Galattiya 4:9 - NEAJEEDA EESH BEA BUUNEESSEAN

⁹ nea ghamneawa iinoanalli Aseetta, ghana ghwanaleagwa Aseetta, gajabiiktaydaan bwadaw gichcha jeeda haleanjeeda ng'arng'ari was meangeenda, ak googasayi abiikta jeeda ging'ng'oonyaneandumeeda gichcha?

Bibliyeeda Ghaydit

⁹ nea ghamneawa iinoanali ASEETA, ghana ghwanaleagwa ASEETA, gajabiikteaydaan bwadaw gicha jeeda haleanjeeda ng'arng'ari was meangeenda, ak googasayi abiikta jeeda giing'oonyaneanduumeeda gicha?

Galattiya 4:9 Referans Kwoze

1 Goriinto 8:3

Nea siida iibwariiy Aseetta, abeeda siisi ghwanal Aseetta.

Galattiya 3:3

Ak gowoschi dasheahhiidunu? Nea ghoang'ng'eachchi ghuutta sea Gurorooda Ghaydit, ak ghamneawa ghoahhiichchi aba saseeda?

Ruumi 8:3

Aba gideaba ng'asheekka meammu aba deaweedean, aba gideaba manda uurjeenga aba ng'asheega saseedean, iiduw aba gijeaknooda ajeagu Aseetta Balleandaannyi nea ghwanung' gawuurji siida mideawa ring'eeda, amaduw appadayda ring'eeda iiduw goorgweaksa ring'eeda mida saseeda;

1 Yohaana 5:20

Ak aseasa geanalli gideaba Balleanda Aseetta goolla ghwahidu, ak gagoaneasa fughareeda eanala ninnyeeda was huumwa; ak aseasa geendi jeadaannyi ninnyeeda was huumwa, aba jeeda Balleandaannyi was Yeesu Gristo. Nii dea was Aseetta huumwa gil, ea eaweega manda mudeanooda.

2 Betro 2:20

Aba gideaba, fukka iniibuut ririnnyeanda muunda ng'eanyiida, aba gideaba ninal N'guttamiideanya ea lealnoochcheanda was Yeesu Gristo, iighas gichcha ng'asheega ak geajoar, abeeda huydeanda eaweega nyaawa gaygamunyiit ea ghwanaawa diitta bea madeedean.

Ebraniya 7:18

Aba meatkweanagi, digheanda ghayi bea madeeda sisach aba ng'arng'arandaannyi ak ea marachchi gil

2 Dimoteo 2:19

Ak sindeetta ghayi inni Aseetta ea nimiinaada nea majeek, nea uhuudaanyi geengoorsa ng'asheesu, “Ng'uttamiida ghwanal gea was gaaschi.” Ak gicha gilinyoo gwarukku gheawunga Ng'uttamiida adanung'waada ng'asheega munyas.

Efeeso 1:17

ak abeeda Aseetta Ng'uttamiideanya was Yeesu Gristo, Bwaabwa gigheambiitta, gagasa gagooneegwa gurooroodaannyi bea weaghuumeeda ea dea gidaheechta jea analana niny,

2 Goriinto 4:6

Ak ea Aseetta gil dea ayi, “Nung'waada weeshinda ghoabwaay jeeda misaneeda,” nea niny ghoabwaay jeesinga guroruunatkaasa ak ghoadaw weeshinda fughareeda gigheambiitta Aseetta aba gheamamda Gristo.

1 Goriinto 13:12

Aba gideaba ghamneawa geeng'ulli geat giyooh aba jeeda misaneeda, nea damandida gaygwaroonnyi gheanyangaasa. Asi ghamneawa ghaanalli aba meatkweenagi; damandida gajadanal muuchchi, aba gideaba Aseetta ghwanalan muuchchi.

Ruumi 8:29

Aba gideaba fukka ghayi bay ghwanal niny ammwadiin geegala sea balleandaannyi, ak abeeda ghoaw niny siichchea eeshsheeda eeji aba jeeda fuga eaduupcheewi saang'a.

Yohaana 17:3

Nea eaweega manda mudeanooda ea nii gil, gideaba ghwanalnyi ang'iing'eeda was Aseetta huumwa ea Yeesu Gristoyda ghayi ijeagu.

Yohaana 10:27

Gisilgeasu ghwayiiy ghuutteanyu ak ghaanalli saawa ak gweadu geeshteanyu;

Yohaana 10:14

Aniini geawoschi haghweadoochcheanda miy; aniini ghaanalli geasu ak eara geasu ghwanalan,

Mattayo 11:27

Nugoonan Bwaabwa haleanjeessean. Manda siida nal Balleanda geaghus Ghweanda, ghana siida nal Bwaabwa geaghus Balleanda ghana siida wassean gasa Balleanda goohiimsa.

1 Goriinto 15:34

Anung' ghwadoabiiw fughareengeagwa, ak ea adagudoosinnyi riing'eeda. Aba gideaba buuneeda mwaatkwa mandeawana fughareeda Aseetta. Geergu ng'asheesu ak abeeda ghoabwaaspwaaschi.

2 Goriinto 11:20

Aba gideaba iissa ghoamilikghti eara siida nung' ahuuwa ging'ng'oonyanga ghana ghwanukghutaneegwa, ghana ghwanyagaadawaneegwa, ghana ghwayiineegwa heettiyeada, ghana ghwalas gheamamuunatkeagwa.

Galattiya 4:3

Eara aseasa; ghayi nea geawaschi diibiga geewoschi ging'ng'oonyanga ak geegadiyeesi meang'nyeandeenda ambaliischi aba ng'eanyiida.

Lukka 5:38

Difaayeeda mii ghwaheas geaghus eyamsa jeesinga ghadeatka eashiish.