Galattiya 3:1 - NEAJEEDA EESH BEA BUUNEESSEAN

¹ Ea fuga Galattiya dasheahi! Goong'ushooneegwa ng'eaha, Yeesu Gristo geala bwadaw ak geengoor aba eeshpwara aba madeedeabeang'a?

Bibliyeeda Ghaydit

¹ Ea fuga Galatiya dasheahi! Goong'ushooneegwa ng'eaha, Yesu Gristo geala bwadaw ak geengoor aba eeshpwara aba madeedeabeang'a?

Galattiya 3:1 Referans Kwoze

2 Goriinto 11:3

Iiduw ghabealli, gawuurji gidaghayi renganniida ichchibooda Haawa aba milmilandaannyi, gajeehutteawi fughareengeagwa ak ghoanung'waadi doobiiwnatta ea alooheeda Gristo.

Giidaheechta 2:20

Ak geandeawi ng'ashaan appadaydaang'u, bea gideaba ang'iing'i gimilikghti gatmoodida suguura Yesebeeliin, guura geaw sibaneeda ak ghoareatta soomjoogeasu ak ghoanaal mealuuleega nea ghwaak haleanjeeda siyaat lukdhumajeega siittaw gidamawosa Aseettean.

Galattiya 1:6

Aniini nihamwan ng'eanyi aba gidoobay anung'usiinda heeda dea ghayi guurneegwa aba jeeda dagheerjeandumeeda Gristo ak gooyamsi geat giijasta miy nuut,

1 Betro 4:17

Asi nihitta damanda jea eang'eada girgweaksiinda fuga gheeda Aseetta, ak iisiing'eada heedeanya, abeeda huydeanda nyaawa gaygawuurjiin deaba fukka mwamwasa giijasta miy bea Aseettean?

2 Betro 2:18

Aba gideaba iissa gwargu ng'asheega hees bea ghwarjeeda, aba haleanjeeda gasa saseeda aba munyinda iissa gwareengani buuneeda mang'awa heeda fuga abiida jeeda ramaseanda.

Ebraniya 11:8

Aba masaweega gwasin mureeda Abrahaamu damanda suguursiina ak gawa ng'eanyiida jea ghwanyasa hearaniischooda; ak gawa, nea mwanala eara heeda gal.

Efeeso 4:14

aba gideaba adeebiikti gichcha eahuuwa diibiga, ak geejakseasa hoowa ea hoowa, nea ghwadeasa gilinyoo ea jeammeeda bea ginealshooda fughareenga, aba milmilanda buuneeda ea seechmeeda nea geayaachchi naweedinga reengani buuneeda.

Galattiya 4:9

nea ghamneawa iinoanalli Aseetta, ghana ghwanaleagwa Aseetta, gajabiiktaydaan bwadaw gichcha jeeda haleanjeeda ng'arng'ari was meangeenda, ak googasayi abiikta jeeda ging'ng'oonyaneandumeeda gichcha?

Galattiya 3:3

Ak gowoschi dasheahhiidunu? Nea ghoang'ng'eachchi ghuutta sea Gurorooda Ghaydit, ak ghamneawa ghoahhiichchi aba saseeda?

1 Betro 1:22

Nea ghoammiidu jeesingeagwa aba mureedeang'wa aba heeda huumeanda aba bariinyeega huumwa aba heeda oorjoogiyya, abariinnya geat huumwa aba jeeda gurorooda.

Ebraniya 5:9

amaduw nea siimmajeek ghoaw ging'eetta lealeanooda mamudeana aba heeda buuneessean sissa niny mureeda,

Efeeso 5:15

Ang'ulla muuchchi aba gidoabeadi, adoowuurjeewi fuga manda fughareenga, awuurjeewana gea mida fughareenga,

1 Dimotteo 6:4

nii nung'ut ghwarjeeda ak ea manda gil nal, ak gaba geeska gittemshooda badayda ginyeeshteayda ng'asheega ea galleadayda ng'asheega nea aba jeedeaba suu gwarinna ng'ullooda siida aba gheangda muy, jalliida ea ging'weaka ea meannyooda muy bea siida,

Galattiya 2:14

Iiduw nea ghadaayi gideaba fukka madoobiiwsiina giijasta miy bea huumwa, geayeeshshi Gefa aba madeeda buuneessean, “Earappeadi uwosi siida Yahuudi, ak gibiideatti siida Emoojiga nea muwuurjeewani siida Yahuudi, gayding'siindaan siida Emoojiga gideaba gaygobiideatta siida Yahuudi?”

1 Goriinto 11:26

Aba gideaba iyoayaaji mukkatteheeni nea ghoaleaydi bayoogi, goorukkwiidi miyeeda Ng'uttamiida ea ghwahitta eaweeda jea ghwahinna.

1 Goriinto 2:2

Aba gideaba aniini meagassi danal ng'asheanda wassean aba jeedeang'wa geaghus Yeesu Gristo, dea ghayi singoor.

Ruumi 6:17

Ak gagasa ebadiischeesa Aseetta, aba gideaba ghayi goowooschi ging'ng'oonyanga ring'eeda amaduw goosinnyi mureeda aba gurorooda gawuurji fughareetta ghayi siinnaleagwean,

Ruumi 2:8

nea fukka aheakkiida suurjeaniin biissa ea moawalla ng'asheega huumwaan, nea gwasinniisa mureeda ng'asheega munyas, gay ghwanyas nyarasta ea gharbeeda.

Gadiyeeda Giijasoodiga 6:7

Ghaghayda ng'asheanda Aseetta; nea ghoahaada muuchchi monneeda ginealanga aba Yerusaleemu, nea ashoohoodiga saang'a gwasissa mureeda masaweega.

Giidaheechta 18:3

aba gideaba emoojiga sean nili difaayeeda ng'asheagaaschi munyas gaseadayyi, ak eara sugoodiga ng'eanyiida nihiseada sea niny, nea fuga ageakshi bea ng'eanyiida ea ninyas meanang'oochcheandumeeda aba uurda hiseadayeandumeadaannyi.”

2 Desaloniikke 1:8

nea ghawalda mureandooda masissiina mureeda giijasta miy bea Ng'uttamiideanya was Yeesu.

Efeeso 3:8

Aba aniini, earappeadi eawoschi mwanang'eawa fuga sean ghaydidin, abeeda geegu dagheerjeandumeani, ak gearukkwiiisi fuga Emoojiga meanang'oochcheandumeeda meesikkideawana bea Gristo,

2 Goriinto 10:5

Ak geenyarji fughareenga sean gasa godiing'u geat appadayda fughareeda Aseetta, ak geaghaschi giliwas fughara ak abeeda gwasissa mureeda Gristo,

Ruumi 10:16

Iiduw ea moang'ng'waanya buuneessean giijastida miyiin; aba gideaba gwayi Isaaya, “Ng'uttamiida ng'eaha siida mwas iitta siittawji?”

Lukka 24:25

Ng'atta gwayeeshsha saawa, “Ea fuga dasheahi, mideawa guroruunatka hang'oonyi ak amwamwasa eara ng'asheega ghayi rugu sibanga!

Mattayo 24:24

Aba gideaba gayghwahidu Gristohajeega ng'uyyeega ea sibanga ng'uyyeega. Ak gayghoahiimu gwadeagwajeega hees deamdeameadi jea ghoammu gahutteawi fuga ghayi bay ealoat.

Mattayo 7:26

Ama siida was sean iiy ng'asheesu ikkeasuun ak ea masna, gajeegala siida dasha, ghayi deeksa gheannyi uhuuda iseaskweanda;

Gadiyeeda Giijasoodiga 16:6

Iiduw geesik ng'eanyiida Fregiya ea Galattiya aba gideaba ghaheawa Gurorooda Ghaydit gwarukwiida ng'asheanda aba ng'eanyiida Asiya.

Galattiya 1:2

ea oorjooga giyeanya sean eandeawi, Aba heeda ganiisajeega mida Galattiya:

Galattiya 5:11

Ak earaniini oorjoogiyya iyearukwiidi ng'asheega ghasmeahooda, abeeda ghwasaan anda gudeesawanan? Abeeda aba hiji russooda beehiida ea sigeanda.