Galattiya 4:5 - NEAJEEDA EESH BEA BUUNEESSEAN

⁵ ak goottin fukka mida jeeda naweeda deaweedean, ak geenung' eewosa balloojiga.

Bibliyeeda Ghaydit

⁵ ak gootin fugiga mida jeeda naweeda deaweedean, ak geenung' eewoosa orjooga.

Galattiya 4:5 Referans Kwoze

Ebraniya 9:15

Asi niny dea aduuptooschi buuneeda aba neajeedeesh gil, ak abeeda fukka suguursean ghwanyas helleesiinda hearaniischooda manda mudeanooda, hean gapnu miyeeda jea gwalealna saawa jeeda ramaseannyeekka aba neajeeda ghayi bea madeeda.

Efeeso 1:5

Niny ghwaloodeasa aba bariinyeega eahuwa balloojigaaschi aba naweeda Yeesu Gristo, aba gidagasiida niny,

Efeeso 1:7

Aba niny geendeawi ghuhooda aba foojeandaannyi, was samsiinda ring'eeda, aba gitteenna dagheerjeandumeadaannyi.

Giidaheechta 5:9

hean gwasarman sarmeedeesh, nea gwayi, “Gammiiseey ang'iing'i geannooda gittaabu ak giittin giiroorangaaschi, aba gideaba ghayi gealach ghaattaang'u nea aba foojandaang'u giidaydi leadeeda buuneeda aba heeda Aseetta aba giliwas eamwa ea iitta ea buuneeda ea ng'eanyiida,

Ebraniya 9:12

iissa gawa nibwagi Heeda Ghaydit, nea mwaada foojeanda nooga ea gea muhooga niny ghwaat foojeandaannyi, ak gwasin lealeanooda manda mudeanooda.

Galattiya 3:13

Gristo goottinnaneasa jeeda mooshteayda deaweeda, aba gideaba niny sumwaashta aba badahuukkaasa aba gideaba gwayi Ng'ooruutka, “Sumwaashta gilinyoo ea sii gil siratta aba uhuuda geetta,”

Ruumi 8:23

ak ea meakghusa haleanjeeda sisin, earaseaseeda mideawa haghweega madeeda bea Gurorooda, ak earaseasa geenniikghchi aba guroruunatkaasa, nea geammuughu eahuwa balloojiga nea lealnooda sasanuukaasa gil.

Galattiya 4:7

Asi aba heeda Aseetta muduwosa ging'ng'oonyaneeda muwosi balleanda, ama muwosi balleanda abeeda eamuwoosi siida jea gwahearaniischi.

Galattiya 3:26

aba gideaba aba jeeda Gristo noowoschi oagasean balloojiga Aseetta, aba naweeda masaweega.

Ruumi 9:4

Saawa fuga Israeeli, nea saawa ea balloojiga gil, was gigheambiitta, ea neajeeda, ea giidaydeayda deaweeda, ea baditta Aseetta ea heelleesiinda;

Yohaana 1:12

Nea fukka sean deapta ninyiin, ak ghamwas aba gheawungaaschiin, ghoadaw uurda jea ghoaweawa diibiga Aseetta;

Ditto 2:14

nea niny ghoadayda geaw appadahuukkaasa ak ghaweadaneasa ng'asheega munyas sean ak ghoammiidu fuga jea ghoaw gaaschi nea gamilmiliidi aba sinooda ng'asheega miyaas.

Ruumi 8:19

Aba gideaba haleanjeessean weelweel appadayda ng'eanyiida gafuurda nea gahoosan aba furdeayda gidaheachta balloojiga Aseetta;

Efeeso 5:2

Ak ghoabeawi bariinyeega, gawuurji gidabwariiydaneasa Gristo ak ghoadayda geaw appadahuukkaasa, ak ghoaw haleanjeeda sisappa geadi bea ghadoweeda ng'andit aba heeda Aseetta.

Galattiya 4:21

Asi rukunean, ang'iing'eeda gasa gawa jeeda deaweeda, neada ea niyiinyi deaweeda?

Lukka 1:68

“Dumsheesiinda gaba Ng'uttamiida was Aseetta Israeeli, aba gideaba nibareassa ak gwalealu buneadaannyi,

Ebraniya 1:3

Aba gideaba niny ghoahiimu weeshinda gigheambiitta Aseetta nea gwandeawa girooraneeda ea seareedaannyi, ak ghwasar ng'eanyiida aba ng'asheandaannyi mideawa uurda. Iing'atta nea nisin gimmiinooda ring'eeda, hean gopteada aba meatkweeda geattinda dugwa bea Aseetta was Ng'uttamiida aba hoowa bea dadaliiliin,

Mattayo 20:28

aba sareani eara Balleanda Siida mwoani egadiyeesa niny ghwaan gagadiyi, ak ghoadayda aweagaaschi ghoaw leadeeda fuga saang'a.”

Gadiyeeda Giijasoodiga 20:28

was gea ghayi nung' Gurorooda Ghaydit ahuuwa fuga jea ghoahaaghwa, ak goong'ulayi ganiiseeda Aseetta ghayi nyas aba foojeanda Balleandaannyi bea saseadaannyi.

1 Betro 3:18

Aba gideaba Gristo eara niny ghami nibwagi appadayda ring'eeda, ninnyeeda doabiiwaat appadayda gea mii doobiiweadi, aba gideaba gweanneassa heeda Aseetta ak geenuus saseadaannyi nea guroroodaannyi geettuudu;

Giidaheechta 14:3

nea gwasarman duumdeesh aba madeeda hoorgeeda gheambalmeeda ea madeedeaba diyeangiga assang'wan majeekcheewiin ea madeeda gweargwa. Ak ea manda siida ammu ghoanal geaw duumdida, geaghus fukka as sagalama ea haradam ea ang'wan ghayi sikghu appadayda ng'eanyiidean.

Ruumi 8:14

Aba gideaba buuneessean adoabiiw Gurorooda Aseetta, fiisu abeeda ea balloojiga Aseetta gil.

Ruumi 8:15

Aba gideaba ghayi meegoaneagwa gurorooda ging'ng'oonyaneandumeeda jea gweadu muuwda, ghayi geegooneegwa gurorooda jea ahuuweewana balloojiga. Nea geeyeawdi, “Bwaabwa! Bwaabwa!”

Ruumi 10:4

Aba gideaba Gristo muudeanooda deaweeda, ak abeeda siida wassean mideawa masaweega abeeda ghwanyas doobiiwnatta.