyi, nea gwareengani guroroadaannyi, diineedeaba siisi marachchi gil.

2 Dimoteo 3:13

Ak fuga munyasearooji ea gea ng'uyyeega gayghang'atta mwadi ak ghwaranya buuneeda nea eara saawa geereengani.

2 Goriinto 12:11

Nadashahiichchi! Ak ghoanung' agooga dasnu, ak gahaguuwan gideaba gajagwarsean agooga. Aba gideaba meawosi mwanang'eawa giijasoodiga suurja hees, earappeadi meawosi giliin.

Galattiya 2:6

Nea ng'asheega leabu heeda fuga siiwwal gheanyangean nea geanung' ghoaw giliin (aba heedeanyu mwayamwa gil; aba gideaba Aseetta mashiitta buuneeda) fukka eayeennyi, fuga siiwwal gheanyangean manda gichchea gooheannean aniini;

Gadiyeeda Giijasoodiga 5:36

Nea damanda mii ghwahinna askwearjoojiga ghang'eat Dewdas, nea ghoahiimu geaw gideaba niny gili, nea niny gaba jeedeaba fukka, ramagu ghwahitta bughalaji ang'waniin, hit godeayi sea niny; amaduw gealach gheatta sea fuga sean aat geeshta ak geattaarda ea ghoaw haleanjeeda mwadaagha.

Galattiya 2:9

iiduw nea ghwanyas dagheerjeandumeeda ghayi sugoonan, Yakkobo ea Geefa ea Yohaana, siiwwal gheanyangean, gagoonan sea Barnaba geattinda dugwa bea weechcheeda, bea gideaba gajeeweaya heeda fuga Emoojiga nea gaweay saawa heeda fuga ghasmeahooda;